العام زين

Discussion dans 'Discussion générale' créé par fearfactor02, 20 Mars 2011.

Statut de la discussion:
N'est pas ouverte pour d'autres réponses.
  1. fearfactor02

    fearfactor02 ابن العاصمة

    J'aime reçus:
    25
    Points:
    28
    الشميشة بانت و الحال سخن، و الورد تفتح، و تبارك الله الأراضي ولات زرابي ملونة، ايوا غادي نهزو عاوتاني الشعار ديال " العام زين "، تماما بحال أيام زمان و سنوات " البلون نوار"، غير فهاديك الحقبة كانو تيزهاو غير على قد الحال، رباعة ديال الشياخ و بهيمة مشوية و المهم و الأهم برمة ديال الماحية و حزمة ديال الشقوفة.

    أما حاليا، الأمور طورات و تبدلات بزاف، و الزهو عندنا ولا غالي و تتخسر فيه أموال طائلة، حتا الاسم تبدل، و الزهو عاد سميتو مهرجان، و المهرجانات كثرات، تيقولو عندنا فبلادنا الجمـيــــلـة أزيد من 80 مهرجان سنويا، يعني الفلوس الكحلا لي تتمشي فالزهزو و النشاط و " هشك بشك " ضخمة و كارثية و متقدناش سيمانا باش نحسبوها ، لحقاش الشيخة خربوعة ماشي هي هيفاء وهبي، لي كل حرف تتنطقو ب 50 درهم، أما ايلا نطقات شي حرف و رافق دلك حركة أنثوية مثيرة " الســــلامــة "...

    فالحقيقة، ماشي غير قضية المهرجانات لي فيها خسران الفلوس، راه بزاف ديال الأمور الأخرى ولي غير زايدة، بحال الانتاجات السينيمائية، تتشوف فلم ما تتفهم فيه حتا وزة، و مني تتسول عليه تتلقاه تقام ب 200 مليون و 100 ألف و 12 ريال. أما الرياضة خلاص، مثلا كرة القدم ، لحقاش هي رياضة شعبية – بحال الداودي – و عندنا ألاف الفرق ها قسم النخبة ها القسم التاني ها القيامة ديال الهواة، و كل فرقة وشحال تيخصصو ليها سنويا عاد زيد أجور الحكام و البوليس و المخازنية لي تيفرشخو الجمهور و زيد و زيد...

    خلاصة القول، و صلب الموضوع، أنا كنت جالس فواحد القهوة، و قلت مع راسي علاش لي واحد العام نحبسو نخسرو الفلوس فالمهرجانات و الفن و السينما و الرياضة - لحقاش حنا ممطفرينوش فهاد الأمور - ونستغلو الفلوس لي كانت تتصرف فيها فأمور أكثر أهمية و دات أولوية، مثلا فاصلاح المدارس و تجهيزها – لحقاش كاين الأقسام لي مازال ممسقفاش و فوقت الشتا المعلم تيسلت و التلاميد تيترطرطو - ، أيضا في بناء مصانع و شركات و مقاولات باش نخدمو الشباب و نوفرو ليه فرص عمل و نحركو عجلة الزواج لي تبيسات مـــودة هادي...

    و أنا جالس تنتقهوا، مني جات على بالي هاد الفكرة، جبدت ستيلو و ورقة و بديت نكتب، و غير ساليت هزيت راسي لقيت واحد السيد تيقرا فلي كتبت، هو يضحك و قال : " واش شكينا عليك أخويا، نتا خلينا زاهين و ناشطين و شبعانين راحة، و ايلا بغيتي دير فينا خير، كتب ليهم شي طلب باش يديرو لينا شي سهرة ديال هيفاء أولا روبي و يكون فيها الدخول بالمجان ".


     
  2. Maghrebine

    Maghrebine Âme noble

    J'aime reçus:
    134
    Points:
    63
    Sinon profitables dans le domaine touristique,je pense que les festivals sont bénéfiques pour le pays sur deux plans, d'une part, endormir le peuple, et d'autre part, gagner la réputation internationale en compétition avec d'autres pays.
     
  3. nournat

    nournat Wld l3iyachiya

    J'aime reçus:
    344
    Points:
    83
    علاه ما فخباركش آخويا بلّي المغرب كا يوجّد لمشروع ضخم داخل فنطاق فيزيون 2099 ، و دوك المهرجانات راهم غير تحضيرات لداك المشروع الضخم ديال المغرب؟ إيوا أسيدي راه ف 2099 المغرب غا يتغطى كامل و هاد المشروع غا يشاركو فيه جميع صحاب البيشان لّي فطريق مديونة ، المغرب غا يشدو رحّال لتموين الحفلات؛ و غايبدا يتّكرا لّعراسات و التوجيه فالإعدادي التلاميذ غايبداو يختارو فبلاصة أدبي ولا علمي ولا تقني ، غا يختارو إما دقيقي ولا سرباي؛ نكافة ولا طيابة ... الناس راهم خدامين ؛ ها ستوديو دوزيم ها لالة لعروسة ها نغم و أتاي و غريّْبة ...
     
  4. Maghrebine

    Maghrebine Âme noble

    J'aime reçus:
    134
    Points:
    63
    hada hoa nachat htta chat<D
     
  5. BOLK

    BOLK Accro Membre du personnel

    J'aime reçus:
    309
    Points:
    83
    copié coller from hespress
     
Statut de la discussion:
N'est pas ouverte pour d'autres réponses.

Partager cette page