عشان انت مصرى... لازم تعانى

Discussion dans 'toutes les poésies...' créé par HANDALA, 23 Février 2008.

  1. HANDALA

    HANDALA Bannis

    J'aime reçus:
    91
    Points:
    0
    عشان انت مصرى... لازم تعانى

    وتفقد كرامتك بكل المعانى

    وتحرق فى دمك سنين مش ثوانى

    واوعى تصدق كلام الأغانى

    بتاع الحضارة وكانى ومانى

    ده كله هجايص مايدخل ودانى

    عشان انت مصرى العذاب بيناديك

    بتبدأ فى يومك حاجات بترازيك

    فى نومك فى قومك تعكنن عليك

    تضايقك ولسه العماص فى عينيك

    مافيش مية تشطف صابونة فى إيديك

    وجسمك ملزق وريحتك عاديك

    فتلبس وتنزل وفيك اللى فيك

    ورايح لشغلك حتحتاج مواصلة

    أدى المترو واقف وكهربته فاصلة

    وفى الميكروباص خناقة وحاصلة

    أوتوبيس فرامله عايزالها وصلة

    وتوك توك ده تايه ومحتاج لبوصلة

    بتوصل لشغلك بدم اتحرق

    فى زحمة وكتمة وحر وعرق

    رئيسك سايبلك كومة ورق

    ده غير دمغة ضايعة وملف اتسرق

    وفيه كام مواطن عامللك قلق

    بيشكى تقول له روح اندعق

    وعركة وهوجة وشاى اندلق

    ومخك خلاص م الصداع اتفلق

    هترجع لبيتك ده لو كان فى بيت

    هتوصل هتندم ياريتك ماجيت

    مراتك بتصرخ خلاص استويت

    عيالك بتطلب وهات كيت وكيت

    تزعق تِهاتى ياناس اتهريت

    ولا حد سامعك مهما هاتيت

    عشان انت مصرى وده للاسف

    فلازم تقاسى تعيش تتقرف

    وكل الأساسى فى حياتك ترف

    فتنسى الكرامة وتنسى الشرف

    وتسرق وتنصب أو تنحرَف

    ودمعك بيجرى وجرحك نزف

    مش انت اللى مصرى؟؟؟

    جتك ميت قرف

    أحمد فؤاد نجم

     
  2. meriem_spg

    meriem_spg Visiteur

    J'aime reçus:
    25
    Points:
    0
    merci pour le partage malak a khouya 7a9ed 3la lmissriyine mdr
     
  3. HANDALA

    HANDALA Bannis

    J'aime reçus:
    91
    Points:
    0

    a travers eux, on voit notre face dans le miroir[:Z]
     
  4. meriem_spg

    meriem_spg Visiteur

    J'aime reçus:
    25
    Points:
    0
    d'un coté c bien parlé
     
  5. freesoul

    freesoul FreeSoul

    J'aime reçus:
    146
    Points:
    63
    merci aghilass pr l partage
     

Partager cette page