واحد الصباح!!-قصـة من ابداعي

Discussion dans 'Nouvelles (9issass 9assira) & Chroniques' créé par LiBeRtA, 23 Juin 2009.

  1. LiBeRtA

    LiBeRtA متوكل على الله

    J'aime reçus:
    34
    Points:
    28
    الواحـدة ديـال الصبـاح بغيـت نقول ديـال بعد الزوال كنحـل فعينيـا غيـر بزز الشفـار الفوقـانييـن
    بـايتيـن معـانقيـن مع لتحتـانييـن بزز بـاش فـارقتهـم
    حليـت عيني ومن بعـد مـا تسـارحت شويـا غسـلت وجهي و أنـا نقصـد البـراد مـاشي مهم واش سخون ولا برد
    المهم نلقاه عـامر و ندير لداكشي لي فيه ازاحـة ديريكتومون للكرش بدون الاستعانة بأداة نقل
    يعني كندير للبراد بوش أ بوش
    حليت البـاب و كنسمع السنفونية المعتادة لي كيدير خـاصو الزيت بـاش اتسـرح
    المهم مـع الخرجـة كنتلاقـا مـع بنت الجيران الصغيـرة قـالت ليـا قول لماماك قالت ليك مـامـا عطيني شوية الملحة
    را مزال بابا ماتخلص ...بغات تبدا تعـاود ليـا قصة حيـاتهم خرجت فيهـا عيني و زدت صبحنـا عالله
    مشيـت عـند مول الحـانوت لي فالدرب بغيـت نتسلـف من عـندو مـاركسز باش نحـل عينيـا
    بدا كيتبكـا عليـا الضو و الكرا بحـالا أنـا رءيس الجمـاعة صـافي خليـتوا داوي و مشيت للكـوان المعتـاد
    لقيت واحد العشيـر يلاه مشعـل حتى هو دورت أنـا ويـاه داك المـاركيـز و كنحس بيـه مـاحملنيـش نشارك معاه النيكوتين ديال داك الماركيز
    شويـة بدات دايزة بنت الجيـران لي أنا مزعوط فيهـا مـع ماماهـا وهو ابدا داك خـاينة كيدق عليهـم
    ''الله اجيب لينـا شي نسيبـة نديوهـا الحج''
    قلت ليـه وا دي غير مك بعدا الحيـوان(هادي قلتهـا فخـاطري)باش مانبداش نسمع ديك الكاسيطة تاني ديال وا سير هي مكتعقلش عليك
    شوف نتا كيف داير و هي كيف دايرة و ديك الهضـرة الحـامضة وخـا كنحس بيهـا واقعيــة
    ماعلينـا واحد البرهوش ضربني بكورة و زعج الراحة ديـالي فداك الصبـاح حقاش انـا الصباح عندي طويل حتال الغروب
    ماحسيتش ايدي سبقـاتني وماعقلتش واش ليسرية و لا ليمنية المهم تصرفيقة كتحمر الوجـه
    مشى جاب ليه كـاع لي مقيدين فالحـالة المدنيـة الا واحد الكوسطو مشى الطـاليـان وهدا من زهـري
    بدات مـامـاه علاش صرب هاد الملاك اش دار ليك فديك اللحظة تفكرت أن كل حمار عند مو غزال
    و ختو قاريـا بزاف بدات كتفلسف كلمة نفهمها كلمة لا''الى درتي راسك فالدراري الصغار كتولي برهوش''حسيت بحالا عطاتني شي
    بيلانتي و الله أعلــم 'شوية واحد خاينا حتى هو كيبان ليا
    لابس فوقيا داير فيها مول العقل'و متعايرش مع العيالات و حتارم المرا''وااع الله اصبرنـا

    حدرت راسي و أنـا نشد الطريق ومعارفش فين غادي المهم نبعد من الدرب...يتبع

    حتـى أنـا فليـب كنعـاود ليـكم و حتى نتومـا كثـار مني متبعيـن معـايـا
    بلا سبــان...المسـامحــة والله عاطينـا عقل كـامليـنprecedente يلاه كليكي على

    [24h]من ابداعي و حق الــرب



     
  2. electronik

    electronik Visiteur

    J'aime reçus:
    59
    Points:
    0
    yawmiayat chomeur f ras darb [24h]
     

Partager cette page