حلويات لذيذة

Discussion dans 'Cuisine' créé par bochboch, 17 Octobre 2006.

  1. bochboch

    bochboch Visiteur

    J'aime reçus:
    1
    Points:
    0
    حلويات لذيذة



    كيك بالفواكه الجافةçتقدم مع العصير أو أتاي Cake aux fruits secs
    المقادير
    5 بيض، -كأس و نصف زيت، -300 غ سنيدة، -250 غ دقيق الفرص، (كاطو)، -200غ سميدة رقيقة، -كأس و نصف DANAP، -رأس معلقة لفاني، -3 خميرة الحلوة ما يعادل 3 معالق ممسوحين، -كأس ونصف زبيب مقطع رقيق، -كأس و نصف كركاع مقطع رقيق، -150غ شكلاط أبيض، -50غ شكلاط أسود
    الطريقة :
    البيض + سنيدة + لفاني +يتخدموا مزيان بالباتور + الزيت + داناب + دقيق مع سميدة نأخذ نصفهم نخلطوه مع زبيب و الكركاع بعد ذلك نخلط الخميرة مع النصف الثاني و نبدأ بالخليط الأول ثم نضع عليهم الخليط ديال الفواكه. بعد ذلك يصب الخليط في طاوة مدهونة بالزيت وترش بالدقيق، ندخلها للفرن. عندما تنضج نتركها تبرد جيدا، نزوقها بالشكلاط الأبيض و الأسود

    غريبة الزنجلان و النخالة (أتاي)
    المقادير
    نصف كيلو زنجلان محمص و مطحون أو 125غ لوز + 125غ زنجلان، -125غ سنيدة أو سكر كلاسي، -نصف كأس زيت، -100غ نخالة، -معلقة صغيرة خميرة، -3 بيض، -رأس معلقة لفاني، -نصف معلقة حامض محكوك.
    الطريقة
    الزنجلان + النخالة مطحونين + الخميرة + البيض و السنيدة مخدومين + الزيت + لفاني + الحامض ثم نكورها ونفندها في السكر كلاسي و نستفها في طاوة مدهونة بالزبدة ومرشوشة بالطحين.
    مثلثات باللوز و الكلاسي (أتاي) ↔ Les losanges aux amandes
    المقادير
    نصف كيلو لوز مقشر و مطحون، -100غ سكر كلاسي، -بيض بيضة، -4 معالق كنفتير المشمش، -200غ سكر كلاسي، -بيض بيضة، -معلقة صغيرة الحامض أو الليمون.
    الطريقة
    نأخذ اللوز المطحون، سكر كلاسي، بيض بيضة ويتخدموا مزيان ثم نقسموهم على 2 نطلقهم ثم ناخدو واحدة ندهنوها بالكنفتير ثم نضع فوقها الثانية ثم ناخذو كلاصاج بيض بيضة سكر كلاسي معلقة صغيرة عصير الحامض ثم نخدمو بالفرشيط. ندهن العجين بالكلاصاج تترك حتى تنشف ثم تطبع فتطهى.
    ماكارون فرنسية (أتاي) ↔ 10 حتى 15 دقيقة -35 أو 40 وحدة.
    المقادير
    250غ لوز بقشوره، -200غ كلاسي، -3 بيض البيض، -رأس معلقة قليلة لفاني، -50غ لوز صحيح للتزيين.
    الطريقة
    نطحنو اللوز بالقشور كالغبرة + بيض البيض + السكر كلاسي + لفاني مطربين كالثلج بعد ذلك نزيد عليهم اللوز بعدما نكون حليتو من الكواري (شوي شوي)، دهني الطاوة ورشيها بالطحين و عملي الخليط في لاسورانك و ستفيهم في الطاوا متباعدين ودهنيهم بالماء و زوقيهم بنصف لوزة ثم الفرن ساخن جدا النار أقل من مهيلة.
    بسكوي خفيف ↔ 100 قطعة دوبل، البوق رقيق
    المقادير
    500غ زبدة "بنة"، -200غ كلاسي، -800غ حتى 900غ دقيق، -رأس معلقة لفاني،
    معلقة صغيرة خميرة، -زلافة صغيرة كونفيتير الليمون، -250غ شكلاط أسود.
    الطريقة
    تدلكي الزبدة مع السكر كلاسي و لفاني تزيدي عليهم خميرة و الدقيق شوي شوي ثم تدلكيها شوي، البوق رقيق ثم الطاوة مدهونة بالزيت و الفرن ساخن جدا دخلي الطاوة الفرن العافية مهيلة "كالكيك" ما تحمريهاش مزيان. بعدما تطيب تدهنيها بالكونفيتير و لاصقيهم وحدة مع الأخرى وعملي رأسهم بالشكلاط مدوب و وضعيهم فوق الميكة حتى يبردوا.
    غريبة البهلة (أتاي)
    المقادير:
    4 كيسان كاوكاو محمص و مقشر و مطحون مزيان، -2 كيسان الزنجلان مقلي و صحيح، -4كيسان كلاسي، -2كيسان الزيت، -2كيسان الزبدة مدوبة، -4معالق صغار خميرة، -قليل المسكة الحرة مدقوقة، -دقيق حسب الخليط.
    الطريقة
    دلكي الزبدة مع السكر و الزيت ثم زيدي عليهم المسكة، الزنجلان، كوكاو و الخميرة بعد ذلك الدقيق . إجمعي العجينة ثم دلكيها مزيان. في طاوة مدهونة ومرشوشة بالدقيق ضعي الكويرات بعد دهن اليد بالزهر. من الأحسن إرسالها إلى فرن الزنقة للطياب.
    محنشات صغار (القهوة أو الحليب مع اللوز)
    المقادير: 50 حتى 60 وحدة
    500غ لوز، -200غ سنيدة، -2 معالق حتى 3 كبار الزهر، -قليل القرفة، -50غ الزبدة، -250غ الورقة، -250غ العسل، -2معالق كبار الزهر وشوي القرفة مع العسل.
    الطريقة
    خذي اللوز مصلوق ومقشر وناشف مزيان طحنيه 2 طحنات وزيدي عليه سنيدة و طحنيه ثم زيدي عليه الزبدة الزهر ودلكي مزيان . خذي الورقة وقطعيها طويلة 8 حتى 10 سم في الطول والعرض 3سم (دائما دهنيها بالزيت واشتري الورقة في ساعتها) بعدما تطويها وضعيها في طاوة مدهونة و مرشوشة ودهني المحنشة من الفوق بالزيت و دخليها للفرن لمدة 20 دقيقة النار مهيلة الفرن سخون بعدما ما طيب دوبي العسل مع الزهر و دهنيها 2 مرات بالشيتة.
    حلوة كاوكاو (أتاي)
    المقادير: 80 حتى 100 وحدة
    1 كيلو كاوكاو رقيق أحمر محمص و مقشر، -4 بيضات، -رأس معلقة لفاني، -500غ سكر كلاسي، -2 معالق كبار كونفتير، -معلقة صغيرة الخميرة.
    الطريقة
    طحني كاوكاو المحمص و مقشر زيدي عليه البيض مع السكر كلاسي الكونفيتير + لفاني ثم خلطي 2 حتى3 دورات و حبسي ثم خلطي كوكاو و الخميرة وزيدي شوي بشوي ثم وضعيها في الثلاجة ساعة كاملة ، الطاوة مدهونة ومرشوشة ، كوري الخليط كويرات صغار جدا فنديهم في السكر و ستفيهم متباعدين و دخلي الطاوة في الفرن سخون و العافية مهيلة بعدما تنضج نلصقها بالكونفتير (15 د للطياب).
    فوري بيضاء بالفواكه 2 كيكات (العصير)
    المقادير
    4بيضات، -125غ سنيدة، -125غ دقيق، -نصف معلقة خميرة، -قليل من لفاني،
    إلى بغيناها سوداء ننقص 4 معالق دقيق و نعوضهم بالكاكاو،
    السيرو: كأس و نصف سنيدة، -3كيسان الماء، -قليل من لفاني،
    شانتيي: 600غ لكريم فريش، -4 معالق كبار سنيدة، -50غ شكلاط محكوك للتزيين.
    الطريقة
    البيض + سنيدة + لفاني يتخبطو بالباتور مزيان ثم نخلط الخميرة و لفاني مع الكاكاو مغربل و نزيد شوي بشوي على الخليط الأول ثم نضعه في الطاوة (الطاوا مدهونة و مرشوشة و لاصق عليها الكاغيط مدهون بالزيت). دائما الفرن سخون العافية أقل من مهيلة 15 حتى 20د بعدما نضعها في الفرن نهيىء الجينواز الثانية.
    السيرو: نضع سنيدة مع الماء فوق النار حتى تطلع الغلية ثم لفاني و نطفي مباشرة و نتركه يبرد و هذا السيرو يصلح للكيكتين.
    بعدما نكون وضعنا لكريم فريش في الثلاجة لمدة ساعتين ووضعنا الإيناء في الثلج لمدة 15د نطربو بالباتور ونضعه في الثلاجة عدة مرات حتى يطلع.
    نأخذ الحلوى الأولى و نسقيها بالسيرو في الطبسيل الذي سنقدمها فيه نطليها بالكريم فريش نسقي الثانية بعدما نكون وضعناها فوق الأولى نطليها بالكريم فريش نزوقها بالشكلاط المقطع بالسكين.
    الفواكه: مشماش، التفاح، البنان تقطع قطعا صغيرة وستفناهم في الطاوا و دهناهم ب 4 معالق كبار الحامض معصر و 4 كبار معالق سنيدة و ورقة جيلاتين. نضع الحامض و سنيدة تدوب فوق النار سريعا و تطفي عليها و تضعي فوقها الورقة الجيلاتين الفازكة بالماء و معصرة. و بعدما تدوب دهني بيها الفواكه بالشيتة ولما تبرد نضعها فوق الفوري بيضاء (Forêt blanche).
    لافوري نوار عادية (العصير)
    المقادير:
    5 بيضات، -2 كيسان سنيدة، -كأس و نصف زبدة مذوبة، -3 كيسان دقيق،
    3 معالق صغار كاكاو 3 معالق صغار خميرة، -رأس معلقة لفاني.
    الطريقة: كالحلوى الجينواز لكن بعدما تطيب تقسم على إثنين.
     
  2. adil_boch

    adil_boch همس اليل

    J'aime reçus:
    1
    Points:
    0
    Re : حلويات لذيذة

    lah ya3tek saha azin wtbarkalah 3lik w3la ch8iwat dyalak
     
  3. bochboch

    bochboch Visiteur

    J'aime reçus:
    1
    Points:
    0
    Re : حلويات لذيذة

    lah ybark fik aloghzal
     
  4. curieuse769

    curieuse769 Visiteur

    J'aime reçus:
    0
    Points:
    0
    Re : حلويات لذيذة

    Merci bcp bochboch
    ;-) c'est l'occasion pour faire quelques unes ;-)
     
  5. bochboch

    bochboch Visiteur

    J'aime reçus:
    1
    Points:
    0
    Re : حلويات لذيذة

    basha wraha akhti
     
  6. doha

    doha Visiteur

    J'aime reçus:
    0
    Points:
    0
    Re : حلويات لذيذة

    merci bochboch,

    hade lmakadire taynaf3ou bzzafe, é en plus, rahe mabka walou lél3ide ;-)
     
  7. nouna_76

    nouna_76 Citoyen

    J'aime reçus:
    14
    Points:
    38
    Re : حلويات لذيذة

    merci bcp khti bochboch jaw nit maa l3id radi njerjb chi 2 chkiyalt oula 3 merci encore [06c]
     
  8. bochboch

    bochboch Visiteur

    J'aime reçus:
    1
    Points:
    0
    Re : حلويات لذيذة

    l3afw akhti doha mazal inchaalah nzid halawiyat okhrin
     
  9. bochboch

    bochboch Visiteur

    J'aime reçus:
    1
    Points:
    0
    Re : حلويات لذيذة

    merci hta nti 3la lmocharaka dyalk wlahtimam dyalk bhad lmawdo3 bayna 3lik akhti bin hadka lah yhafdak lmimtak wkantmana ysadkolk hadok chkilat wbasha wraha
     

Partager cette page