غنوا لأبو الفساد

Discussion dans 'toutes les poésies...' créé par HANDALA, 23 Juillet 2008.

  1. HANDALA

    HANDALA Bannis

    Inscrit:
    22 Juin 2005
    Messages:
    6124
    J'aime reçus:
    91
    Localité:
    Marrakech
    ياللا حالا مالا بالا . . غنوا لأبو الفساد
    قولوا عيد ميلاده الليلة . . أتعس الأعياد
    يسقط أبو الفساد . .

    أنا الغرقان بانادى . . وباقول للبحور
    يوم أغبر رمادى . . عيدك ياطرطور
    لك ملايين أعادى . . عايزينك تغور
    إمتى حاتفرحهم . . وتسيب البلاد
    فى داهية يابو الفساد . .


    أنا عاطل مكافح . . على كرهك أمين
    يابو مخ سايح . . ضيع ملايين
    طول عمرك مقاوح . . ويا الشقيانين
    اسمك مكروه جدا . . من كل العباد
    فليسقط أبو الفساد . .

    وأنا جعان وواقع . .جيبى كمان نضيف
    رحت طابور وراجع . . مافي معايا رغيف
    لقيت واحد هطنفل . . بيبيع عا لرصيف
    موبايل بألف جنيه . . بيغطى البلاد
    خِربت يابو الفساد . .

    أنا عانس باقاسى . . لا عيلة ولا أصحاب
    أوضتى فاضية عليا . .مافيش غير الدولاب
    شنطى جاهزة تملى . . حاطاها جنب الباب
    أنا مش زى خديجة . . عشان ما بقولش داد
    اعتقنا يابو الفساد . .


    أنا السرطان بلانى . . من أكل الحمير
    تعالى عيش مكانى . . ويا الصراصير
    مش بعيد عن قصرك . . دا أنا فى ترب الغفير
    واللا انت عايز مدفن . . فى أرض الميعاد
    ماتموت يا أبو الفساد . .

    وأنا مش رايح أغشك . . ألعبان خطير
    يامولود فى عشة . . مفطوم عالجرجير
    مين يقدر ينشك . . وانت ابن الغفير
    إحنا بتوع عظمتك . . حافظين الوداد
    فلتحيا يابو الفساد . .

    أنا ابن بهانة . . محتاج مترين قماش
    عشان مافيش صيانة . . أرضى راحت بلاش
    وقبل الأربعين . . طلعت عا المعاش
    وأنت فى الثمانين . . ضارب فيها طناش
    دا احنا قرفنا منك . . ومن الإستبداد
    ما تغور يابو الفساد

    من كثر المهانة . .عيدك يوم بكانا
    فيه الحزن جانا . . من كثر ظلمك لينا
    شوف بقى يا أخينا . . لولا انت ما حفينا

    حاسبوا يا أصحاب . . من حسنى النصاب
    الواجب علينا . . نشيله من فوقينا
    ونهتف ونقول له . . غرقت السفينة
    شوف بقى يا أخينا . . لولا انت ما حفينا

    جينا قرب دارك . . نقولك يا مبارك
    فى ليلك ونهارك . . ولا باجدع رجالك
    حانسيبك تبرطع . . وتتمريس علينا
    شوف بقى ياأخينا . . لولا انت ماحفينا
    ما تغور يابو الفساد
     
  2. mellaite

    mellaite Visiteur

    Inscrit:
    24 Avril 2006
    Messages:
    2004
    J'aime reçus:
    86
    Localité:
    Paris
    Merci aghilasse pour le partage

    vraiment des mot claire qui expriment bien la souffrance du peuple égyptien avec son president
     

Partager cette page

En poursuivant votre navigation sur ce site, vous acceptez l’utilisation de Cookies pour vous proposer des publicités ciblées ainsi que pour nos statistiques de fréquentation.