هي غمزاتني أو هو خنزر فية

Discussion dans 'Nouvelles (9issass 9assira) & Chroniques' créé par azhari1989, 28 Mai 2009.

  1. azhari1989

    azhari1989 Bannis

    J'aime reçus:
    2
    Points:
    0
    ليوم كنت راكب فالطوبيس مع خوتي أو خواتاتي فالتمزغيتية أو المغربية. بقا الطوبيس غادي بينا. عنعن عنعن عنعن. أو حنا نواصلو لقدام واحد التويشية عالية دايرة كيبحال الريدو اللي كانت فيه تصويرة ديال شي بورطابلات و لكن دغيا طلعاتو أو بدات كتطل منو واحد لقطيطة سانك إطوال. بقيييييييت كانشوف فيها شحاااااااال. أو حتى هي سبحان الله بقات كاتشوووووف فية بزاااااااااف. الصراحة تزعطت فيها. أو بكل تواضع حتى هي تزعطات فية. سبحان الله تزعطنا فبعضياتنا بزاااااااف أو وقع مابيناتنا داك لكودسيركوي اللي كانسميوه لحب من أول نظرة. ابتسمت ليها. أو حتى هي ابتسمات لية أو غمزاتني. ويتي ويتي ! يا فرحي يا سعدي ! تزعطات فية، ما حييداتش عينيها علية، ابتسمات لية أو غمزاتني أو قلبي رفرف أو عقلي طار من الفرحة. سخن علية راسي و هاجو أحاسيسي، وانا ندير واحد القفزة من بلاصتي أو طلقت معاها واحد الغوتة هيركيلية : واحباااااااس ! و حبااااااس خليني نمشي عند زماني أو ممات ولادي أو بناتي. مول الطوبيس كان رجل مزيان اللي كيقدر الشاعرية أو العاطفية، أو وقف لية مسكين. وانا هابط بقاو الناس غير كيشوفو فية. و كبحال اللي ماعمرهوم ما شافو الشاعرية أو العاطفية. هبطت من الطوبيس وانا كنقول مع راسي : ربي جاب لية همزة اللي معاها غادي نوضع حد لحياة تاصوبيس. ضربتها بواحد الجرية حتى لعند داك التويشية اللي كانت كتطل منها داك من زيناتها درية، وانا لقا فبلاصتها واحد اللويين قلدة كايتسنى فية أوغير هزيت فيه عينية أو هو يخنزر فية واحد التخنزيرة اللي خلعاتني أو جرات علية


     

Partager cette page