1. Gagnez des cartes de recharges de 100 dh et 200 dh en participant sur le forum WladBladi, grâce au concours wladbladi.
    Chaque mois 2 nouveaux gagnants.

9issa Ghzaaaaaaala!!!

Discussion dans 'Nouvelles (9issass 9assira) & Chroniques' créé par Faith, 26 Mai 2009.

  1. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    ليلى : ايمان و يا قطيب اللوز خليوها تدوز.ا ايمان و يا الوردة و عليك يطيح الندى
    - ايمان و خدودها موردة: ههههههه سكتينا يا الهبلة فضحتينا..[19h]

    -عزيزة : ههههههههه ويلي ويلي على الدرية تزنجات (الجيم مصرية و المعنى خدودها احمرت) ههههههههههههه
    -ايمان : صافي صافي راه تيشوف فينا
    -ليلى : واخا ا لالا خوذي ليا راحتك مع الزين الصافي ديالك
    -ايمان : هههه الله يستر ما كتسكتيش بلاتي (انتظري)حتى يبان الزين الصافي ديالك حتى انتي
    -ليلى: انا الدنيا هانية عندي..هاذاك غ خضرة من فوق الطعام اما الزين الصافي ديال بصح راه بعيد على هنا
    ايمان و عزيزة و ليلى ثلاث بنات جمعتهن الدراسة في مجموعة حلوة اضافة لدنيا, سعيدة و حنان.

    ايمان بنت زوينة, ملامحها هادية و جذابة.. قامة صغيرة و عامرة شوية (مكتنزة)..بشرتها بيضا و شعرها احمر طويل..شخصيتها هادية و طيبة.. رومانسية و حساسة..و ذكية.

    عزيزة بنت حلوة و ناعمة, طولها متوسط ,حتى هي مكتنزة هههه, ملامحها حلوة: صغيرة و مريحة و هذا نابع من شخصيتها الجميلة من ذكائها و لباقتها و حنانها على الغير.

    ليلى فرفوشة الكليك(الشلة) ,شخصية اجتماعية بزاااااااااف ,مرحة, عفوية و رومانسية... سمرة و جميييلة .

    - عزيزة: الجرس صونا (دق) يالا ندخلو و لا حلات ليك الوقفة!! و غمزت لايمان
    - نقزات ليلى باستنكار: فين هي هاذ الوقفة و هي ملي وقف و هي عاطياه بالظهر..غير قولي ليا عمرك شفتي بحال هاذي?! السيد غادي يولي يقشعها من بينن مليون بنت غير من ظهرها هههههههههههه<D
    -ايمان: هههههههه لعن حسك ..نقصي من الفولوم (الصوت) فضحتينا..شبغيتي ندير ليك, انا تنحشم ماشي بحالك نتي مقزدرة و عينيك غتيدوروا
    - ليلى: ياكي وا عقلي على هاذ الشي اللي قلتي..اذا ما زال قلت ليك و اش تيشوف فيك او لا راني ماشي ليلى
    - ايمان: ههههه علاه انتي تقدري ما تقوليش..انتي الا ماعطيتيش تقريرك باللي طاري (حاصل) فالسيكتور (فالمجال المحيط) غ تمرضي و لا تحماقي خخخخخخخ
    - ليلى : زيدي زيدي نستاهل<p
    - ايمان: انتي اللي زيدي قدامي ندخلو نقراو شي حاجة تنفعنا
    - عزيزة : ايمان عرفتي السيد ما تيرمش تقريبا..عينيه غيخرجوا من تحنزيزو (بحلقتو) فيك

    ابتسمات ايمان بخجل و التفتات ناحية امين بحذر و دخلت للمدرسة بعد ما زلزلاتها نظرتو القوية و الدافئة[16h].







    To Be Continued......
  2. abdelwahhab
    Offline

    abdelwahhab Bannis

    Inscrit:
    26 Mai 2009
    Messages:
    24
    J'aime reçus:
    1
    Points:
    0
    Khti bghit nsowlek. Wach dak lbant samra o lajmila elli smitha leila wach twila, matwasta oula 9sira ?
  3. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    Ma twila ma9ssira mamtwessta <D
  4. abdelwahhab
    Offline

    abdelwahhab Bannis

    Inscrit:
    26 Mai 2009
    Messages:
    24
    J'aime reçus:
    1
    Points:
    0
    Ya khsara. Kount baghi n9oul lik 3tini les coordonnées dialha walakin maktabch.
  5. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    Dommage mzewja!!!
  6. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    - ااااه زفر امين بقوة بلا ما يحس براسو و ضحك عليه محمد
    - محمد: ههههههههههههههههه مالك ا صاحبي سالات معاك (انتهت معاك او قضت عليك)[17h]
    - امين و هو حشمان: جمع راسك ا صاحبي
    - محمد: غا قول ا صاحبي و حتى اذا ما قلتيش باين عليك كلشي
    - امين: ما عرفتش مالي..كل ما شفتها ما تنقدرش نحيد منها عينيا و ملي تكون بعيدة كنظل نفكر امتى غنشوفها ثاني
    - محمد: الله الله مشيتي فيها ا خويا..غلباتك هههههههههه
    -امين: زيد زيد قدامي, راه غيسدوا الباب و بركة من الهضرة الخاوية
    - محمد: زعما باغي تقرا هههههههههه قول باغي تتبعها وهي داخلة مع صحاباتها و بلا تفلسيف<D
    ضحك امين باستعلاء و جرو يمشي معاه.

    امين شاب وسيييييم بزااااف طويل القامة و ذو هيبة..ابيض البشرة و قسمات ملامحه متناسقة و جذابة

    محمد بنفس طول امين انما امتن بزيادة طيب و مرح و اهم شيئ موضع ثقة.

    ابطالنا على مشرف بداية العشرينات ..كيقراو فثانوية وحدة فالدار البيضاء و بالضبط فالسنة الاخيرة من الباكالوريا...البنات كلهم شعبة ادبي و الشباب علمي.

    كل كليك ايمان عارفين ان امين معجب بزااااف بايمان و باينة من تواجده الدائم حداها و نظراته الجميلة ليها.

    طول السنة الدراسية و هو على هاذ الحال .و.ايمان كانت دائما كتتسائل علاش عمرو ما حاول يتكلم معاها خصوصا و ان السنة الدراسية قربت تسالي (تنتهي) و كل واحد يمشي فطريقو..كانت عاجزة تفهم او حتى تتصور ان اللي كانت عينيه تنطق بيه كذوب (اكاذيب) او لعب بمشاعرها او اوهام من تخيلاتها..

    - ليلى: ماشي اوهام و لا تخيلات ..امين تيبغيك و باينة حتى للعمى
    - ايمان: و من بعد? العام قرب يسالي و هو عمرو ما جرب يهضر معايا من غير ذيك المرة:(
    - ليلى: ناري(يا ويلي), سمحي ليا انا اللي خربتها عليكم
    - ايمان: لا لا ما تديري فراسك والو..اصلا انا كنت خايفة و مرعوبة و هو اكثر مني ..ما كانش غ يزعم, واخا كون ما خرجتيش لينا من الجنب و غمزات ليها
    - ليلى: ما تعرفي
    - ايمان: لا نساي ذاك النهار ما كانش مكتاب (مقدر)...دابا (الان) انا اللي محمقني هو" و من بعد? شنو مورا (ورا) هاذ الشي?..انا كنت تنقول يمكن بغى يتسنى اخر السنة باش يهضر معايا و لكن دابا اشنو تيتسنى?
    - ليلى: و انا شنقول اللي 4 سنين هاذي
    - ايمان: انتي حالتك مختلفة ا ليلى, ماشي بحالي..انتي يوسف كبير و خدام و اذا كان مازال ما هضر معاك فغير حيت لانك ما زال ما خذيتي الباك (الباكالوريا), نهار تاخذيه غادي يخطبك..
    اما انا و امين قدامنا طريق و ما يمكنش ليا نستحمل هاذ الطريق كلها هكذا.. و انا حتى كلمة منو تتبث افعالو و نيتو ما عنديش.
    - عزيزة: السلام عليكم
    - ايمان و ليلى: و عليكم السلام و رحمة الله
    - عزيزة: لاباس عليكم
    - ايمان بحزن: الحمد لله
    - عزيزة: مالك?
    - ايمان: راكي عارفة مالي
    - عزيزة: ايمان عييت ما نقول ليك ما تتشائميش و ما تتعجلييش الامور..و ما تبقايش تشوفي غير الحاجات الخايبة ..تفكري الحاجات الزوينة و كلشي غادي يكون كيف بغيتيه ان شاء الله
    - ليلى: بصح الانسان ديما خاصو يبقى متفائل
    - السلام عليكم
    كانت هاذي دنيا اللي جات عند البنات و وقفات معاهم
    - دنيا: البنات السبت العشية دايرة حفلة فالدار نتجمعو نفوجو على ريوسنا شوية و حتى وحدة فيكم ما تقول ليا ماما ما بغاتش..بابا ما بغاش ..طارت معزة..السبت كلكم تكونوا عندي[36h]
    - ايمان: انا راكي عارفة ما نقدرش
    - دنيا بعصبية: وا عيقتي (زودتيها) ا ايمان.بزاف هاذ الشي..قولي لماماك تجيبك و لا جيبي معاك اختك ..ما نعرف ..بزاف هاذ الشي على الزيار (شد الاهل على الابناء فالخرجات)
    - ايمان: عييت معاها و والو..انا راه حتى دار خوالي ما تتخليناش نباتو فيها
    - عزيزة: شلحة(امازيغية) حرة هههههههههه
    - دنيا دايما بعصبية: حتى حنا شلوح و لكن والدينا ما دايرينش لينا هاذ الحالة كلها و انتي معايا و لا ضدي
    - عزيزة: واخا نكون معاك..انا اللي صاحبتها ثلث سنسن هاذي عمرها ما عتبت داري و ليلى حتى هيا
    - دنيا: وا بزااف ..الحبس هاذا
    - ايمان: ههههه ماشي مشكل انا ولفت (تعودت)
    - دنيا: المهم انا علمتك..حاولي مع ماماك و اذا بغيتي ماما تتصل بيها و تحاول معاها باش تخليك قوليها ليا..قولي ليها كلشي جاي عزيزة..ليلى ..حنان كلشي
    - ايمان: دابا نحاول و الله حيت محتاجة نبدل جو
    - دنيا: اوكي ايوا مشات على السبت اذا..ها كل وحدة تجيب معاها شي حاجة..ما غنوجد ليكم غ الكواسط (جمع كاسيط) و التدرديك(الشطح بنشاط خخخ)[:Z]
    - ليلى: ارا برع (هات الفرجة)هههههه ما ترفديش الهم ..القص علينا و النشاط عليك
    - دنيا: هههه غير كنتفلا معاك..انتي درتيها بصح..ما تجيبوا والو
    - عزيزة: حنا ما عندناش مشكلة عادي المهم نتجمعوا بوحدنا و على راحتنا (لوحدنا)
    دنيا- ان شاء الله


    To Be continued......
  7. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    محمد و قرعة الكوكا فيدو- ايه فين مشيتي
    - امين: معاك
    - محمد: منين معايا...هاذي نص ساعة و انا تنهضر معاك و انت حال فمك و مغيب
    - امين بزفرة: مخنوق و طالع ليا الدم و ماحاملش راسي (ما طايق نفسو)[33h]
    محمد- علاش مالك? اه ايمان
    امين- ما عرفت اش غندير معاها
    محمد- هضر معاها و هني قلبك
    امين- نهضر معاها? اش نقول ليها? الهضرة د المسلسلات ديال والو? صبري عليا نقرا و نكون راسي و وو.... متاكد غادية ترفض و اذا ما رفضاتش.. اصلا انا ما يمكنش ليا نقبلها ليها و انا ما عارفش امتى نقدر نكون راسي
    لا ما يمكنش ..ايمان مستواها اكبر من هاذ التخربيق (الخرابيط) ما يمكنش ليا نربطها بيا و انا ممتاكدش واش نقدر نوفي بعهدي او لا ...ايمان
    ..قاطعو محمد- و انت علاش تقرر بوحدك..هضر معاها ,صارحها و خليها هي تقرر
    - امين: ولكن فهم ا صاحبي فهم
    - قاطعوا محمد: ما عندي ما نفهم.. ملي انت عارف هاذ الشي علاش خليتي راسك تبغيها من الاول و علاش جريتيها معاك حتى هي..دابا هي غتقول عليك اناني و كذاب و عندها الحق لانك ناوي تتهرب منها
    - امين بغضب: محمد جمع راسك[36h]..انا ماشي بحال هكذاك و انت اكثر واحد عارف شحال تنبغيها و عارف بلي تنموت عليها و انا ملي بغيتها, ما تقصدتهاش بغيتها هكداك من قلبي و بلا ما نشعر
    - محمد: سمح ليا و لكن بقات فيا, حرام عليك البنت محترمة و ما تلقاش احسن منها و ..ما عرفت..ما عرفت حياتك و انت حر فيها:)
    - امين: خليها على الله


    دخل امين لبيتو (غرفتو) و من بعد ما صلى العشا..اتكى على ناموسيتو (سريرو) و عينييه فالسقف و مشا بالو لعندها..تفكرها كيف شافها هاذ الصباح..كانت قمة في الجمال و النعومة كيف ديما..لابسة شوميز شيبي (قميص ازرق فاتح) و سروال رمادي غامق و هازة شعرها الاحمر المتموج لفوق و حاطة فشعرها بروش ازرق ..الازرق تيهبل على بشرتها البيضا الصافية ..لكن ماشي غير زينها اللي قاتلني..كلها تتسالي معايا..برائتها..اخلاقها..تعاملها مع صحاباتها..ابتسامتها اللي تتحمقني و صوتها ااااااااااااااااااه من صوتها كيزلزلني
    يا ربي شنو ندير معاها مستحيل ننساها..عمر شي وحدة ما قدرات تحرك فيا الشعرة كيف ما بغات تكون..شفت ازين منها و لصقوا فيا :-(ازين منها و حتى وحدة فيهم ما قدرات تشغلني و جات هيا فدقيقة غلباتني
    يا ربي تجمعني بيها برحمتك يا ربي و تجعلها من نصيبي..يا ربي[41h][52h]



    To Be continued......
  8. nikita
    Offline

    nikita P£rsOnNaG£ dOuBl£ [...]

    Inscrit:
    30 Août 2007
    Messages:
    21088
    J'aime reçus:
    465
    Points:
    0
    la suite a imane ?
  9. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    ايمان وهي تبوس امها: السلام عليكم ..ماما كيدايرة
    - فاطمة(امها): الحمد لله سيري تاكلي مع الاولاد فالكوزينة (المطبخ) مريم وجدات كلشي و راها عمتك فاطمة جات فالعشية تدوز عندنا شي ثلث ايام
    عمة ايمان هاذي مطلقة من اعوام ..طلقها راجلها لانها عاقر و رجعات سكنات مع اختها فمدينة اخرى و مولفة (متعودة) منوقت لوقت تجي لبيت ولد عمها (ابو ايمان) تقضي معاهم ايام تبدل فيها الجو
    - ايمان: مرحبا بيها ..واخا من بعد ما نصلي نسلم عليها و نمشي ناكل
    و هي نايضة (قايمة) دخلت عمتها اللي كانت تتصلي فالصالون ..
    -ايمان و هي تتسلم عليها: اهلا عمتى..زارتنا البركة..كيدايرة و كيدايرة عمتي عيشة و ولادها[39h]
    - عمتها: الحمد لله ربي يخليك كلنا بخير..و انتي كيدايرة الصحة و كيدايرة مع القراية
    -ايمان: الحمد لله ها حنا ما بقلى والو
    -عمتها: ايوا الله يعاونك ا بنتي و ينجحكم كاملين
    -ايمان: اللهم امين[41h]

    كانت ايمان غادية تخليهم لوحدهم ملي فكرت تستغل وجود عمتها باش تطلب من امها تخليها تمشي لحفلة دنيا ..رجعات جلسات حدا مها و قالت ليها : ماما بغيت نمشي عند دنيا نهار السبت دايرة حفلة غيكونوا فيها البنات كاملين و بغيت نمشي..عافاك قولي اه (نعم)
    ضحكات امها من كل قلبها و باستهزاء جاوبتها: اه واخا سيري و لكن ما ترجعيش بقاي عندهم ديما هههههه ياك ما سخن عليك راسك ا بنتي ?او حماقيتي?..انا من امتى تنطلق لبناتي يمشيو فين ما بغاو و رجلي ماشي فوق رجلهم?[36h]
    - ايمان: و لكن ماما
    -امها: صافي بلا كثرة هضرة بلا فايدة, سيري لشغالك و لقرايتك و خليني مع عمتك بوحدنا
    -عمة ايمان: علاش ما تخليهاش..خليها ياك البنات اللي معاها تتعرفيهم و عارفة دار البنت فين جات?
    -ايمان: اه تتعرفهم, كلهم تيجيو عندي, و تتعرف ام حنان من زمان و حتى هي غادية تكون حاضرة
    - ام ايمان بتوتر: فاطمة ما تحاوليش ..بناتي ..[36h]
    -قاطعتها : عارفة و لكن دابا كبروا و تبارك الله عليهم بعقولهم و مادام رضيتي على صحاباتهم, فمعناها انهم بنات مزيانيين, ايوا علاش ما تخليهاش تمشي لعندهم?
    -ايمان وهي تتبوس ايد امها و احساسها انها ممكن لاول مرة فحياتها توافق:عافاك ا ماما عمتي عندها الحق و انا ديما تنقولها ليك..صافي (خلاص) كبرنا و عارفين نحضيو (نحصنوا) ريوسنا (انفسنا)..ما عندك ما تخافي علينا..و زيدون (زيادة) دنيا ما عندهاش اخوتها رجال كبار..عندها اخ واحد اصغر منها و مني و غنكونوا مجموعة د البنات بوحدنا و امها مع جاراتها بوحدهم...عافاك ..انا غنقول لحنان تدوز لعندي, عاد نمشيو لعندها..عافاكي وافقي[57h]
    سكتت ام ايمان لفترة و من غير رضى قالت: واخا و لكن حنان تدوز لعندي و عطيني نمرة تيلفون دار دنيا فايدي
    نقزات عليها ايمان و حضناتها و هي كتبوس فيها بجنون و هي ممصدقاش خخخخخخخخخخ, البنت حماقت ملي جاها الافراج و نقزات على عمتها حتى هي تتبوس فيها
    و هي تقول ليها امها: دابا ضرجي (الجيم مصريةو المعنى قلبي) عليا وجهك لا نبدل ريي
    ما كملاتش الجملة حتى غبرات ( اختفت) البنت من قدامها خخخخخخخخخخخخخخ



    To Be continued......


    PS:Niki Ghat7am9ek had l'histoire gha wejjdi rassek [40h]
  10. karamelita
    Offline

    karamelita Gnawyaaaaa Ghiwanyaa

    Inscrit:
    10 Octobre 2008
    Messages:
    7903
    J'aime reçus:
    329
    Points:
    83
    j lavé luuu cette histoiiire

    merciii imane fkertini fihaaaaaaa [20h]
  11. nikita
    Offline

    nikita P£rsOnNaG£ dOuBl£ [...]

    Inscrit:
    30 Août 2007
    Messages:
    21088
    J'aime reçus:
    465
    Points:
    0
    imane kemli :mad:
  12. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    السبت فالعشية فدار ايمان

    - مريم (اخت ايمان): سربي (اسرعي)..حنان من شحال و هي كتسناك
    - ايمان: صبري 5 دقايق و انا معاها..عطيني صاكي (شنطتي) و صندالتي (عزكم الله)
    كانت ايمان لابسة او نسومبل جينز ازرق غامق مع بلوزة وردية و حاطة مكياج خفيف بزااف و خلات شعرها مطلوق على راحتو و متزينة بساعة وردية و اونسومبل حلقات و سلسلة عنق على شكل فراشتين متشابكين.
    طلات لمرة اخيرة على راسها فالمراية و خرجات.لقات حنان جالسة مع امها و عمتها و سلمات عليها
    - حنان: هاي هاي على لالا (لا لا معناها مثل الشيخة) ايمان..عيني عليك باردة..تتحمقي[16h]
    - ايمان: ربي يخليك ا الزين ..حتى انتي تبارك الله عليك جيتي غزالة
    حنان صديقة ايمان من ثاني ثانوي و بالاصل كانوا كيقراو فمدرسة ابتدائية وحدة و ساكنين فحي واحد و ملي انتقلوا دار حنان لحي ثاني انقطعات خبارهم
    - حنان: صافي نمشيو راه تعطلنا على البنات
    ام ايمان بتهديد لانها ما زالا ما بلعات خرجة بنتها بوحدها: ايمان ما تنسايش 6 و نص تكوني هنا
    باست ايمان راسها و ايديها بالزربة (بسرعة) و هي خايفة لا تبدل رايها و قالت ليها: انا غنكون هنا قبل ان شاء الله
    و سلموا على عمتها و خرجوا


    فدار دنيا كانت الموسيقى خدامة و البنات كلهم وصلو و كانت كل وحدة فيهم اكثر اناقة من الثانية..جلسوا فالصالون و خذاو راحتهم فالجلسة و بدات رسميا جلسة الهضاضر و التبرجيج (الجيم مصرية و معناها الحش)

    - دنيا: ايوا ليلى..عاودي لينا على يوسف..شخبارك معاه
    - ليلى: اش غنقول ليك, ممممممم شفتو اليوم ملي كنت جاية لهنا..باقي الحال على ما هو عليه..دزت من حداه و كان تيخرج الطوموبيلة (السيارة)من الكراج ..ملي شافني و قفها فالنص و نزل منها و دار بحال الا غادي باش يجبد شي حاجة من الكوفر اللوراني (يطلع شيئ من ورا)
    - ايمان: هههههههه تحفة ذاك السيد عندك[22h]
    -[19h] ليلى: بحال الا ديالك انتي حسن منو ...راكي شفتيه فالصباح اش دار ...تزنجات ايمان و قالت
    - عزيزة: اش دار ..انا الصباح كلو معاها, ما شفت والو
    ليلى و هي كتضحك على ايمان : كنا واقفين انا وياها و حنان كيف العادة حدا الشجرة المعلومة و هو واقف مع صحابو جهة الباب..شوية هو يخليهم و جا وقف قدامنا و حط ايدو على الشجرة, اتكى عليها و دار لجهة ايمان و شاف فيها ديريكت فعينيها و بقاو شي دقيقة هاكذاك ههههههههههههههه حسيت بايمان حتى النفس قطعاتو و فجاة هبط ايدو و مشى رجع لعند اصحابو و هو غيطير بالفرحة بحال الا ما عرفت اش دارهههههههههههه[24h]
    انفجروا البنات بالضحك و هوما كيتخيلوا المنظر الغريب و كملت ليلى و هي كتموت بالضحك ههههههههه عرفتو و الله حتى فيلم صافي هههههه ما عرفت السيد اش من جن ضربوا و شنو قال ليه راسو و لا شقصد بذاك الفلاش اللي دار
    ايمان و هي تتضحك حتى هي على هبال امين و طريقة ليلى : هههههههه واخا عليك يا البرهوشة ..شوهتينا..المهم..كلهم بحال بحال ..حماق ههههههه
    -عزيزة: لا و لكن هاذي واااعرة.ههههههههه
    -حنان: ههههه كون شفتيه..حنا ما فهمنا والو..خلانا مبهوتات
    -ليلى: و لكن الصراحة كيهبل..شوفتو كانت واعرة..انا و حمقاتني.. و زادت و هي كتشوف بنص عين فايمان:حسب لك احم احم ...شي ناس[19h]
    شيرات عليها ايمان بمخدة( رماتها بمخدة)و هي مزنجة: صافي درتي لينا فضيحة

    و ضحكوا البنات على هبالهم ...شوية و ناضت دنيا بدلات السيدي و قالت ليهم: البنات, ما محتاجينش عراضة (عزومة) ..ما بغيت نشوف حتى وحدة جالسة
    و ما عاوداتهاش كلشي تحرك مع الموسيقى الشعبية و ناضوا يشطحوا و انواع الهبال و الضحك...و على هكذا كملوا عشيتهم بين شطيح و مزاح
    [49h][49h][49h]



    To Be continued......

  13. nikita
    Offline

    nikita P£rsOnNaG£ dOuBl£ [...]

    Inscrit:
    30 Août 2007
    Messages:
    21088
    J'aime reçus:
    465
    Points:
    0
    لا لا معناها مثل الشيخة loool


    kemli :mad:
  14. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    la zerba 3la sla7 <p

    Cheddi ssafff[36h]
  15. karamelita
    Offline

    karamelita Gnawyaaaaa Ghiwanyaa

    Inscrit:
    10 Octobre 2008
    Messages:
    7903
    J'aime reçus:
    329
    Points:
    83
    faith bchwy 3liiiiiiiiiiiiiiiiiiiiik a khti
    diriiii suspens :p

    vampira <p<p
  16. nikita
    Offline

    nikita P£rsOnNaG£ dOuBl£ [...]

    Inscrit:
    30 Août 2007
    Messages:
    21088
    J'aime reçus:
    465
    Points:
    0
    sara7a 3jbatni hdrthom , rj3ouni lyamat lycé s3daaaathom , dok nadarat a7san haja dwzna8a f7yatna wollah !

    chofaaaaaan wollah hsen mathdri m3a8 ............
  17. abdelwahhab
    Offline

    abdelwahhab Bannis

    Inscrit:
    26 Mai 2009
    Messages:
    24
    J'aime reçus:
    1
    Points:
    0
    7ta law kant mamzowjach makountch ghadi nchouf fiha madamt matwilach.

    Twal li tawilat o lamtwastine li lmatwastate o la9zibouniyine li la9zibouniyat.
  18. karamelita
    Offline

    karamelita Gnawyaaaaa Ghiwanyaa

    Inscrit:
    10 Octobre 2008
    Messages:
    7903
    J'aime reçus:
    329
    Points:
    83
    [24h] [24h]

    surtt douk choufat b ness 3in , toi tu te di rah machafkch hwa lycé kamel chafek machi ghir le mec [24h]

    nariiii souveniiiiiiiiiiiiiiirs
  19. nikita
    Offline

    nikita P£rsOnNaG£ dOuBl£ [...]

    Inscrit:
    30 Août 2007
    Messages:
    21088
    J'aime reçus:
    465
    Points:
    0
    wiii ikram hhhhhhhhh 3amrni nsaa dok souvenirs waaaaaaaaaaw katkoni kat7anzi fwa7eddd o howa rah sa7bo li tay77 fik o lmashakilll .................. periode zwina bzaaaaaaaaaaaaf ntmanna gha nhar manha
  20. Faith
    Offline

    Faith Accro Membre du personnel

    Inscrit:
    30 Septembre 2006
    Messages:
    5249
    J'aime reçus:
    352
    Points:
    83
    Aweddiii ayyaaaaaaam za3outi flycée mat3awwedch!!

    و مرات الايام و جات وقت الامتحانات......
    خرجات ليلى و تمشات لعند البنات اللي كانوا كيتناقشوا على الاختبارات و هي الدخان خارج ليها من وذنيها بالفقصة (الغيظ)
    -ايمان: ليلى مالك..اش طرا?[21h]
    [36h]-ليلى: ذيك بنت الذين ديال امال..شوية و كنت غنتفها
    -ايمان: علاش شنو دارت ليك?
    -ليلى: سولاتني على واحد السؤال..قلت ليها ما زال ما وصلت ليه..ملي نوصل ليه غنقول ليك جوابو..هي تقول ليا لا دابا بغيتو..قلت ليها لا حتال من بعد..هي تحط ليا التحجيبة (البرشام) فوق الطاولة و قالت ليا دوري بالاحمر على الجواب
    -عزيزة: ا ويلي على مسخوطة..ياك ما حصلاتك الاستاذة?[21h]
    -ليلى: شوية و كنت نحصل..عرفتي بغيت ناكلها
    -ايمان: ههههههههههه صرعاتك خخخخخ و الواعرة (الاروع) هي عندها التحجيبة و ما عارفاش شناهو الجواب..مكلخة بالجهد هههههههه[24h]
    -ليلى: انتي تتضحكي..ما شفتيش انا اللي كنت غنمشي فيها
    -عزيزة: ههههههههه صافي نساي
    -ليلى: لا و الواعرة..ملي خرجنا ..جات عندي و هي هازة نيفها (انفها) للسما و قالت ليا..الا عقلت عليك فالعربية دفلي علياا ..وا شوفو يا اختي اللي ما تيحشم..توريني فالعربية بحال الا جدها هو سيبويه..
    -عزيزة: ههههههههه ما كتقشرش (ما عندها قشرة وجه تخاف عليها تطيح يعني وجهها مغسول بمرقة خخخخ)
    -ايمان: قلبي عليها و ما تسوقيش '(لا تهتمي) دابا ترجع تطلبك فالفخونسي
    -ليلى: ذاكشي اللي تنتسنى باش نجاوبها بالفعايل على هضرتها الخاوية
    -ايمان: ياك ما غتعطيها اجوبة غلط هههههههه? هي ما غتدي ما غتجيب (ما راح تلاحظ)
    -ليلى بضحكة شريرة:ههههههههه فكرة عندك[40h]
    -ايمان: لا حشومة, انا غتنضحك, عنداك تمشي تديريها بصح(اياكي تمشي تعمليها)
    -ليلى: لا, غير غنمرضها مزياااااااااان و نخليها تسنى تا تقرب الحصة تسالي عاد نعتقها
    -عزيزة: التعذيب هههههههههه
    -ليلى: باش تتعلم تنكر الجميل[33h]
    ههههههههههههههههههههههههه

    مرت ايام الامتحانات كيف البرق و الحال على ما هو عليه لابطالنا نظرات جميلة و التفاتات ملحوظة و ايضا توتر من القادم و جا وقت حصاد العام
    تجمعات الكليك كلها عند لوحة النتائج و الكل فرحانين و تيهنيو بعضياتهم الا ايمان اللي كانت واصلة معاها للعظم من التوتر و العصبية
    جراتها ليلى برا الكليك و لحقات عليهم عزيزة ..
    -ليلى: ايمان مالك?
    -ايمان: والو ..ما ماليش
    -عزيزة: ايمان بلا ما تصدعي راسك, الا مكتاب ليكم شي خير, راه حتى حاجة ما تفرقكم
    -ايمان و الدموع متحمعة فعينيها و رافضة تخليهم يخرجوا : اللي طعني انه حتى كلمة مبروك ما قدرش يقولها ليا..ما طلبت والو..ما طلبت منو حتى حاجة زيادة عليها..فقط يقولها و ذيك الساعة نتفرقوا..عالاقل نكون تاكدت باللي اللي كان بيناتنا ماشي وهم ...عرفتوا باش حاسة?حاسة بالقهر..حاسة باللي كنت اغبى وحدة فالعالم و انا زعما مولاة العقل..ما بغاتش تهضم ليا..كنكرهو..بغيت ربي يلاقيني بيه و نوريه النجوم بالنهار..[03c]
    و شهقات بالبكا و حضناتها عزيزة و هي كتمسح على راسها و دخلاتهم ليلى لقاعة خاوية
    حسوا البنات بالم كبير على صاحبتهم و هوما اللي عمرهم ما شافوها بهاذ الحالة و لا عمرهم شافوها ضعيفة و مفضوحة المشاعر بهاذ الطريقة..حسوا بالقهر عليها و بالغضب على امين, اللي ما كلفش راسو حتى يبقى لغاية ما تاخذ ايمان نتيجتها من عند المعيدات و اختفى......
    دقت زينب (ام امين) على باب بيت امين, بعد ما سمعات صوت غريب بحال الا شي حد ضرب فالحيط و ما جاهاش جواب ...عاود دقات و شوية و خرج ليها امين و حالتو حالة..لحيتو طالعة و الهالات تحت عينيه كحلين و منفوخين

    -زينب: ياك لاباس ا ولدي..ياك ما طحتي?[21h]
    -امين: لا والو ..
    -زينب: و اش هاذ الحالة اللي انت فيها اولدي?..علاش ما بغيتيش تقول ليا شفيك?...
    -امين: ا الوالدة, عييت ما نقول ليك ما فيا والو, غير العجز و صافي و دابا شوية تفوتني هاذ الحالة
    -زينب: الله يهديك ا ولدي ..خرج بدل جو و شوف صحابك و حيد عليا هاذ المنظر اللي انت فيه و تهلا فراسك(اهتم بنفسك)
    -امين: واخا ا لالا ..ما يكون غ خاطرك...:)

    و باسها على راسها و رجع لبيتو و دور عينيه فيه و هو تيحمد ربي اللي ما شافتهاش امو و لا لاحظات الالم اللي فيه من ايدو اللي خبطها بالجهد فالحيط قبل ما تدق عليه..كانت البيت كلها مقلوبة و كانها اشهر ما تجمعاتش ...شاف انعكاس وجهو فالمراية و شاف حالتو و حشم اللي خرج ثاني لعند امو بذيك الحالة ...

    جلس عند بيروه (مكتبو) و داتو افكارو ثاني لعندها..تفكر بطعنة فالقلب للمرة المليون اخر مرة شافها يوم النتائج ..تفكر كيف كانت كي عادتها رووعة بطلتها البسيطة الناعمة و تفكر ملامحها اللي انحفرات الى الابد فقلبو و عقلو..كانت ذاك النهار منتظرة منو ردة فعل.. كلشي فملامحها كان تينطق بيها..[57h]

    تقريبا هرب منها ذاك النهار..هرب من نظراتها المتسائلة والمتهمة ليه و رجع سد على راسو فبيتو و هو منهار.. بارادتو انهى كل شي و هد كل ما تبنى بيناتهم فهاذ السنة...عفط (داس) برجلو على مشاعرو و قلبو و اختار ينهيها من حياتو..لكن ما قدرش و لو ثانية ينهيها من افكارو..خيالها و صورتها ملازماه ليل نهار و مطيرة النعاس من عينينه.
    تفكر هضرة محمد اللي كان يقول ليه يخطبها و يضمنها ليه و فكر بقلق انه يمكن يكون على حق..و لكن مستحيل... انا بغيت نقرا و نتخصص فالبورصة و قرايتي لازمها وقت طويل و خاصني نكون راسي ماديا باش نقد باسرة ..عالاقل خاصني 10 سنين لهاذ الشي ..ما يمكنش نكون اناني لدرجة نخليها تسناني هاذ المدة كلها..مستحيل
    تنهد بعمق و نفض افكارو و فكر بصوت عالي و بحزم : اللي درتو هو الحل..و الا كان ليا فيها نصيب..مسير ربي يجمعنا ان شاء الله:)

    ناض جمع بيتو و غسل و توضى يصلي باش يخرج يشوفو صحابو اللي من زمان ما شافهوم و فقلبو غصة ان اللي باغي يشوفها من كل قلبو بعيدة عليه بعد السما عن الارض...




    To Be continued......

Partager cette page