من روائع شعر الملحون

Discussion dans 'toutes les poésies...' créé par taoufik236, 17 Avril 2007.

  1. taoufik236

    taoufik236 maydom 7al

    J'aime reçus:
    82
    Points:
    48
    salam 3alaykom hnaya inchalah ghadi nbda nposti 9asa2id chi3r al malhon [06c]...

    nbda b ghzal fatma [06c]



    ارحمي يا راحة لعقل ترحامي
    ......................................من جفاك طال سقامي
    كيف نبقى حاير وانت مسليا
    .......................................روفي يا لغزال فاطمة

    القسم الاول
    امولاتي والحب والهوى والعشق ونار الغرام
    ......................من حالت الصبا فعضايا قاموا
    كل واحد دار مقامو فمهجتي وضحى بحسامو مع سهامو
    يطعن ويزيد بالجراح عدامي....... في غراد هذ الدامي
    غير ملكت عقلي بجمالها وغلقت عنوة باب المراحمة

    القسم الثاني

    امولاتي ما كان هكذا ظني يا بنت الكرام
    تعدبي بغير سباب غلامك....بعدما قبلت قدامك
    بالقهر رعيت دمامك من غرامك
    ضاعت بجفاك الطويل ايامي...يا غرايبي وهيامي
    لاش عاقبتني بالظلم بعدما طعتك وانتنا الظالمة

    القسم الثالث
    امولاتي شوفي بعين المحنة في هذ الغلام
    افاطما انت بالحال سليمة وحالتي بجفاك سقيمة
    كيف نبقى منسي ديما بلا جريمة
    واش انت اليوم سمعك صامي .....جاوبي جواب كلامي
    بغيتك تصفي ذاك القلب لاين انا عبدك وانت الحاكمة

    القسم الرابع
    امولاتي افاطما تحييني غير بالكلام
    ما جا رسول ما قلتيلي كلمة ....واش ما في قلبك رحمة
    يا لي صلتي بالحكمة وحبك ما...في وسط القلب زاد نار ضرامي
    بردي الصهد الحامي....بالوصال والمصال لي فشفتك ديك العذبية الناسمة

    القسم الخامس
    امولاتي امتى نشوف قدك يتمايس كعلام
    منو الياس والريحان تعلم....الشعرغسيق مظلم
    كغراب عليه مرصم وضيا عم
    يلوح من الجبين نورو سامي...به كيزول غتامي
    والحجواجب نونين معرقين لشفار بغير مدام نايمة

    القسم السادس
    امولاتي عينيك زوج كيسان من عتيق المدام
    من ذاق منهوم شي يصبح هايم ...والعطر فلخد مناعم
    ورد عكري تحت صوارم فاح ناسم
    والمعطس طير طار به منامي...بين الورود نسامي
    والسنان احسن من حب الغمام...والجيد غزال خشى من الرما

    القسم السابع
    امولاتي وانا دخيل جيدك جودي لي بالمرام
    روض الرضا يفوح علي بنسيم...ساعة نرا وجهك الوسيم
    افاطما قبلي عبد خديم قالت الريم
    قبلتك طول الحياة غلامي
    لا تظن تبقى ظامي جق نهدي حتى نهدي كيوس فحضرتك تطفي حرقة الظما

    القسم الثامن
    امولاتي خدي نفرشو بالشوق لدوك القدام
    ونقولك افاطمة زطمي ....يا لي داوتي جسمي
    امري بالعز وحكمي ولا تحشمي
    ونشوفك يا الباهية قدامي ..الرقيب بصرو عامي
    والحسود فغفلة وانا معاك تحتخيام الليل لمخيمة

    جات الميلاف راية الهشامي ....ناوية تزور رصامي
    تلحفت بثياب رفيعة وجات تتمايل كلياسة الناعمة
    منين نظرت زينها بنيامي ...قلت من صميم غرامي
    كان هذي يقضة ولا منام عهدي بالشمس قبيل فالسما

    الساعة لاح نورها فرصامي ...كصورة الادامي
    والخليلة تضحك حتى تطيح وتقول انا لغزال فاطمة
    شكيت لها بلعتي وهيامي...هيبتي فجل مقامي
    قلت لها حالي وسلمت ليلتيهي بلي كان عالمة

    سال بريق الرحيق يا لوامي والنوامس والخوامي
    غير حزت وقبلت ولا فعلت ما تصبح النفس به نادمة
    هاك راوي رقايقي ونظامي ...فيق الحرير الشامي
    هاك فن قليل مثيلو فجيلنا فاق بالبلاغة التامة

    لاهل التسليم تنهيب سلامي واسمي فطرز ختامي
    قول قال ادريس بن علي المالكي سلبتني الغزال فاطمة

     
    bella999 aime ça.
  2. MIMALION

    MIMALION Visiteur

    J'aime reçus:
    439
    Points:
    0
    Re : من روائع شعر الملحون

    Merci toufik c très très beau [:Z]
    si tu en as d'autre, ça serait pas de refus [:Z]
     
  3. zbougz

    zbougz بــــابــــا عـــــروب Membre du personnel

    J'aime reçus:
    559
    Points:
    113
    Re : من روائع شعر الملحون

    [21h] taoufik meni 9rit cham3a guelt khassni nposti ghzal fatma o sbe9tini [06c] merci khouya
     
  4. osiris

    osiris Visiteur

    J'aime reçus:
    103
    Points:
    0
    Re : من روائع شعر الملحون

    c'est vraiment gentil ila 3andek chi 7aja diyal l mar7oum Tolali allah ykhalik
    et merci [06c]
     
  5. taoufik236

    taoufik236 maydom 7al

    J'aime reçus:
    82
    Points:
    48
  6. taoufik236

    taoufik236 maydom 7al

    J'aime reçus:
    82
    Points:
    48
    Re : من روائع شعر الملحون

    "l ghriba "


    صليوا على العدناني
    عين الرحمة نبع للهدى وكنز الإحسان
    مول الطبع القرآني
    صلى الله عليه دايما كل آن

    نستفتح طرز وزاني تشبيه القصيد بالثوب المطرز بخيوط الذهب
    باسم الجلال والصلا بقلب ولسان
    على الحبيب المداني
    والرضى والرضوان على آلو لحنان
    وسلام الله الغاني
    على الخلفا الراشدين طول لحيان
    والاصحاب والأعياني
    ولي شافوه وصغاو منو ببيان
    وبعد من يصغاني
    هذه شكاية للنبي بهذ الزمان
    غادي لو بها عاني
    حتى للمسجد الشريف نور لعيان
    نقراها لو بلساني
    ما بين القبر ومنبر و الحال يزيان
    ونقول انور كناني
    جيتك شاكي باكي وحاير لدهان

    ...
     
    bella999 aime ça.
  7. taoufik236

    taoufik236 maydom 7al

    J'aime reçus:
    82
    Points:
    48
    Re : من روائع شعر الملحون

    twiiiiiila hadi
    --------------------------------------------------------------------------------

    قصيدة الدمليج


    دمليج زهيرو صبيغ بالصفر كان فجيبي يا أهل الهوى ومشا ليا
    باش نجاوب إلى تسال عنو تاج الغزلان
    غاب زمان الهجرا وتاك بدري وهنا قلبي وراح من كل بليا
    مهما زارت رسمي هلال عيدي راحت العيان
    بتنا فحديث الحب والهوى وغزالي تهدي مدام كاس الحميا
    واحنا فبساط رفيع لي صدركو عاشق فزمان
    حتى راح الديجور والصباح تجلى ورمات فالشروق الذهبيا
    وطيار الروض عالاغصان تنشد طبيع صبيهان
    قالت مصباح الزين يا العاشق هذا وقت الرواح من غير خفيا
    ودعتك فحفظ الكريم من لا تراه عيان
    تطقت وقلت لبودلال خفت يطول الميعاد يالعذرا البهيا
    ولا تسنانيا الريم وتخليني هيمان
    جبدت ولفي دمليج من ايديها زين الشفرين روح لذاتي دميا
    قالت ليا يا عاشق البها لا تبقى حيران
    هاك الدمليج أعاشق المحاسن صونو وحضيه فالحجوب السريا
    حتى نهدف ونزور مرسمك نصيبو محصان
    ودعت هلال الزين تاج البها ورجعت من الفراق روحي مدهيا
    وعملت فجيبي بالاشواق دمليج ضيا العيان
    تم الدمليج مشى وطاح لي بقا عقلي كيهوم صبحان وعشيا
    وانا لا حالة كيف حالتي في ضيو ديجان

    *****
    دمليج زهيرو غاب مبان وبقيت من فراقو مهموم وحزين
    ما تشاف مثيلو فيد سلطان عند العرب ولا فالهندوسين
    دمليج لا يوجد فمكان فالروسيا ولا فخزين ستالين
    دمليج الموضة يا فهيم من ذهب الصين وجا لتاج البنات هديا
    صنعوا ماهر ذوقي لبيب وحكيم من اليونان
    دمليج مرصع بالادرار من شغل الأناضول فيه حجرة تركيا
    دارت بحجار الفوندو لا يدرك بثمن
    دمليج لا مثلو وجد عند الملوك الفايتين في وطون أسيا
    ولا في كندا ولا في أرض غموق السودان
    دمليج ما وجد مثله في أرض الشام دون ريب وسوريا
    ولا في القاهرة الصايلة ولا في عمان
    دمليج الموضة ما وجد مثله عند اللي حايزين همة ومزيا
    ولا دركوه اهل الاموال في الفرس وفرسان
    دمليج الموضة ما يخلصو مال الأمريك والمدن الشرقيا
    وكذ ا الكمال اسبانيا وغرناطة واشبيليان
    مدت لي تاج الاريام هاذ الدمليج ولا عرفت كيف جرى بيا
    وعملتو في جيبي وطاح لي ومشا يا الاخوان



    طاح الدمليج وحار أمري وبقيت كنخمم فطيو ديجور
    يعذر حالي من كان عذري ولا من بحالي جرحو معذور
    سرت نفتش ونزاح صبري وانا كليح هايم والدمع يفور
    درت في باب الخوخة مع الكنيف وحوز الكدام ما ارثا حد عليا
    ورجعت على الصفاح كنسول دمعي هدان
    ودخلت مع الاقواس والجزيرة خفيت العدوة مع عواز المخفيا
    بوعجارو درتو على النهاية واكد عجلان
    قطعت الواد وسرت للصفيفح وانا حالي كظيم ما صبت حميا
    وطلعت علىراس الجنان سولت اهل الغيوان
    فتشت على الدمليج يالفاهم في الدوح ولا جبرت من يصغى ليا
    ودخلت على صلاج كنفتش وانا ولهان
    ما صبت من اعطاني خبار ولا من شافو يا رجيح فأحضان صبيا
    وبقيت على الدمليج كنسول سره يعلان

    ***********
    سولت على الدمليج الاريام وانا فغير حال وقلبي مصقوم
    درت فدرب السراج بقوام والطالعة صغيرة فضيو ديموم
    سولت بعرفي ناس الغرام وجميع من صبية فبنات اليوم
    درت فدرب الحرة مع السياج على دمليجي سألت ولفي ثريا
    قالت لي ما شفتو ولا جبرت خبارو فمكان
    سول فالقطانين راك تجبر تما جمع الاريام عند العشويا
    ومشيت وسلت اهل الهوى وليس يخبرني إنسان
    قالولي سول يا عشيق في حومت البليدة إلى جبرتي ماريا
    لعل تعطيك الخبار بالدمليج المصان
    ومشيت البليدة ودرت درب الميتر وسألت كل من هي ذوقيا
    وكذاك فناس الحب والذي شاخو فالهجران
    ومشيت ودرت فالزنزفور وانا واله وحدي دمع العيان سخيا
    والحفارين جميع درتها و فزقاقر الرمان


    طال شقايا وهجرت المنام وانا كظيم هايم والعقل فليج
    من حر الصهد فقدت المنام بين الضلوع جمري موقود سريج
    و فنا جسمي يا صاح وسقام لا حال حالتي بفراق الدمليج
    فتشت فبوعقدة على النهاية وزقاق اللي ما مشيتلو فصبحيا
    ما صبت خبارو عند حد من كهول وشبان
    وطلعت اليمن سريع راحت الشمس الاولى ديك الفوقيا
    ولدرب بن عزاهم سرت كالح قلبي لهفان
    ومشيت محزم يا فهيم فتشت احواز الطالعة ونهاري مكديا
    فطريق السنيما لقاوني زوج بنات كران
    شافوني ناس الحب كنسول قالو مالك روح ذاتك مهديا
    قلت مشا لي دمليج من فراقو عقلي هيمان
    قالت وحدا يا عاشق البها دمليجك موجود عند هيفا بركيا
    لقاتو وقالت لي نهار كان يزور السلطان
    طحت وبست الأرض قلت لها لاقيني بيه يا الريم العذريا
    قالت دابا ياتيك بالوفا وهنا واطمئنان
    قلت لها يا تاج البدور وين يكون الميعاد بينا دون خفيا
    قالت يوم الجمعة الجاية تلقانا وكدان
    أجينا لجنان السبيل قدام الصهريج الكبير وقت الذهبيا
    تم رجانا ولاّ تصيبنا نرجاوك يعلان

    ************

    رق الخاطر ونسيت الكدور ونكيت يا الفاهم جمع الحساد
    وفرح قلبي ومشيت مبشور بقيت كنراجي شخص التماد
    في يوم الجمعة قمت مسرور مشيت بالاشواق في وقت الميعاد
    صبت بنات الغيوان كتراجيني في الموعد بجلالب فضيا
    وشرابل من ذهب الشريق والتلثيمة حسن
    قالو سهلا وميات مرحبا بالعاشق الغريم ليك بشرة وهنيا
    بايعت وقلت على وصولهم تتفاجا الكدور
    قالو ومشاو بزوج باللطافة جابو وحدا ثالثا تكون ثريا
    قالو هذ العشيق صاحب الدمليج الفتان
    قالت لي يا سودنت الدنجال دمليجك عندي دون ريب ولا شكيا
    لكن لا تمشي لعندنا تصطاب الكيسان
    قلت لها يا اعز البنات مالي قدرة حتى نخون بعد الولفيا
    راقب فيا وجه الكريم نعم الحي المنان
    مدت لي دمليجي وقلت ليها يجزيك بكل خير خالق البريا
    قالت فالحين بلا جميل حشى مثلك يهان
    ثم ودعت الباهيات وفرح قلبي ونسيت كل ما فات عليا
    ولقاني بالدمليج رب الورى خالق الاكوان

    ************

    دمليج الموضة جا ليدي واظفرت بيه وتفاجا كل احزان
    وافرح قلبي ونسيت نكدي ورسلت له الوجيبة صبيغة الاشفار
    راحت القلوب علال عيدي سلطانة الغوالي حرة البكار
    وصلت رسمي تاج البدور زينة الاسم مكمولة البها الهواويا
    صابت قلبي مسرور بالوصول وناشط فرحان
    وانا محتال على وصولها من شوقي وجدت كل ما يزهى ليا
    المقاعد والشليات جبتهم من الهندوسان
    مهما جلست تاج الاريام ، نزلت انواع الطبخ والتفاكه وقتيا
    كوكا كولا خلف الطعام شلّى نحكي بلسان
    قالت مصباح الزين يا العاشق وين الدمليج قلت لضيا عنيا
    دمليجك ودرتو وغاب عنّي ومشا ما بان
    واحكيت لها يا صاح ما جرى لي وهلال الزين بارزة تصغى ليا
    وانا قلبي مجروح فوق خدي دمعي هدان
    قالت فهنا وريع، واعرف دمليجيا عشيق ما يبقى فيا

    دمليج زهيرو صبيغ بالصفر كان فجيبي يا أهل الهوى ومشا ليا
    باش نجاوب إلى تسال عنو تاج الغزلان

     
    bella999 aime ça.
  8. taoufik236

    taoufik236 maydom 7al

    J'aime reçus:
    82
    Points:
    48
  9. hakam1

    hakam1 Citoyen

    J'aime reçus:
    23
    Points:
    38
    Re : من روائع شعر الملحون

    iwa zine hadhci awaddi assi sahbi wa3ar ntay walakin cham3a walo hnaya hatta hia malhoune
     
  10. zbougz

    zbougz بــــابــــا عـــــروب Membre du personnel

    J'aime reçus:
    559
    Points:
    113
  11. hakam1

    hakam1 Citoyen

    J'aime reçus:
    23
    Points:
    38
    Re : من روائع شعر الملحون

    chatha aba 3aroub allah ihafdak ajammi
     
  12. raja_casa

    raja_casa دمعة و ابتسامة

    J'aime reçus:
    184
    Points:
    0
    Re : من روائع شعر الملحون

    merci bcp tawfik

    merci pour le partage
     
  13. madiha

    madiha Visiteur

    J'aime reçus:
    29
    Points:
    0
    Re : من روائع شعر الملحون

    merci epsilon [:Z]

    j adore 9esidat demlij [17h]

    une pensee a mon pere [06c]
     
  14. osiris

    osiris Visiteur

    J'aime reçus:
    103
    Points:
    0
    Re : من روائع شعر الملحون

    epsilon,ba aroub ,lahla ykhatikoum ze3ma dertou fiya wa7ed leplaisir diyal jahd,ytoub [06c]
     
  15. nouna_76

    nouna_76 Citoyen

    J'aime reçus:
    14
    Points:
    38
    Re : من روائع شعر الملحون

    khoya tawfik lghiwani rak temma lalhla ykhtek 3lina

    ay haja jdida 3andek partageha m3ana lah eyhfedk natader lmazid [:Z]
     
  16. michele2010

    michele2010 Visiteur

    J'aime reçus:
    7
    Points:
    0
    Re : من روائع شعر الملحون

    merci hadchi 3andkom tayfakkarna b l ayam lati madat
     
  17. MriiigeL

    MriiigeL Bannis

    J'aime reçus:
    0
    Points:
    0
    Re : من روائع شعر الملحون

    tbarkalah 3likom [06c]
     
  18. zbougz

    zbougz بــــابــــا عـــــروب Membre du personnel

    J'aime reçus:
    559
    Points:
    113
    Re : من روائع شعر الملحون

    wa7ed sa7bi bgha chi 9assida dyal lma7oune b7al chkel dyal khssam lbahiyate [17h] li 3ando chi we7da yatini biha [:Z]
     
  19. banoutta

    banoutta Visiteur

    J'aime reçus:
    27
    Points:
    0
    Re : من روائع شعر الملحون

    merci bcp bcp 3la had l9sayéd kay7m9ouni wkay3jbouni bzaf bzaf bzaf !!
     
  20. taoufik236

    taoufik236 maydom 7al

    J'aime reçus:
    82
    Points:
    48
    Re : من روائع شعر الملحون

    الشمعة

    اللازمة
    لله يا الشمعة سالتك ردي لي سآلي
    ................ وش بيك فالليالي تبكي مدى انت اشعيلا
    *****
    علاش يا الشمعة تبكي ما طالت الليالي
    ................وش بيك يالي تتهيء لبكاك فكل ليالي
    وعلاش كتباتي طول الديجان كتلالي
    .............. وش بيك يا لي ما رينا لك فلبكا امثيلا
    علاش كتساهر داجك ما سهرو نجالي
    ................وش بيك يالي وليتي من ذا البكا عليلا
    وعلاش باكيا روعتي ناس لهوى امثالي
    .............. وش بيك يا لي تنصرفي بدرارك الهطيلا
    علاش باكيا وانت فمراتب المعالي
    ............... وش بيك يالي فيك اوصاف العاشقين صلا*صلة
    وعلاش باكيا مدالك للباكي وسالي
    .............. وشبيك يالي ظاهر حالك حالة لى وحيلا
    اذا نشوف لصفرارك يصفارلو خيالي
    .............. واذا نشوف دبلتك زادت لخاطري دبيلة


    *******
    سلتك بالله عيد لي اش جرالك
    ........ وعلاش باكيل مدا لك
    ...............وش كان قصتك وش انهو داك
    اش نهو داك باش رق خيالك
    ........... وكمن قامتك حنحالك
    .................وتبات باكيا لحبابك وعداك
    لي دون خفا احكي بما فدخالك
    ........... وروي قصتك نصغى لك
    .................. وانا قصيتي بها نتعداك

    لو جيت يا الشمعة نحكي لك كل ما اجرى لي
    ...............تنسى غرايبك وتصغي لغرايبي طويلا
    اذا باكيا من نارك نيران في ادخالي
    ...............عدات كل نار فداتي وجوارحي عليلا
    واذا باكيا باسقامك شوفي اسقام حالي
    ............... من قيس وارثو بعد فناه اسقام حب ليلى
    واذا باكيا بفراقك مفروق عن اوصالي
    ............. وعلى الفراق صابر وش صبرني علالعقيلا
    وانت منين جاك تحكي لي اولي وتالي
    .............ما فارقة خليل بحالي ما فارقة خليلا
    تقول باكيا عند خيام السمر والليالي
    .............. ولا على بطاح وما دار فمقام ليلى
    ولا على فراق الي عشق حيها بحالي
    .............عربان آمنوابالمختار شحال من قبيلا

    سللتك لله عيد لي ما اصابك ........ اش كان سبتك فمصابك


    لي احكي خطابك وانا نصغاك

    يستغرب من لا تحدثو بخطابك....... الغريم فاللغا يسطابك

    ويجول في حديثك وجواب لغاك

    لو كنت ذات شاكية بعذابك......... يرباوا بالدموع اهذابك

    لو كان ليك تصرخي بلغاك


    بلسان حالها قالت لياما اخفاك حالي
    ............. يكفاك يا السايل عن حالي حالتي وحيلا
    في صولة العمالة كنت وكانوا لي رجالي
    ..............قبايل لجناح لا تحكي كيفها قبيلا
    يشيدو بروج من لعمالة كل برج مالي
    ............ويعمروا بروج من مواهب ربنا جزيلا
    فيهوم كيحجبو كيف الملوك فالليالي
    ..........وايام الربيع يخرجوا للبطايح الحفيلة
    طلاب جاو ا هزمو بالحامية ابطالي
    ........... تركوني بعد العز فحالتي ذليلا
    وليت للعصارةشهدة صفاوا من امصالي
    ........... صابوه قوت ودوا للذات الفانية العليللا
    ومن امصالي صفاو شماعي يا لي صغا لي
    ............ وحكايتي للقدام القصة باقيا طويلا
    ***************
    اسايلني يتدبروا لمسالك ......... تركوا حشاي في هالك

    لو كان من الهند قوامي تهلاك

    داروني فتخوت زي ما يبدا لك ....... تبغي فقلبها عذالك

    يتختوا حتى اسمتواو بلاك

    وخرت من لتخوت لمهالك ......لقساوة الشموس كذلك

    ذاتي يقصروا بهواجر وفلاك

    وعلفتيل لفو توراقي يا لي صغا لي
    .............وبلا هوادة شعلوا فمواسطي فتيلا
    ومتون من اطرافي تنشيها بلا عوالي
    ............ونلوحها على الحسكة قطرةصافية صقيلا
    نتفكر لعمالة وتزيد افراقها نكالي
    .............نتفكر القصرة ونعود قلايدي هليلا
    نتفكر العصارة وهجير الشاردة قبالي
    ........... ونقول وادب بكاي على ما صار لي اقبيلا
    يحق لي بكاي على الغربة ما وجدت والي
    ........ ...في مسلمين حبابي وسلامتي قليلا
    شحال منهلاك جرى لي كيف ما نبالي
    ............يا شوم ليعتي وبكايا وصادفت كل حيلا

    شحال من عذاب جرى لي اما الشعيل تالي
    ............هذا عشور فالواقع بيا غاية القتيلا
    سال اهل الحضرة اذا فرقت ابطالك ......وقبايل الجناح رجالك
    راك مع ارجالن يزهاو معاك
    بفنهوم يدركو ما يزها لك......وعلى السرور نادى فالك
    وديار كيراعيوا كما يرعاك

    بيك يسهر فكل داج الحالك.....واذا ينصرف مشعالك

    تدعي بالفراق ويقبال دعاك

    تبات يا الشمعة تبكي وانت فشان عالي
    .......... وجدوك يا الشمعة فمجالس رايقة حفيلا
    وتبات يا الشمعة ترتي فضريح كل والي
    ............وفشحال من مقام يشعلوك اهل الوسيلة
    وتبات يا الشمعة بين اهل المال والموالي
    ............وعليك كيصرفو الاموال الطايقة الثقيلا

    وتبات يا الشمعة فمساجد ربنا العالي
    ............ وعليك كيخرجو السلكات فليلة الفضيلة
    وتبات يا الشمعةبين اهل الشرح والامثالي
    ............وعليك تنشرح كتوب بازغة جميلا
    وتبات يا الشمعةبين العشاق ولغوالي
    ............ وعليك كيشاهد الخليل محاسن لخليلة
    نبغيك با الشمعة تبكي في الحرة الليالي
    .............وانا على ذنوبي نبكي فمقام دار ليلى

    ذكرني يا حبر اللغا بشعارك ...... لي يخبروا بخبارك

    يدريو من يكون سواي وسواك

    ناري نحكيها لكم لعشور فنارك......وسرارها تجي لسرارك

    قصة من قصايص عشقك وهواك

    فاش يجيوا يقلبو دينارك......من خالص الذهب عيارك

    يخفى على الذي ما داواه دواك


    شحال قلت لها من قوم يطالبو جدالي
    .......... وشحال من جحود من جدالي باقيا جديلا
    شحال من عقود عليهم تذكار من لآلي
    .......... مشهودة عليهم بمعاني رايقة نبيلا
    واذا نتبع عداي بعد الهروب من قوالي
    ........... نيشاني يلحقهم وصوارمي ثقيلا
    غابوا اهل الهوى واضحىسوقي منهم خالي
    .......... ولاو بيه يدعيوا من لا لهم بيه صيلا
    الصمت خير لي من قومان سكاتها اولى لي
    ...........من لا بفايدة فادوني المعارف الرديلا
    لو كان قاصهوم هواي يستحسنوا قوالي
    ........... تسلم قلوبهم بالسنة والفرض والنفيلا
    وسلام ربنا للودبة ما فاحت لغوالي
    ............ بالورد والزهر ونسري ونسايمو وسيلا
    واسمي نبينو ما يخفى موضوح في ازجالي
    .............محمد الشريف بن علي ولد الرزين صيلا
     
    bella999 aime ça.

Partager cette page