لسـه بتسـألي؟

Discussion dans 'toutes les poésies...' créé par HANDALA, 28 Août 2012.

  1. HANDALA

    HANDALA Bannis

    J'aime reçus:
    91
    Points:
    0

    لسـه بتسـألي؟

    إهـــداء.. إليـــها

    *******


    هو انتي لسه بتسألي
    انتي بالنسبالي ايه؟
    لا ياحبيبتي اطّمني
    الجواب عندي تلاقيه
    لما تجري جوا دمّي
    لما تبقي كل همّي
    لما أعيش ويّاكي حلمي
    تبقي بالنسالي ايه؟؟
    *******

    لما ظلّك يبقى ظلّي
    وتبقي أجمل شيء فاضلّي
    ولما اسهرلك تملّي
    ويّا طيفك.. يبقى ليه؟؟
    لما اتحدى الدنيا عشانك
    لما اتعذّب من أحزانك
    لما اوهبلك وانتي مكانك
    كل اللي انتي بتتمنيه
    كل اللي انتي بتتمنيه
    *******

    لما ألاقي الشوق صاحبني
    والحنين ليكي غالبني
    يبقى ايه اللي غاصبني
    غير هوى بلاقيني فيه
    ولما قلبي يدق دقّة
    من حنين وحنان ورقّة
    والقى روحي ليكي سابقة
    عالمكان اللي انتي فيه
    *******

    ولما أعيش واحلم بدنيا
    انتي نورها في كل ثانية
    يبقى أي دنيا تانية
    مش معاكي تسوى ايه
    مش معاكي تسوى ايه؟؟
    لما ثانية تفوت عليّا
    وانتي مش قدام عينيا
    كل شئ في الدنيا ديّا
    يبقى صعب وقاسي ليه؟؟
    *******

    مش باقولك ياعيوني
    مستحيل أبداً تهوني
    انتي احلامي وكوني
    والهوى اللي بعيش عليه
    ياجنوني واشتياقي
    لما باتغرّب بالاقي
    قلبك انتي وحده باقي
    جنب قلبي يخاف عليه
    جنب قلب يخاااف عليه
    *******

    لما بانسى عمري قبلك
    واتولد لحظة ماقابلك
    قلبي يبقى ملك قلبك
    والغرام مكتوب عليه
    ولما اقولك مهما اقولك
    برضه مش هقدرأقولك
    انتي على بعضك وكلّك
    أحلى حلم حلمت بييييه
    *******

    لسه برضه بتسأليني؟
    ده انتي قلبي وانتي عيني
    وانتي روحي ونور سنيني
    عايزة تاني اقولك ايه؟
    عايزة تاني اقولك ايه؟
    *******


    كلمات: منصور الشادي
    غناء: هانـي شاكـر

     
  2. ScoRPinA

    ScoRPinA Accro

    J'aime reçus:
    393
    Points:
    83
    hiya mosh 3ayzaak te2oul hiya 3ayzak te3mel <D
    actions speak louder than words :rolleyes:
     

Partager cette page