زجل مغربي

Discussion dans 'toutes les poésies...' créé par milouky, 7 Janvier 2011.

  1. milouky

    milouky ¤~.oOo.~¤

    Inscrit:
    28 Juin 2007
    Messages:
    5140
    J'aime reçus:
    256

    ثلث بنات قدام المدراسة مجمعات
    تكلمت لالة فتانة الاولى و نظمات
    و قالت كلامي مصنوع مرمات
    مرصوص منمق رصات
    يذبح حسادي و عدياني ذبحات
    بمشي و النخال نقرصهم قرصات
    و من البرج العالي نرجمهم رجمات
    بسهوم نبالي يتحقق مرادي مرات
    بقلة الوفا و غياب الصفا نسمعهم صيحات
    أنا بنت القاع و الباع
    بنت الشان و المرشان
    في لباسي يظهر البرهان
    في كلامي تسمع الوزان و زيني لجميع الناس يبان
    ماني محجبة ماني محجوبة
    ماني عيبة حتى نكون معلوبة
    بزيني و ذهاني للشباب سالبة مسلوبة
    حرة بحياتي متعة ماني مزمتة مزموتة
    الراب و الراي و أنغام العصر في قلبي منقطة منقوطة
    أنا حرة بمجاجي عايشة بالموضة جارة مجرورة
    تكلمت لالة جامة بكلام زين كل دين
    بنور و صاف و طهر و نقا و لين
    بحكمة و رفق و قلب مومن حنين
    قالت ليها بحب و كلام زين
    أنت ختي و لية حبيبة بحب متين
    الخاوة و المحبة أصل من اصول الدين
    الله في سماه كريم رحيم و حنين
    و فضلو علينا معندنا ليه فين
    أمرو طاعة و الدنيا ساعة يعرفها كل رزين
    المولى للمرا صانها بالشرع المتين
    حماها من كل ضالين و ذئب نيابو مكشرين
    بالعفة حماها و بالسترة صانها صون الزين
    بالتقوى و الايمان يظهر نورها المبين
    و بكتاب المولى محزمة بحبل الله المتين
    بالصلاة صلة للمولى و صلى على سيد الزين
    و بطاعة الوالدين الحياة ما أحلاها مرتين
    بالرفق و اللين علمها و الصبر صبرين
    الله أمرنا في كتابو نكونو مع أهلو و حبابو
    في مجالس الخير يتصابو
    بهم يصلح الحال و يتنقى من تعيابو
    بصحبة الذكر يصفى القلب و لبابوا
    و بالصدق يزيان القلب و اللسان و صوابو
    تكلمت لالة حكيمة و حكمت و قالت
    ياسيادي الحق و الصواب ظاهر مبين
    واش نتبعوك الالة فتانة راه انت غالطة في الزين
    واش الراحة في سروال مزير و بودي قصير و لاد و بنات مخلطين
    واش الغنا بالكلام الساقط فن و لا عفن واش تتشوفو و لا عميين
    فينك و فين مايريح البال و يطفي القلب فين
    اش قرب للي يتبع هواه من اللي طاع مولاه و كان رزين
    هادشي للي تتقولي ما يرضي لا الله و لا رسولو و ما جاء به الدين
    سمعي كلام لالة جامة الحكمة و الابتسامة قلب على نفسو و الامة حنين
    و في الاولى و الاخرة راكم كاع خواتاتي
    الله يهدينا و يهدي بنات المسلمين كاملين
    آميــــــــــــــــــــنو الحمد لله رب العالمين


    الزجال : أبو الخير عبد العزيز ادريوة
     
  2. ABOU IMANE

    ABOU IMANE SAHBANE

    Inscrit:
    5 Décembre 2004
    Messages:
    3365
    J'aime reçus:
    153
    Localité:
    BOSTON
    9assida zwina..ou moufida..lla8 yejibe lli yetta3ede..ou ye7oulle 3ini8 l6ri9 l7a99e..choukrane milou...
     
  3. islam99

    islam99 Accro

    Inscrit:
    21 Mars 2008
    Messages:
    3846
    J'aime reçus:
    1420
    أنا حرة بمجاجي عايشة بالموضة جارة مجرورة

    da7katni hadi.:rolleyes:

    Allah itabat ljami3.
     
  4. سماهر

    سماهر اللهم صلى وسلم علىه

    Inscrit:
    7 Février 2011
    Messages:
    807
    J'aime reçus:
    22
    Localité:
    خــدعــوك يـــا وحـشـيـة الـعـيـنـيــن إذ سـمَّـوك
    klam b dhab mwzoune
    mrase3 m3ani w hikam 9ayima
    merci pour le partage
     

Partager cette page

En poursuivant votre navigation sur ce site, vous acceptez l’utilisation de Cookies pour vous proposer des publicités ciblées ainsi que pour nos statistiques de fréquentation.