ناس الغيوان............

Discussion dans 'toutes les poésies...' créé par klar007, 31 Mai 2005.

  1. josef21ma

    josef21ma Accro

    J'aime reçus:
    35
    Points:
    48
    Re : ناس الغيوان............


    Allah yer7am lwalidine & lah yer7am l3arbi & boujmi3
     
  2. taoufik236

    taoufik236 maydom 7al

    J'aime reçus:
    82
    Points:
    48
    KLAAM AL GHIWANE

    يَا جَمَّالْ رْدْ جْمَالْــــــكْ عـْلِــيـنــَـــــــــــــــا
    راه احنا ولاد ناس وف العز تربينـــــــــــا
    يا جمال رد جمالــــــك علــيـنــــــــــــــــــا
    راه احنا ولاد ناس وف الخير تربينـــــــــا
    عـيونــــا علــى شوفـــة لَمْـلِيــــــــحْ دْوَاوْ
    وانت ماشي زين لا ترمي لغبار ف عينينا
    گلُـوبْـنـَــا ب كـلـمـــــة الـمـحـبـــــــة دواو
    وانت گلبك حجر . . . نوض اخطينــــــــــا
    يا جمال رد جمالــــــك علــيـنــــــــــــــــــا
    لبسنا الحرير ورميناه كلمنا الحق وسمعنـــاه
    شفنا الزين ودْحِينَــاهْ عْرْفْنَا لهوى وما بغيناه
    وتجي أنت يا جمــــال وتدوز جمالك علينـــــا
    يا جمال رد جمالــــــك علــيـنــــــــــــــــــا
    * * * *
    يَا لاَ لْ يَا لاَ لاَ لْ يَا لاَ لاَ لـِـــــــــي
    يا لا ل يا لا لا ل يا مَّا يَا لاَلـَّــــــة
    گـُومْ يَا گلْبِي من نومك شوف الحالـــــــة
    حر العديان ف الدواخل دَارْ نْكَالَــــــــــــة
    درنا فيهم لامان يا گلبي مشينا طوالـــــة
    لگيناهم ثعبان شر من سم الــقــتــالـــــة
    نتذكــر خيمتنــا يــا گلبــي گبـــل الشعالة
    نتذكــر گمحنــا وشعيرنــا وْلـَّـى نخالــــة
    يا شگة ف الگلب يا وعدي جرحك يَتْلاَلاَ
    ليالي لعذاب يا وعدي امتى تتســــالـــــى
    عيشونا ف لخدع يا گلبي واحنا رجالـــة
    عيشونا ف الضيم يا گلبي وكثرو الگوالة
    لكن الوعد يروف يا گلبي تصفى ذا الحالة
    يبان البرهان ف الخاين يولي ف دلالـــــة
     
  3. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE


    كلمنا يا شيخ لكلام كلمنا
    قول لينا مال لكلام خسرت معانيه
    وكلمنا يا شيخ لكلام كلمنا
    قول لينا مال الحق كفات مواليه
    وكلمنا يا شيخ لكلام كلمنا
    قول لينا مال المنكر الزور حاميه
    وكلمنا يا شيخ لكلام كلمنا
    قول لينا مال لكلام فسدت معانيه
    * * *
    شوفو شوفو لعجب
    ما بقينا عرب
    السبع ولى خرتيت
    تحت جناح نسر لبد
    مسلف منه منقار
    ولذرة محمد ما نجد
    حنا اضيع من الأيتام
    واصغر من النملة . . .
    واضعف من لرنب
    ملي تدركها لقدار
    بمخالب مازلة
    لحراش قدامها تصغار
    الشوك تظنه ازهار
    وعل السدرة ترمي العار
    راني ف حماك يا الحق الغالب
    لا توقف ساعتي بين يدين اشرار
    هكذا سيداتي سادتي
    حالنا غادي ويقصار
    حالنا حال لرنب
    شوفو شوفو لعجب . . ما يبقا عرب
    * * *
    ناس شايخة وناس دايخة
    وناس تحت لحيوط الخايخة
    * * *
    شــــوفــــــو لــــعـــجـــــب مـــــا بــقــيــنـــــا عـــــرب
    احـنــــا حــيـــوط قــصــــار جـــــمـــاعـــــة فــــي دوار
    فـــاق الكهــف واصحابــــه ولا جــــبـــنـــــا اخـــبـــــار
    شــــوفــــــو لــــعـــجـــــب جـــــمـــاعـــــة فــــي دوار
    لحصــاد والـدراس فــيــنــا لــعـصــا ولـبكا عـلــيــنـــا
    هـا اللـي شـاد مـن لقـــرون فـيـنــــا وفـيـنــــا يـحـلـــب
    شــــوفــــــو لــــعـــجـــــب مـــــا بــقــيــنـــــا عـــــرب
    احــنــــا حـيــوط قــصـــــار جـــــمـــــاعــــة فــــي دوار
    فــاق الـكـهــف وصـحـابـه ولا جــــبـــنـــــا اخـــبـــــا
    شــــوفــــــو لــــعـــجـــــب مـــــا بــقــيــنـــــا عـــــرب
    مــــــا انــتــــــم كـــفـــــــار ولا مـجــوس تـعـبـدو النـار
    مــــــا انـتـــــــم مـسـيـــــح ولا مـسـلـمـيـن منكم لخبـار
    ما خلصتو لسيرة زين لبها ســــــيـــــــد لـــــبـــــــرار
    شــــوفــــــو لــــعـــجـــــب مـــــا بــقــيــنـــــا عـــــرب ​
     
  4. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE


    مهمومـــــة يـــا خيــي مهمــــومـــة
    مهمومـــــة هـاذ الـدنـيـا مهمــــومـــة
    فيهــا النفــوس ولات مضيـــومــــــــة
    ولـــــى بنــــادم عبــــاد الــلُّومـَــــــــة
    المسكين ف همومه ساير يْلاَلــِـــــــي
    عايــم ف لفقايــص عومـة محمومـــة
    شـــي مفتــون بمالــه سايــر يلالـــــي
    لايـــح الرّْزَانْ ف قهــــاوي محرومــة
    هايــــم ب لقصايـــر وليـــلات تلالـــي
    الخرفان مدبوحة والبنات مغرومــــــة
    لا حرمـــة بقــــات لا ديــن لاعبـــــادة
    خرجت الشهادة من گلوب معلومــــــة
    كيســـــان مكبوبـــة والخمر الغالـــــي
    حَيَّانـِــي آش دَّانــَا لفعايـــل مذمومـــة
    عمرو لحباسات ب طفال مهمومــــــة
    ماتــو الرجـــال ب رسايل ملغـــومـــة
    عمرو لسواق ب ردايــــل الفـَــــانِـــي
    تبنات لبيوت ب فحايش مسمومـــــــة
    نْوّْح ْيا غراب هاد العالم مســـالـــــــي
    من زمان گالو مات والنوايح مقيومـة
    لا شورى بقات كل افواه مزمومـــــــة
    خويا ويد الطاغي عل لوجاه مرسومة ​
     
  5. nouna_76

    nouna_76 Citoyen

    J'aime reçus:
    14
    Points:
    38
    Re : KLAAM AL GHIWANE

    merci bien epsilon
     
  6. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE

    de rien nouna hahah
    kayen al mazid w sur demande li bghitiha tehder :D
     
  7. michele2010

    michele2010 Visiteur

    J'aime reçus:
    7
    Points:
    0
    Re : KLAAM AL GHIWANE

    sir a khay epsilon lah ya3tik rda ...klam lghiwane kollo ma3na
     
  8. lawlida3

    lawlida3 Visiteur

    J'aime reçus:
    4
    Points:
    0
    Re : KLAAM AL GHIWANE

    epsilon allah yerdi 3lik [:Z] w allah ykhalik dima hakeda

    NB :fakertin if wahed law9ita mninkan batema (allah yrahem ow yarham ljami3) f hopital molay abdellah f rabat,konna mchina zornah ac des amis w kan howa mrid bzzaf w malgré dakehc ikan ghenaha lina (mahmoma) w b9a taywassi fina nethella yf had torat w nzido bih l9odam in challah w akher kelma wade3na biha kanet hiya ,ghir khodoni lillah ghir khodni
     
  9. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE

    f khater lwlida




    يا ذا الرِّيْم منها مَوْلـُـوعْ مَرْحَبْتِي به إلى جَانِـــــي
    ولا زلت منها ملســــوع ولو عل لَحْبَل مَشَّانـِــــي
    أدَنْ أدَنْ أدَنْ
    غيرْ خُودُونِي . . . لله غير خودونـــــــي
    روحي نْهِيبْ لَفـْدَاكم غير خدونـــــــــي
    مَعْدُوم وُلـْفـِــي . . . لله دلونــــــــــــي
    ما صابر عل اللي مشاو . . . أنا ما صابر
    صفايح ف يدين حداد أنا ما صابـــــــــــر
    قلبي جا بين يدين حــداد حداد ما يْحنْ ما يشفق عليه
    ينزل ضربة عل الضربة وإلى برد زاد النار عليــــــه
    * * * *
    سيل سيل يا الدم المغدور
    تراب الأرض محال ينســـــاك
    وحوش الغابة ترهبات منـــك
    السم ف الصحاري جافل منك
    دم المغدور ما نْسْلّمْ فيــــــــه
    حق الظلوم أنا مـــا نــــدوزه
    يا طاعني من خلفي . . . موت وحدة هي
    غير خودوني . . . لله غير خودونــــــي
    الله بـــابـــا جاونـــــــي علاش أنا ضْحْيّة للصمــت
    واش جرى ليه جاوبني مال سفبنتك ما وصلــــــت
    بابا شكون كَدَّرْ صْفـَـاكْ بابا مول السيف المسلوب
    بابا فين جحا والغــــول بابا عـْيـَّــانــــا لَحْجــِـــــي
    بابا يسير منين يجــــي بابا وُحـَـــــجْ المقــــــدس
    بابا مشتاق نشوفــــــه بابا نـــــداه ف الكبـــــادي
    بابا ونوره ساطـــــع الله بـــــابــــا جاوبنـــــــي
    حمودة وابابا حمـودة
    والله بابا حمــــــــودة
    * * * *
    هَدِيكْ خَايْتِي وُخِّيْتـِــي وُهَدِيكْ خَايْتِي مظلومـــــة
    هديك رسامي مهجورة وهديك خيمتي مهدومـــة
    لله يا هلي اهل الحــال الشدة تزول ولا محــــــال
    هديك أرضي وبــلادي وباش من حق تبـــــعادي
    هيــــة والهمـــاميـــة
    * * * *
    ميموني ما يموت
    المحبة ما تموت
    الخير ما يموت
    العدل ما يموت
    السلام ما يموت
    والله والله وابابا
     
  10. hakam1

    hakam1 Citoyen

    J'aime reçus:
    23
    Points:
    38
    Re : KLAAM AL GHIWANE

    epsilon rah machi darhom bach nakrahom wa ngolo bravo khasna na33aw 3laych kayhadro
     
  11. lawlida3

    lawlida3 Visiteur

    J'aime reçus:
    4
    Points:
    0
    Re : KLAAM AL GHIWANE

    epsilon ntya weld bladi bkol mata7miloho lkalima  allah ykhal ikdima lfo9 lfo9  [:Z] bhal lporte bagage :D

    ma3endi manssalk [:Z]
     
  12. madiha

    madiha Visiteur

    J'aime reçus:
    29
    Points:
    0
    Re : KLAAM AL GHIWANE

    l3zz toufik [:Z]
     
  13. raja_casa

    raja_casa دمعة و ابتسامة

    J'aime reçus:
    184
    Points:
    0
    Re: KLAAM AL GHIWANE

    f kha6er tawfi9
    ما كفاكم الكسدة ب لجروح
    زيدتو الگلب للوزيعة
    ب الرفاگة الروح . .
    ب حق النطق . .
    ب حكمة لَمْيَازْنْ نْكَافْحْ . .
    ونكتب نطقي عل اللوح
    ذا السر الغامق ليكم فرزته
    والكنز المخفي ليكم فْتَحْتًُه
    وب ليام لاغيت :
    ما كفات فيكم كلمة . . .
    ولا غمزة من عين الحال
    * * * *
    ليام تلاغــــي حِيَّانـِــــي وزاد الهـــــم حِيَّانـِــــي
    لمطار لغزيرة بكــــايـــا ف لحجر منقوش كلامي
    تايه ف دروب غيواني يا ناس
    تلاغي صبيان عرايـــــا عليهــــم ثقـــل لحــديـــد
    تلاغي لفلاحة بلا صابة والصبر يداوي يا نـاس
    ** * *
    ندمني غير المسجون بلا عـــذر كفَر لغدر قاومه ب لقســــــاوة
    ف الدنيا تاگو شطاين لعمــــــــر الواعي گلبه ما سمع وطــــــاع
    تبع هوى الفانية وخدايع لحصر بلسانـه طمـاع جـاري لعـــداوة
    * * * *
    هــا هــو ليــك مــا بقـات إفـادة
    هــا هــو ليــك الجهــــل تمـادي
    هــا هــو ليــك الســرقة عــادة
    هــا هــو ليــك منيــــن جـــــاك
    هــا هــو ليــك طــــاح الــــــذل
    هــا هــو ليــك الغنــي فرحـــان
    هــا هــو ليــك معري قومــــان
    هــا هــو ليــك آه يـــــا ليـــــام
     
  14. raja_casa

    raja_casa دمعة و ابتسامة

    J'aime reçus:
    184
    Points:
    0
    Re: KLAAM AL GHIWANE

    mais celle que j'adore réellement 8iya 8adi

    يا من هو بَازْ فْ لَقفازْ
    يا من هو فروج عل الكَنْدْرَة ونشر جناحه
    يا من هو تِلِّيسْ اعطى ظهرو لَتَّغـْـرَازْ
    عمرني ما ريت لغزال تمشي بَلْمْهْمَازْ
    وفراخ الخيل عَادُوا سْرَاحُوا
    عمرني ما ريت النخلة تعطي حب الْغـَازْ
    بعد الثمر وُتَبْلاَحُهْ
    يا من هو ديب فْ لْغـْيَابْ كْثَرْ صْيَاحُه
    أليام أليام يَا بَتِّي مَالْكْ عُوْجَا
    واش من سباب عْرْجْتِي لِي بِهْ
    تَارَة تسقني حليب . . .
    تَارَة تسقني حَدْجَة كِي مُولَى هِيهْ
    صَدَّقْ حتى عيا وگالوا راها فيه تبقى فيه
    أنا گاع بنادم نبغيه . . . وظانه مثله يبغيني
    كيف نبغي نگول عليه . . .
    اللي فَ خْلاَگِي مَا يْخْلِّينِي

    * * * *
    فين غادي بياخويــــا فين غايدي بيـــــــــــا
    دقة تابعة دقــــــــــــة شكون يحد البــــــاس
    لا تلومونا ف الغربـة يا هـــــــاد النــــــاس
    لا تلومونا ف الغربـة وُليعـــــــة الغربــــــة
    لا تكذبوا عَلْ الرُّومِيَّة مــــا هـــي نـَشـْبَـــــة
    أنا ما نسيت البنديـــر أنا ما نسيت القصبــة
    أنا ما نسيت الموسـم والخيل سربة سربــة
    أنا ما نسيت الگــُــورْ ولا مجمع الطلبـــــــة
    أنا ما نسيت دواري يــا بــلاد القصبــــــة
    أنا ما نسيت لعشيـرة ولا گمـــــح الرحبـــة
    أنا ما نسيت حياتـــي يــــا نـــاس المحبـــة
    أنا ما نسيت ناســــي خَايْتْ هَدِي نَكْبَــــــــة
    * * * *
    ما هْمْنِي وْلاَ رَشَّانـِي غير فراق الصحبــــة
    ما همني ولا رشانـي لا مــــــا للتربـــــــة
    ما همني ولا رشانـي لا صابـــة لا غـُمْـــرَة
    ما همني ولا رشانـي شمسنا ضَوْهَا جمـرة
    ما همني ولا رشانـي لا نجوم لا گمــــــــرة
    ما همني ولا رشانـي وَيَا لِيعْةْ القـُــــــــدْرَة
    ما همني ولا رشانـي فيـــن غـــادي بيــــا
    * * * *
    بين قـَلبِي الوَگـــَــــاد بين حيرة وُ عـْنـَـــادْ
    بين قرب ولبعــــــــاد يــــا كيـــة لَخـْـــلاَگ
    بين نار و لرمــــــــاد واالكيــــة وُلْـفـْنـَـاگ
    وتنكاد الضميــــــــــر ضْمِيــــِري بَالْوَلْفـَــة
    وعذاب الولفــــــــــة خَايْـــةْ هَـــذِي تَـلْفـَـة
    فين غادي بيا خويــا فيــــن غــَـادِي بـِيـَّــا
     
  15. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE

    l3zzz raja raki top d top
    hadi f khater zbogz


    يحسن عوني ملي نســاب شوقـــي ولهــــان ألالــــة
    عودك سباق ف ذا الزمان سيفــــــك بتـــــار ألالــــة
    سوايعك توصل مزروبـــة مــــا غرضنــــا تــتــلــــى
    أنت وحدك وحنا قـــــــوام مسكـــونــيـــن بــالعــلـــة
    ما يفيد طالب ولا طبيــــب ملــــي توصلـــي عوالـــة
    تفرقي الخليل ب خـلـيـلــه وتهدمي العشرة وتسالـي
    بنـــــادم كلــــــه حصــــاد ب فـــدادنـــه رحــالـــــــة
    غني ومسكين بلا حسـاب ف حــــــــر الســـؤالـــــة
    تگاديهـم تحــت التــــراب حفــــرة وكفـــــن ألالــــة
    لقبـر والظــلام المهيـــاب والــنــفـــس الــگــوالـــة
    هـــــا أنـــــت گـــول لــــه گول له يا خونـــا ف االله
    مــات الغنــي يــا حبابـــي طلبــة وعـــوام تـابـعـــاه
    شـي يقـرا عـنـد راســـــه شي شاد السبحة حــــداه
    تبعــولگنــازة يهـلـلـــــوا وريــح الـوارث شــــاداه
    لاغـاو لقســام بالجملــــة كلهــــا يلغــــي ب لغـــاه
    خلــى الديــور والــدواور خلـــى ليشاشـــرة معــاه
    خلــى لخيــول العـاتـقــــة ديـــك السربــات عارفاه
    مدى من زين الدنيـــــــــا ذهــب وفضـة صابغـــاه
    كان بايت ف التجـــــــارة وظــن المــوت ناسيـــاه
    حيـــانــــي راه ســگـــد طلبـــة وعـــوام تابعــاه
    كــلـهـا يگــول حبـيـبــــي وريح النفاق سابقــــــاه
    راس مالــه غيــر خرقــة حفرة . . وشبر ما سواه
    هـــــا أنـــــت گـــول لــــه گول له يا خونــا ف الله
    مات المسكين يا حبابــــي حتى واحد ما مشا معاه
    قـرا طـالـب عـنـد راســـه بـــزز عليـــه مــا قــراه
    خلـــى المـيـمــــة عميــــا علــى خيالــه حاضيـــاه
    عندها مقراج ذا النعيـــرة غـيــر الضرگـة ســـاداه
    عندها بـــــــراد النونـــــة وكيف الصرة صـــاراه
    عندها فــروج ل نحيــــرة غــيـر القـنـب قــجـــــاه
    عندها مرســم بالدعيـــرة وديك الگطرة مسردان
    كـــان مفــرش الحصيـرة واليــــوم هــي غطـــاه
    لاغـى الهموم بالجـمـلـــة والغــنـي ساكـن حــداه
    خويـا وظــلام القــــبـــــر مـــع لميســر ســــاواه

    ;-)
     
  16. zbougz

    zbougz بــــابــــا عـــــروب Membre du personnel

    J'aime reçus:
    559
    Points:
    113
    Re : KLAAM AL GHIWANE

    merci khouya taoufik vvraiment hadi une chanson wa3ra bezaf [:Z]
     
  17. Lila80

    Lila80 Visiteur

    J'aime reçus:
    2
    Points:
    0
    Re : KLAAM AL GHIWANE

    merci, j ai cherche ces paroles depuis lgt merci mille merci ,
    makyench chi 7ed li 3endou les paroles dial : esseniya?

    bezzaf dial choukran
     
  18. taoufik236

    taoufik236 maydom 7al

    J'aime reçus:
    82
    Points:
    48
    Re : KLAAM AL GHIWANE

    lila matlebt gha lmojod




    فين اللّي يْجْمًُْعُو عْلِيكْ اهَلْ النِيَّة
    آه يا الصينية . . .
    دُوكْ اللّي يَونْسُوكْ . . .
    فِينْ اهْلْ الجُودْ وَالرْضَى . .
    فَِينْ حْيَاتِي . . . فِينْ حُومْتِي وُاللِّي لِيَّا
    آْه يَا الصِّينِيَّة . . .

    وَاعْرْ بْلاَهْ مَا سَاهْلْ حْبْ الكَاسْ
    آهْ يَا غْيَّاتْ مَا نْسَاكْ الخَاطْرْ
    وَاعْرْ بْلاَهْ مَا سَاهْلْ عَشْقْ النَّاسْ
    آه يَا غْيَّاتْ حْرَامْ يِنْسَاكْ الخَاطْرْ
    وَاعْرْ بْلاَهْ . . . جَايْنِي بْغْرَامُه . . .
    وَالْعَنْبَر إِلَى يْجِي كُدَّامًُه . . .
    وُالنْعْنَاعْ . . . وًُالشِّيبَة . . .
    آهْ يَا الصِّينِيَّة . . .

    أَيَا نْدَامْتِي وَيَانْدَامْتِي
    وُمَالْ كَاسِي حْزِين مَا بِين الْكِيسَانْ ؟
    أَيَا نْدَامْتِي وَيَانْدَامْتَِي
    وْمَالْ كَاسِي تَايْهْ تَايْنِينْ زَادْ قُوَّا عْلِيَّا ْلحْزَانْ ؟
    مَالْ كَاسِي بَاكِي وَحْدُه
    مَالْ كَاسِي نَادْبْ حَظـُّه
    مَالْ كَاسِي يَا وَعْدُه هَذَا نَكْدُه . . . غَابْ سَعْدُه . . . ؟
    آْه يَا الصِّينِيَّة . . .
    أَيَا نْدَامْتِي وْلِيعَة بْرَّادِي فِينْ غَادِي يْتْشْحَّرْ ؟
    أَيَا نْدَامْتِي وُحِيرَةْ بْرَادِي جَايْبِينْ جُوجْ مْجَامْرْ
    مْجْمْرْ عَامَرْ بِالْفَاخْرْ
    وُمْجْمْرْ بِاللّْظَى الْهَاجْرْ َفَاخْرْ صَارْ رْمَادُه
    لْقْلْبِي الْمْحْرُوقْ بْ لْبْعَادْ . . . آشْنُه ذَنْبْ الْبْرَّادْ
    آهْ يَا الصِّينِيَّة . . .

    أَيَا نْدَامْتِي وُمَالْ سُكْرِي عَاجْزْ يْزُولْ هَادْ لَمْرُورَة ؟
    أَيَا نْدَامْتِي وُمَالْ نَعْنَاعِي عَاجْزْ يِطْلْقْ لْخْضُورَة
    مَالْ كُلّْ حَاجَة مَعْكُورَة . . . ؟
    مَالْ دَاتِي هَكْذَا مَهْجُورَة . . . مَنْكُورَة مَقْهُورَة ؟
    آهْ يَا الصِّينِيَّة . . .

    يَاللِّي مَا شْفْتُونِي رَحْمُوا عْلِيَّــــــــــا وَأَ نَا رَانِي مْشِيتْ وُالْهُولْ دَّانِــــــي
    وَاْلدِيَا وُاحْبَابِي مَا اسْخَاوْ بِيَّـــــــــــا بَحْرْ اْلغِيوَانْ مَا دْخَلْتُه بَلْعَانِـــــــــي

    تَانْعْيّْطْ لَْلشِيخِي مَا تْضِِيقْ بِيَّا
    أَنَا يَا مِيلاَفِي فِينْ نْبْغِي نْجِيكْ
    وَإِلَى جِيتَكْ عْزِّينِي
    يِجْعْلْ ذَنْبْ الدَّنْيَا عْلِيكْ انْتَ اللِّي فَارْقْتِيِنِي
    وَتَانْعَيّْطْ للْشِيخِي مَا تْضِيقْ بِيَّا
    غَرَضْ الله بُوعْلاَمْ الْجِّيلاَلِي

    وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
    بَحْرَ الْغِيوَانْ مَا دْخْلْتُ بَلْعَانِي

    فِينْ الْبْنَاتْ تْجِيكْ لَابْسَة وُالْبُوكِيَّة
    فِينْ لَكْسَابْ تْجِيكْ رَايْحَة وْقْتْ عْشِيَّة
    وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
    بَحْرَ الْغِيوَانْ مَا دْخْلْتُ بَلْعَانِي

    وَالْدَّنْيَا مَثَّلَتْهَا لْبُوسْ الْعَارْيَة
    طَاعْ الزِّينْ لْحَادَّة وُخِّيتْهَا وَرْدِيَّة
    وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
    بَحْرَ الْغِيوَانْ مَا دْخْلْتُ بَلْعَانِي

    وَالْدِيَّا نَتْرْجَّاكُمْ لاَ تْلُومُونِي فَ الْكِيَّة
    وَالْدِيَّا نَتَرَجَّاكُمْ لاَ تْلُومُونِي فَ اْلبَلْيَة
    بْلِيتْنِي أَنَا . . . كِيْتِي أَنَا . . . أنْكَبَْتِي أَنَا بَكَّاتْ عَدْيَانِي
    وَالْدِيَّا وَاحْبَابِي مَا سْخَاوْ بِيَّـــــــــــا بَحْرَ الْغِيوَانْ مَا دْخْلْتُ بَلْعَاني
    وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
    بَحْرَ الْغِيوَانْ مَا دْخْلْتُ بَلْعَانِي
     
  19. Lila80

    Lila80 Visiteur

    J'aime reçus:
    2
    Points:
    0
    Re : KLAAM AL GHIWANE

    ((ε)) merci enormement
    j adore had loughniya
    nerdouhalek f sa3t lkhir [17h]
    choukran choukran choukran
     
  20. madiha

    madiha Visiteur

    J'aime reçus:
    29
    Points:
    0
    Re : KLAAM AL GHIWANE

    alla8 y7efdkom les amis [:Z]
     

Partager cette page