"قصائد الملحون "فاطمة

Discussion dans 'toutes les poésies...' créé par klar007, 17 Octobre 2006.

  1. klar007

    klar007 Visiteur

    J'aime reçus:
    0
    Points:
    0
    ارحمي يا راحة لعقل ترحامي

    من جفاك طال سقامي

    كيف نبقى حاير وانت مسليا

    روفي يا لغزال فاطمة

    امولاتي والحب والهوى والعشق ونار الغرام

    من حالت الصبا فعضايا قاموا

    كل واحد دار مقامو فمهجتي وضحى بحسامو مع سهامو

    يطعن ويزيد بالجراح عدامي....... في غراد هذ الدامي

    غير ملكت عقلي بجمالها وغلقت عنوة باب المراحمة

    امولاتي ما كان هكذا ظني يا بنت الكرام

    تعدبي بغير سباب غلامك....بعدما قبلت قدامك

    بالقهر رعيت دمامك من غرامك

    ضاعت بجفاك الطويل ايامي...يا غرايبي وهيامي

    لاش عاقبتني بالظلم بعدما طعتك وانتنا الظالمة

    امولاتي شوفي بعين المحنة في هذ الغلام

    افاطما انت بالحال سليمة وحالتي بجفاك سقيمة

    كيف نبقى منسي ديما بلا جريمة

    واش انت اليوم سمعك صامي .....جاوبي جواب كلامي

    بغيتك تصفي ذاك القلب لاين انا عبدك وانت الحاكمة

    امولاتي افاطما تحييني غير بالكلام

    ما جا رسول ما قلتيلي كلمة ....واش ما في قلبك رحمة

    يا لي صلتي بالحكمة وحبك ما...في وسط القلب زاد نار ضرامي

    بردي الصهد الحامي....بالوصال والمصال لي فشفتك ديك العذبية الناسمة

    امولاتي امتى نشوف قدك يتمايس كعلام

    منو الياس والريحان تعلم....الشعرغسيق مظلم

    كغراب عليه مرصم وضيا عم

    يلوح من الجبين نورو سامي...به كيزول غتامي

    والحجواجب نونين معرقين لشفار بغير مدام نايمة

    امولاتي عينيك زوج كيسان من عتيق المدام

    من ذاق منهوم شي يصبح هايم ...والعطر فلخد مناعم

    ورد عكري تحت صوارم فاح ناسم

    والمعطس طير طار به منامي...بين الورود نسامي

    والسنان احسن من حب الغمام...والجيد غزال خشى من الرما

    امولاتي وانا دخيل جيدك جودي لي بالمرام

    روض الرضا يفوح علي بنسيم...ساعة نرا وجهك الوسيم

    افاطما قبلي عبد خديم قالت الريم

    قبلتك طول الحياة غلامي

    لا تظن تبقى ظامي جق نهدي حتى نهدي كيوس فحضرتك تطفي حرقة الظما

    امولاتي خدي نفرشو بالشوق لدوك القدام

    ونقولك افاطمة زطمي ....يا لي داوتي جسمي

    امري بالعز وحكمي ولا تحشمي

    ونشوفك يا الباهية قدامي ..الرقيب بصرو عامي

    والحسود فغفلة وانا معاك تحتخيام الليل لمخيمة

    جات الميلاف راية الهشامي ....ناوية تزور رصامي

    تلحفت بثياب رفيعة وجات تتمايل كلياسة الناعمة

    منين نظرت زينها بنيامي ...قلت من صميم غرامي

    كان هذي يقضة ولا منام عهدي بالشمس قبيل فالسما

    الساعة لاح نورها فرصامي ...كصورة الادامي

    والخليلة تضحك حتى تطيح وتقول انا لغزال فاطمة

    شكيت لها بلعتي وهيامي...هيبتي فجل مقامي

    قلت لها حالي وسلمت ليلتيهي بلي كان عالمة

    سال بريق الرحيق يا لوامي والنوامس والخوامي

    غير حزت وقبلت ولا فعلت ما تصبح النفس به نادمة

    هاك راوي رقايقي ونظامي ...فيق الحرير الشامي

    هاك فن قليل مثيلو فجيلنا فاق بالبلاغة التامة

    لاهل التسليم تنهيب سلامي واسمي فطرز ختامي


    قول قال ادريس بن علي المالكي سلبتني الغزال فاطمة
     
  2. madiha

    madiha Visiteur

    J'aime reçus:
    29
    Points:
    0
    Re : "قصائد الملحون "فاطمة

    [:Z] merciiiiiiiiiiiiiiiiiiiiiiiiiiiiiiiiiiiiiiiiiiiiiiiiii [:Z]
     
  3. kalimate

    kalimate Visiteur

    J'aime reçus:
    0
    Points:
    0
    Re : "قصائد الملحون "فاطمة

    lah "yerham" men ktab had rawa2i3
     
  4. lahlou131

    lahlou131 Citoyen

    J'aime reçus:
    8
    Points:
    38
    chy had 3andou had l9asseeda y uplodeeha leena. [06c]
     
  5. nouna_76

    nouna_76 Citoyen

    J'aime reçus:
    14
    Points:
    38
    Re : "قصائد الملحون "فاطمة

    vraiment j vous remercie klar aziza aliya had la chanson thanks a lot
     
  6. curieuse769

    curieuse769 Visiteur

    J'aime reçus:
    0
    Points:
    0
    Re : "قصائد الملحون "فاطمة

    rzala bsout almaroum Toulali
     
  7. klar007

    klar007 Visiteur

    J'aime reçus:
    0
    Points:
    0
    Re : "قصائد الملحون "فاطمة

    eli khassou chi 9ssida ta3 lmal7oun ola lgharnati ola tarab al2andaloussi ana nakhdam wladbladi
    3la rass ol3in
     
  8. kugune

    kugune Visiteur

    J'aime reçus:
    0
    Points:
    0
    Re : "قصائد الملحون "فاطمة

    kayena en mp3 lakassida diyale fatema ???
     
  9. klar007

    klar007 Visiteur

    J'aime reçus:
    0
    Points:
    0

Partager cette page