[DM-08] alabarik19 .vs. rime

Discussion dans 'Vos poésies' créé par RedEye, 2 Février 2008.

  1. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    mawdou3 l7al9a. ha2 bghit ngoul lmounadara, men mawadi3 ijtima3ia l3adida elli kayna f moujtama3na, wa howa 3ibara 3an maw9if aw 7iwar bayn 2ab w bento, el bent bagha thajer tssafer te9ra bera lmaghrib bou7edha f blassa ma3andha fiha 7ed, w baghi t7errar men l9alab al oussrawi lmaghribi..
    wel 2ab kay3edelha 3an ra2iha w baghi ykheliha te9ra hna bin ahelha w y7eyad menha ta2tir dial lfikr al gharbi w t7afed 3la ta9alid leblad...

    btatbi3et l7aw dawr el 2ab ghadi ymetlou alabarik19, w dwar lbint rime.


    fal tabda2 rime mashkouratan ila l7alaba..ha2 bghit ngoul ila minassa...
     
    1 personne aime cela.
  2. rime

    rime ربي توفني و أنت راض عني

    J'aime reçus:
    120
    Points:
    63
    [​IMG]


    khelini...bghit nemchi a bba...bghit nhajer
    khelini...bghit nkemel 9rayti...bghit nsafer
    khelini nen9ed rasi o b mosta9bali nghamer,
    netleb zehri f blad ennas, amma bladi fa matesla7 tet3acher
    rah ila b9it hna ghada nkheli 9rayti o nwelli nbi3 t9acher <D

    khelini...bghit nemchi a bouya...bghit nhajer
     
    1 personne aime cela.
  3. ABOU IMANE

    ABOU IMANE SAHBANE

    J'aime reçus:
    153
    Points:
    63
    ya 9ourrate l3ine..ya dayye annader..
    fra9ek maye9dare 3li8 lkha6er..
    bladek awla bik men arde lkafer...
    ta8 lli khalla lblade ou safer..
    dastou lghorba benabe ou 7afer..
    daye3 lmadi.. l2ati..ou l7ader..
    6ri9 lghorba m7affer wa3er..
    ou azmane ya rime..3chire ghader..
    khallik..ou rze9 beyed l9ader..
     
    2 personnes aiment ça.
  4. rime

    rime ربي توفني و أنت راض عني

    J'aime reçus:
    120
    Points:
    63
    lghorba f beldan ennas s3iba, laken s3eb menha tkoun f bladek o 3la mosta9balek katfasel
    khelini nchouf mousta9bali, rah lmadi kolo dewezto 7dak o kadalik l7ader

    matkhafch a bba 3la bentek, btoumou7i o ahdafi ana ghada nentaser
    o b7oubkom liya o da3awtkom ghada nadel nkafe7 o n2azer

    ana 3yiit a bba men had leblad o men ennas li dima 3lik kat2amer
    9riti ola ella f7alek f7al lghir katsena noubtek onta kate7tader

    a bba makrehtch nel9a f bladi dakchi li 3lih ghada nhajer
    fra9kom s3ib, lakin mal9itch lbadil bach neb9a o nwasel

    ana ghada o amali o imani bi Allah kbiiiiir o 3amer
    ana ghada o 3arfa anna rze9 b yed lwa7ed l2a7ad l9ader

    :)
     
    2 personnes aiment ça.
  5. ABOU IMANE

    ABOU IMANE SAHBANE

    J'aime reçus:
    153
    Points:
    63
    algharbe..b7are malou chou62ane..
    ye36ik lakine belmou9abile..
    tachroube..ta3ya..ou terja3 3a6chane..
    ou semme lfa3ou 9atel..
    almadda fe lgharbe 8ya asol6ane..
    tkhalle6 l7abel bel nabel..
    mate fel gharbe l2inssane..
    ou koulchi bel7ssabe yet3amel..
    kanete bladna zinete lbouldane..
    ou mnarete l3alme ta8di l7ayrane..
    lamma kane azmane zmane..
    farre6na..ou l3zize t8ane..
    sellemna r9abna lilchay6ane..
    jilkoume..ya binti jil lforssane..
    3li8 yeghayyer lli kane..
    antoume amal attaghyire..
    ou l2isla7 men addakhel..
    khedmou ou 3ande lla8 attedbire..
    ou lla8 ye8dikoume ou ye3awene.....
     
    1 personne aime cela.
  6. rime

    rime ربي توفني و أنت راض عني

    J'aime reçus:
    120
    Points:
    63
    3endek l7a9 abba, bladi kaaaaanet zinet lbouldane
    kanet ardha ard khir o 7outha mali lwidane o chot2ane
    nasha kano korama2 o mech8ourine bel basala o l2i9dam
    kanet fiha Fes o Merrakech mnara lel3ilm o l3irfane
    kanet 3amra b ahl ddine o rijal l3ilm o kouttab l9or2ane

    lakin daba tebdlat lwe9t men 7al l7al
    o wella f bladi le3ziz medlouul mouhane
    o chababha da3 west l3walama o wella talef 7ayran
    mabine tta9alid, l2asala o mabine lmo3asara o ta9lid lgharb adday3an
    bla mousta9bal, la khedma, o laa 9out issed ljou3 o yarwi dam2ane

    bladi kan fiha lkhir laken nasha lwala matoo o matjouz 3lihoum ghir re7ma o lghofran
    khelini abba khelini...bghit nemchi...bghit nhajer o ne9te3 leb7our o chot2an​
     
    1 personne aime cela.
  7. ABOU IMANE

    ABOU IMANE SAHBANE

    J'aime reçus:
    153
    Points:
    63
    [rightيا توام الروح
    البلاد في حاجة للانقاد
    تنادي و تقول عتقوني
    راهم رهنوني و باعوني
    أملها انتوما يا الاولاد
    تسدي ودنيك على نداها
    و كل واحد يقول يا راسي
    الوحش خطفها خداها
    و انتوما تحلمو بالمراسي
    حرام في زمان الشدة الهروب
    و تسدو عالامل الابواب
    لبيو نداء المحبوب
    هزمو الوحوش و الدياب
    تتفجر الارض بما فيها
    كنوز بادخة و الخيرات
    تر للوجوه البسمات
    و بلادنا الغالية نبنيوها
    ][/right]
     
  8. rime

    rime ربي توفني و أنت راض عني

    J'aime reçus:
    120
    Points:
    63
    had lmera machi t9acher wa inama ptit paane



    3endek l7e9 abba, bladi me7taja lchababha lherbane
    me7taja lkol jehd bach nehdo biha men l7adid lwa7lane*
    bach terje3 kif kanet ch7al hadi zmane
    wi rej3o tarawat o lkhirat lel2awdiya o chot2ane
    o tenfajer l2ard 3youne terwi belma kol wadi wek7ane
    o twelli tssar lli ichoufha f7al jmi3 lbouldane

    lakin abba had chi rah s3ib lmanal o ta9riban mo7ale
    bach nzido bebladna l9eddam ma khesnach jiil mikhiyat bal jiil forsane
    o ngheyro tafkir ennas o nem7iw l2oumiya o nifa9 o listighlal
    khasna neta7do o n7eydo rasi arasi o kolwa7ed ibda bjaro lji3ane
    kif 2merna sayed lkhal9 3alayhi sallato wa salame
    rah yeed we7da makatsefe9ch o makatseweb la 9richlat la pti paane <D

    o men hna taytzad had jil lforsan
    khelini abba nemchi nkemel 9rayti o nedkhel l 3alam l3ilm o l3irfane


    الحضيض الوحلان: يعني أسفل السافلين غارقين فالوحل*


     
  9. ABOU IMANE

    ABOU IMANE SAHBANE

    J'aime reçus:
    153
    Points:
    63
    s3ibe ngoullik..safri..
    ou nwaslek biddi lildaya3..
    mou7al ye36ini kha6ri..
    nermik lou7ouche ou dba3..
    ounti amana men 3ande lla8..
    lazeme n7afed 3li8a..
    l3ilme 7a99ek..ouana nerja8..
    lghorba lik manebghi8a..
    ma nebkhel b7yati 3lik..
    bghitek fe a3la lmratebe..
    ou bje8de lla8 nemchi bik..
    tatwasli a3la lmnassebe..
    solbe l2irada ou l2imane..
    ou sbare ou tissa3 lkha6er..
    fe bladek koulchi bel2imkane..
    blama tghamer awe tsafere..
    amana ghalya nti 3andi..
    7o66i yeddik fe yaddi..
    ou lla8 wa7dou lmousta3ane...
     
  10. rime

    rime ربي توفني و أنت راض عني

    J'aime reçus:
    120
    Points:
    63


    ta ana s3ib 3liya abba nkhelik lelwe7da bin arba3 7itane
    ma 3emerni nensa kol maderti m3aya men jamil o 3irfane
    fra9ek s3ib, lakin netkhela 3an 7lemi, hada mo7al
    ma tkhafch 3liya abba min khatar sayl touffane
    ana metchebta alhamdoli Allah bdini, b3orobti o maghadach nekhda3 lchaytane

    bladi khasha 100 3am men l7arb bach t7erer min yadi toughyane
    wi 3icho nasha f khir, sa3ada wi ne3mo b kol i7sane
    kane3taref anni fi8a kbert o kanbere2 nefsi mina kol nokrane
    lakin abba ana 9arrart nkheliha o nkemel 9rayti f ay mkane
    7it bladi wellat katehder ghir b loghat lmal ljah o sultane
    amma talib l3ilm fahowa dima medyoum, me9hour o mouhane

    khelini abba nemchi o d3i li be tawfi9 najah o 3ich fi tmi2nane
    ana ghada njib lebladi anni naf3a f had deniya b dalil o lborhane

    :)
     
    2 personnes aiment ça.
  11. ABOU IMANE

    ABOU IMANE SAHBANE

    J'aime reçus:
    153
    Points:
    63
    khssara ya jil lforssane..
    khda3koume lgharbe be2anware kaddaba..
    ou 3mate likoum l2abssare..
    3cha9tou l8roube ou l2assfare..
    ou l3icha arra9ya ljeddaba..
    be3tou lblade ou kane lli kane..
    9telti be9aswa a7lami..
    drabti bi8a 3arde l7i6ane..
    dba7ti amali bel2adfare..
    ou 8darti demmou i8dare..
    zedtini 8amme ou a7zane..
    ou dfenti fel 3adame ayami..
    la khire fe lli 8jare aw6anou..
    ou khalla trabou mar8oune..
    ma8ma drek yeb9a maghboune..
    ye8jer annoume ajfanou..
    ou l9dame galou:men 8jare darou..
    ye6i7 bine annasse me9darou...
    khssara.....
     
  12. rime

    rime ربي توفني و أنت راض عني

    J'aime reçus:
    120
    Points:
    63


    matgoulch abba khsara, ana machiya lakin raj3a tani
    klamek l7azine nnabe3 men l2a3ma9 hez kol kayani
    nezel men 3ini dmou3 zado men houmoumi o a7zani
    ya riiiit abba ne9der nkhelik onta ghir we7dani

    lakin rah bghit nebni mousta9bali o n7e9e9 a7lami
    o nhez lik rasek fel 3ali bin khwali o 3mami
    nefsi 7aaarra o lli fiya ma henani
    dakchi 3lach ma9dert neb9a f had lmeghrib lfani
    ghada nbedel had lemkan o ne9ra b 7ob o tafani

    rda 3liya abba bach nemchi o bali merta7 o hani
    o goli Allah i3awnek a benti wi 7e9e9 lik kol l2amani
    o matkounch abba sabab f 7ermani


     
  13. ABOU IMANE

    ABOU IMANE SAHBANE

    J'aime reçus:
    153
    Points:
    63
    6ri9 lghorba bla ni8aya..
    3ammer lli ched8a yerta7..
    lil8a dlame mali8 sba7..
    ou n8ar8a lile sakna8e achba7..
    safare 6wil bla ghaya..
    lli mcha fi8a mali8 rjou3..
    ye3iche b8moumou matbou3..
    ghadi ou yetleffete makhlou3..
    yab9a lilnnasse chfaya..
    a7lamek ya benti 8ya a7lami..
    ou 6oumou7ek mani sejjanou..
    rbi3ek bghite tez8a alwanou..
    ou yekoune dawi 6oul zmanou..
    ghire sghaye ou fa8mi klami..
    ajjli ra7ilek ila 7ine..
    yatik lkhale9 brfi9 l7ayate..
    tetfa8mou ou tasfa annyate..
    trasmou 6ri9koume betabate..
    yeddek fe yeddou..ou lla8 lmou3ine..
    zar3i lbasma fe dalle 3aynik..
    khallini nefra7 bi8a..
    alghorba la tfakri fi8a..
    wa7dek rani nkhafe 3lik..
    ajjli arra7il..lla8 yerdi 3lik...
     
  14. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    je déclare le duel fermé
     
  15. ABOU IMANE

    ABOU IMANE SAHBANE

    J'aime reçus:
    153
    Points:
    63
    khouya red l3zize..ila sma7ti lya ..bghite n9addeme ta7ya khassa lrime lli kanete fe 8ade lmounadara aktare men jamila..ou ngoulli8a choukrane..ou ngoullik 7tta nta choukrane...
     
    1 personne aime cela.
  16. rime

    rime ربي توفني و أنت راض عني

    J'aime reçus:
    120
    Points:
    63


    ana li kant9edem b chokr lkhalis lik abba alabarik, et vraiment c'etait un moment agreable vraiment :) o choukran Red li te7ti lina lmajal nektachfo fih lmawhiba dialana looooooooool <D
     

Partager cette page