يوسف و توةَ

Discussion dans 'Nouvelles (9issass 9assira) & Chroniques' créé par corsopolice, 18 Octobre 2007.

  1. corsopolice

    corsopolice Touriste

    J'aime reçus:
    7
    Points:
    18
    hadi wahad l9issa l9it8a f net ou 3ajbatni :cool: lmouhim raha kaynin ajza2 illa ajabkoum hada faite le moi savoir et je vais vous poster la suite .

    كنت تا نتمشا ف لاكورنيش بوحدي … بانت ليا واحد لبنت يمكن القول بأنها توةَ … والاكين هادي ماشي بحال دوك توتات لي تا نشوفو ف لبحر ولا ف نايت كلوب … هادي مختلفا

    قبل ما نمشي عندها، بقيت مقابلها باش نعرف واش بوحدها … عاد مشيت و سلمت عليها

    ـ انا سميتي يوسف، و نتي ؟

    ـ احلام

    الله، حتا سّميا ديالها رومانسية … بقيت شحال وأنا تانشوف فيها … توةَ تاع بصاح

    ـ مالك حشمانا ؟



    ـ معامن جيتي ؟

    ـ تا نسنا واحد صاحبتي، دابا تجي.

    ـ عمر ڭاليك شي واحد نتي توةَ


    ـ هضري، راني ماتانعضش

    ـ بابا كان تيڭولها ليا

    ـ مالو ما بقاش تايڭولها ليك ؟

    ـ مات

    تفكرت ديك ساع انا لواليد ديالي تاهوا مات، ولكن ماعرفتش واش نڭولها ليها و لا نسكت

    ـ حتى انا

    ـ اشنو ؟

    ـ حتى انا لواليد مات

    بقينا تانفكرو بجوج … تا واحد فينا ما قدر يهضر

    ـ انا حتى لواليدا ماتت، و نتي ؟

    ـ ماما باقيا، ولكن مريضا بزاف

    ـ صافي ما تبكيش أ تُّوةَ، ماماك غادي تبرا

    ـ لا، ما يمكنش تبرا حيت فيها

    ـ اشنو ؟ هير هضري ما تخافيش

    ـ ماما فيها سيدا

    ما عرفتش آش نڭول … نشف ليا فمي … سيدا ؟ ما يمكنش … اش بني و بين شي توةْ ڭاع ؟
    انا بغيت نعيش مازال … جو سوي جون

    ـ كولنا غادي نموتو واحد نهار، صافي ما تبكيش

    ڭلت معا راسي اني خاصني نڭلب لموضوع

    ـ تايعجبك لبحر ؟

    ـ بزاف، هوا لي تايفهمني

    ناري؛ هاد توةَ عندها معا شِّعر … غادي ندير راسي شويا كامبو

    ـ علاه لبحر تايفهم ؟

    ـ يه، و تايهضر معايا بعض لمرات

    لالا، هادي طار ليها لفريخ ! فين عمر لبحر هضر ؟ لله يستر و صافي

    ـ واش تا يعجبك اخور ؟

    ـ تانبغي نكتب

    صافي كملات لباهية ! ڭلت ليكوم هادي ماشي بحال توتات لاخرين … كنت تنسناها تڭول لي ” تانبغي نتفرج ف الأفلام لمصرية ولا ستار اكادمي … لله يدوز هاد نهار بخير

    ـ واشنو تايعجبك تكتبي ؟

    ـ رواية و شِعْر

    ـ علا آش من موضوع ؟

    ـ لبحر ولموج

    وا مال هادي معا لبحر ؟ … يمكن واكلا شي حاجا … يوسف ما تعيقش

    ـ باش تا تكتبي لعربيا ولا لفرونسي ؟

    ـ فرونسي و بعد لمرات لعربيا

    ـ مزيان، بغيتي نمشيو حدا لما ؟

    ـ و صاحبتي ؟

    ـ يلا جات غادي تعيط ليك ف تيليفون، هير اجي

    إوا ما عندي ما ندير … غادي نتبع هاد توةَ ف لهبال ديالها … نهضرو معا لبحر … ونشوفو واش تايفهم بصاح نيت
    لموهيم تا نعاود نرجع و نكمل ليكوم لحكاية ديلي معا هاد توةَ

    يتبع​

     
  2. billita

    billita Oum mohamed

    J'aime reçus:
    182
    Points:
    63
    c koi توةَ 3it manfhem w9eft fiha

    zwina l9issa tabi3 ^^
     
  3. hima7

    hima7 oummo Ilias

    J'aime reçus:
    62
    Points:
    48

    @billita توة---->z3ma bgha igoule zwina (touta)

    9riti l9issa kamla o mafhamtich توة ??
    [21h]
     
  4. evil26

    evil26 il coulera pr bientot

    J'aime reçus:
    89
    Points:
    0
    la suiteeeeeeeeeeeeeeeeeeee ( el est po mal lhistoir ) :)
     
  5. billita

    billita Oum mohamed

    J'aime reçus:
    182
    Points:
    63


    hantin tatchouf mabghatch tfehm lili
    merci Himaaaaa
     
  6. corsopolice

    corsopolice Touriste

    J'aime reçus:
    7
    Points:
    18
    اولا … ما تقراوش هاد لبوست يلا كنتو صايمين … حيت خاصكوم تحطو حداكوم شي كاس تاع لما … باش يلا ماتسرطاتش ليكوم شي حاجة … تعاونو بيه ( لما) … ما تكًولوش ما علمتكمش !
    كَاليك الصيام هو الإمساك عن شهوتي البطن و الفرج من طلوع الفجر إلى غروب الشمس … ياك متافقين ؟
    حيت انا هير تاتزوك زواكا … تانرجع للعادات ديالي الطبيعية … السرية منها ولي بلعلالي !
    باش نكونو مفاهمين … انا ماشي من عبدة لحريرة … زعما راني ماكنتش تانصلي … وماتانصليش … و مازال ما فكرت يمتا غادي نصلي … حتال 2015 ويبان ليا لبلان … ورمضان لا يشكل إستتناء
    انا فرمضان تانصوم صافي … يعني لوستريكت مينيموم … كيما تايكَولو النصارى … ولا اضعف لإيمان … يلا بغيتو
    فكرتوني بعدا … انا قبل مايبدا رمضان تقديت عرام ديال لافلام باش ندوز لوقت … حيت بيني وبينكوم … فهاد الشهر الكريم تانقاطع دوزيم و رباط … زعما الاولى … وبلا مانكَوليكوم علاش … كولشي عارف !
    ومن كولشي هادشي، فين وصلتي معا توةَ ؟
    واماكوم زربانين … درت ديك لمقدمة باش نرطبكوم شويا … دابا غادي ندوزو لمعقول
    واحد النصيحة في وجه الله … جيبو شي قرعة ديال لما تكون كبيرا شويا … حيت هاد لمرة تقدر توحل ليكوم نيت بصاح
    بغيتو نهضر ليكوم علا توة ؟ … مايكون هير خاطركوم … اجيو بعدا … ماعمرني وصفت ليكوم توة كي دايرة بتفصيل … علاش مانبداوش بيها هيا لولا ؟
    توة شهبا … والاكين ماشي شي شهوبية نيت عوتاني … نكَولو كَاع 8/10 … عينيها زرقين … ماعرفتش نيت واش بصاح ولا دايرا شي لونتي … بعدا جات معاها زروقيا … غادي يكون فيها ديك 1م70 … اما لوزن ولله ماعرفت … بعدا راها تقيلا شويا من لكبش لي شرينا فلعيد لي فات … حيت هزيتها فاش كنا ف اكَادير اوفلا (ماكَلتهاش ليكوم ؟) … يقدر يكون فيها ديك 55 كلغ !
    توة تاتلبس حوايج فيهوم لحمر وزرق … لوان لمفضلين عندها … وتادير لشعرها باندا فيها واحد لفريزا فلوسط ! …
    توة تاع بصاح وخلاص !
    بعد هاد لمقدمات بجوج … غادي نعاود ليكوم آشنو لجاديد فلحكاية ديالي معا توةَ.
    نهار لخميس … عيطات ليا توة فتليفون … عقلتو فاش كَلت ليكوم راه هيا لي غادي تولي تعيط ليا ؟
    ـ الو يوسف !
    ـ الو توة !
    ـ باش عرفتي واش انا ؟ زعما درت رقم بريفي (خاص)
    ـ علاه شحال من وحدا تانعرف صوتها زوين بحال ديالك !
    ـ هههههه
    ضحكي معا راسك ا لالة … من حقك
    ـ إوا نتا لاباس ا حبيبي ؟
    ـ سمعو ا عباد لله … حبيبي … انا مووت بخير
    ـ بخير، ونتي آش تاتعاودي ؟
    ـ توحشتك
    صافي صافي … الدريا مشات … لعبا تاع اكَادير اوفلا صدقات … خوكوم سعيد بزاف !
    ـ حتا انا آلحبيبا ديالي … والاكين زعما يالله تفارقنا
    نسيت ماكَلت ليكوم … راه تانقرا انا وتوةَ فنفس ليسي … داكشي علاش كنت تا نطلع ونزل باش نتاقل من ليسي لقديم …
    وليت تا نوصلها لدارهوم فسكوتر ديالي… يلا خرجنا فوقت وحدا … حيت هيا تاتقرا فقسم آخر !
    ـ ما كرهتكش تكون ديما معايا !
    تا انا اودي ما كرهتش لي يونسني … لأغلبية ديال لوقت تانكون بوحدي فدار … حيت ماتانرتاحش عند خالتي … والاكين آش غادي دير … زواج حنا مازال صغار عليه
    ـ وقت ما بغيتي دوزي، الدار دارك
    ماتخافوش … الشيخ غادي ندور معاه … باش مايبرزتنيش !
    ـ آش ظهر ليك فشي فطور نهار السبت ؟
    ـ كيفاش زعما نفطرو بجوج عندي فدار
    ـ آه، كاين شي مانع ؟
    ـ لا، نو بروبليم ! مايكون هير خاطرك ا توةَ ديالي !
    معا خوكوم قاتلو لعكَز … درت معا واحد سيدا باش توجد ليا شي فطور ما تايدورش … وباش تجمع شويا الدار … حيت انا
    فوضوي … لا ماش الفوضوية ديال دنييل كَران … زعما لانارشيزم … الفوضوية ديالي بوحدها
    لموهيم … حتالمرة لخرا ونكمليكوم هاد لحكاية لمروْنة !
    بغيت نشاوركوم فواحد لقضية … زعما هاد توة ما تقدرش تخرج ليا علا قرايتي ؟ … حيت خفت نصدق مصيد بحال شي بعضين … ماتعرف لوقت اش تجيب … واخا لوقت هير وحدة قياس !
    يوسف بنعدي
     
  7. Fanida

    Fanida OUM LYNA

    J'aime reçus:
    161
    Points:
    63
    safi kamelt koulchi, on attend la suite [22h]
     
  8. Pe|i

    Pe|i Green heart ^.^

    J'aime reçus:
    501
    Points:
    113
  9. corsopolice

    corsopolice Touriste

    J'aime reçus:
    7
    Points:
    18


    غادي نلخص داكشي لي وقع فهاد لمدة ف 2 سطر :

    ـ الأم تاع توةَ ماتت، الله يرحمها

    ـ توةَ ولات تاتخدم لفانيد … حيت لبرزرفاتيف غالي

    انا نبركَم ونتوما تفهمو !

    انا وتوةَ عايشين بجوج … كولشي بيخير و على خير

    ومن جيهت لقرايا … ما تخمموش … خوكوم ديما الأول ! … تانوصل كَاع قبل من الأستاذ … بشاخ !

    ياك ما تيقتو عاوتاني ؟ … بالمعقول … راني تانجيب نقيطات … والحمد لله !

    فاش ولات عندي 18 لعام … بعت الدار لي كنت ساكن فيها و شريت وحدا أخرى … داك لحي كانو فيه لبركَاكَا بزاف … ما كانوش غادي يخليونا ترونكيل انا و توةَ.

    اما دابا الراحة و لهنا… ما كاين لاصداع لا والو … بحال يلا ساكنين بوحدنا فشي خلا !

    يه، أو يمتا غادي تزوجو ؟

    واش نتوما مراض ولا شادين فيا لخاريج !… علا هاد لقيبال … نديرو نيت دراري … وتكمل لباهيا … راه هير قصص الحب فالافلام المصرية ولمغربية لي تاتسالي بزاوج.

    عرفتو توةَ آش تادير دابا ؟ … راها تاتغسل لماعن !

    كيفاش ؟ … ما سمعتش مزيان … لا لإستغلال ؟ … وا لا … راه نوبتها ليوم … غدا غدي نغسلهوم انا ما تخافوش ! … تحيا لمساواة … ياك ؟

    فاش كملات توةَ جات عندي،و كَالت ليا :

    ـ ماعمرك زعما فكرتي نتزوجوا ؟

    ـ توةَ، الله يهديك، شحال من مرة كَلت ليك انا حنا مزال صغار على شي زواج. راه ما بقيناش فلعصر العباسي باش نتزوجوا ف 18 لعام

    ـ والكين، ما خفتيش يجيو شي نهار لبوليس، و نصدقوا فماهي و ما لونها !

    ـ اشمن بوليس ولا عسكر، راهوم واحلين غير معا صحاب لحيا و شفارا، ام حنا ما مبرزطين حد

    ـ انا بعدا مابغيتش ندوز الباك ديالي فلحبس !

    ـ راه ماخفتي والو ا بنت الناس، العساس لي يقدر يبكَكَ بينا تاندور معاه كل سيمانا، وحتا نتي يلا سولك شي حد كَولي ليه مزوجين !

    ـ واخا، مايكون غير خاطرك

    ـ نساي دوك لماشاكيل لخاويا و راجعي شويا انا غادي نمشي نصايب لعشا؛ آش ظهر ليك فشي سالاد ؟

    ـ داكور، والاكين ماتكترش فيها زيت لعود عاوتاني !

    ـ كوني هانيا !

    فاش كنت تا نصايب لعشا، بقيت تانفكر فلهضرا ديال توةَ … يلا جيتي تشوف كولشي مومكين … إقدر شي نهار يقرقبو علينا البوليس و نوليو فلماشاكيل … آش من قانون هذا لي تايصيفت جوج ديال ناس لبنيقا حيت بغاو يعيشو بجوج … خلينا ساكتين و صافي .

    يلا تزوجنا اشنو فيها كَاع ؟ … بلا عرس لا والو … هير باش نبعدو على الصداع … حتا هذي فكرة … والكين خليها تالمنبعد !

    شلادا كانت بنينا … واخا كان فيها زيت لعود قليل … والاكين آش غادي ندير، خاصني نعطي لتوة لخاطر … كولشي عارف علاش … انا نبركَم ونتوما تفهمو !

    الصراحة الحياة معا توةَ حلوّة … واخا بعض لمرات تاطلع فراس … والاكين لموهيم هو انها معمرا عليا الدار … و ملفوق تاطهلا فيا … شكون بحالي، ياك ؟

    عنداكوم يصحابكوم اناني تانستغل توةَ ! … حرام … حتى انا مْهلي فيها مزيان … هير ديك نهار شريت ليها واحد سلسلة تاع الذهب … سعداتها، ياك ؟

    ـ يوسف !

    ـ نعام ا توةَ

    ـ باراكا عليك من ديك تلفزة، واش ما بغيتيش دير ستيلو فلغلاقا ؟

    ـ هاني جاي !

    غادي نخليكوم هاد الساعة السعيدة … راكوم سمعتو بودنيكوم … لو دوفوار مابيل ​

    http://www.adamito.ma/2007/11/04/youssef-wa-touta7/
     

Partager cette page