[DM-08] hakam1 .vs. Suzi_123

Discussion dans 'Vos poésies' créé par RedEye, 27 Janvier 2008.

Statut de la discussion:
N'est pas ouverte pour d'autres réponses.
  1. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    tgheyar zmane 3la zmane,
    w f had zmane al inssane
    kay9tol khouh el inssane
    ...
    7alna ka mousslimine, tbeddel, wellina menbahrine b 7adara jdiida dial lgherb kan7awlo nla7go 3lihoum...walakin kankhalssou tamane ghali wa howa anana kankhelliw akhla9na mabadi2na koul 7aja zwiina fina, w kan3awedhouha belli khayeb wel fassad...kanshoufou ghir anana khassna net9admo w makanshoufoush ashno kankahssrou..

    wa7ed fikoum ghadi ydafe3 3la el fikra atta9adomiya elli katehtam bel makassib al i9tissadia, attiknoulougia w maghayr min madahir el moujtama3 welli makatehtemsh lel janib al inssani..
    w tani gahdi ydafe3 3la el fikra al inssaniya, al akhla9...

    bismillah falyatafadal hakam1 mashkouran w yebda


     
  2. hakam1

    hakam1 Citoyen

    J'aime reçus:
    23
    Points:
    38
    إيـــه يا زمان

    شحال من حاجة غيرتيها

    فهاد الإنسان...

    ولَّى مسكين غريب

    غارق فالهموم والأحزان..

    قالو ليه الحداثة

    نَسَّاوَه فدينو وَلَّى ناقص إيمان
     
  3. hakam1

    hakam1 Citoyen

    J'aime reçus:
    23
    Points:
    38
    iwa lkalima laki
     
  4. SuZiTaToh

    SuZiTaToh ❤❤❤❤

    J'aime reçus:
    223
    Points:
    0


    مالك و مال الأحزان أ سيدي مالك و مال الهموم أ فلان

    لا تلوم زمان أوو لا تلوم الأيام لوم في كاين إنت يا بني إنسان

    قالو العيشة ف نخوة طعمه بحال طعم شي براد أتاي برزة

    اشرب و تنخوة مع راسك حيت مكاين لاعب بعد شي فتنة

    بني إنسان كيسرح فالحاجة و يقلب على سعادة لاتلومو أفلان
     
  5. hakam1

    hakam1 Citoyen

    J'aime reçus:
    23
    Points:
    38
    تراكمات علينا لهموم يا لَخْوان..

    ولاَّ زمان تتْناسا فيه المبادئ والأخلاق

    أُ تْعاداوْ لصْحاب أُلَحباب و الخِلان..

    جا زمان ولينا ندافعو على لَفْضيحة

    فين الشهامة فين الرجولة فينك يا إنسان..
     
  6. SuZiTaToh

    SuZiTaToh ❤❤❤❤

    J'aime reçus:
    223
    Points:
    0


    نتدحدى إي عبد من إيامنا فهم قصد حياتنا و تمعن ف همومها و عرف قيمتها بلا مي حن

    ياك كلشي كيشوف جنابو ماشي جناب غيرو و قالو المعزة مابقات ليها شوفه في هد زمان

    ها العار لمشوف نفسك من عين الرحمة و قوي لسانك راه لغدر هو سلاح جارك و جاري يا إنسان

    حنا جيلنا جيل أو جلنا مالو مثيل بغينا غير إلي يرضينا ماشي إلي يزيدنا حيرة أو غيرة فهد الحفرة

    حل عينك مزيان و جري على الهموم جرية وحدة مديرش بحال شي غمامة ف سماها ديما مودرة


     
  7. hakam1

    hakam1 Citoyen

    J'aime reçus:
    23
    Points:
    38
    يا اللي غادي بلا مَبْراس عاميه دخان

    يتحدا طبيبو اللي منور طريقو أُدَليل

    أُ مجرور هايم فطريقو سرحان

    وِقول جيلنا ماليــه فالجيال مثيل

    أحايرين هايمين فالحداثة بحال الخرفان
     
  8. SuZiTaToh

    SuZiTaToh ❤❤❤❤

    J'aime reçus:
    223
    Points:
    0



    نتوما غير إلي غادي على هواه تقلولو عليه عميه دخان

    نعيش على هوايا يا ناس, وش شغول شي حد فيا يا إخوان

    هذا هو دخول الصحة بالمعنة يا ناس سمعوني يا صحاب لمكان

    واش كاين ما احسن من العيشة ف رفاهية دخلنا عليكم بالخالق المنان

    قالوا عيب و حرام نطلوا على غيرنا ها لعار لما حيدو داك لفضول من السيفة

    راه كت سود لوجه و تروح الفرحة و التبسيمة من القلب العطشان


     
  9. hakam1

    hakam1 Citoyen

    J'aime reçus:
    23
    Points:
    38
    قالو حَيات هي واشْمن حَياتْ التَّرْوان..

    شي سابغ شعرو شي مشَوَّك مخلوع

    شي حازم راسو ما ليه لغة غير السبَّان
    ..
    شي عايش فقفز، بالرفاهية موْلوع

    شي دْماغو فشيكاغو أُ رجليه غارقة فالقطران
     
    1 personne aime cela.
  10. SuZiTaToh

    SuZiTaToh ❤❤❤❤

    J'aime reçus:
    223
    Points:
    0


    مالك أخويا غير مسود عيشتك بداك اللون إلي مافيه حتى طريف دايل شمع

    ضوي حياتك و ضوي قلبك و عينك يضوي وجهك بحال شي نجمة كتشعشع

    أنا بغيتك يا ريتك تولي بحال هدوك إلى قلبوا على هواهم ونساو الهم يا عيان

    ماشي انت من صباح و انت كتلف و دور على دومعك و على أصل دوك الأحزان

    راه ماكين بحال لعيشة فوق نعام فهد زمان لاتفلت دقيقة إلي دايزة والجاية يا فلان



     
  11. hakam1

    hakam1 Citoyen

    J'aime reçus:
    23
    Points:
    38
    الجاهلية وَلاّت ماتضويها شموع ولا عمدان...

    ظلام فظلام والقلوب عامرة مضْيومة

    طارت الأخلاق وتفقدات النخوة والأمان.
    .
    بغاو إفقدوك نور جمالك بزواق مسمومة

    وِخطفو أسرارك اللي كانت منورا علينا لمكان...
     
    1 personne aime cela.
  12. SuZiTaToh

    SuZiTaToh ❤❤❤❤

    J'aime reçus:
    223
    Points:
    0


    لا تحكم على زمانك بالجاهلية يا حيران

    حيت زمنا زمان لقصراة وزمان لغنى يا عدنان

    وليتي كتنادي بحال العطشان يا ناس راني سخفان

    تحبست بيك الدنيا و درها بيك الحال ومرض قلبك بالعديان

    اشرب من تفاح و ضوق من نخوة و نقب من الما هد المرة

    راه لا خطاتك هد البلية عمرك و لا حسيتي بها شي خطرة









    عدنان: المقيم في المكان
    نقب من الما: أي ما تشربس منو بزاف بش توفر لعطشه الجايه
    التفاح: معنى الشراب



     
  13. hakam1

    hakam1 Citoyen

    J'aime reçus:
    23
    Points:
    38
    تجارينا وْرا لفضايَح اللي تفجرات كيفا البركان..

    أُذابت الأخلاق أُلَحْيا وَلاّ منزوع

    الــعضْرا تتْكلّم عالغْرام مسكينة مسكونة بالوجدان..

    بين أهلها تْعانق فخليلها والقلب مولوع

    لا من إخّمم لا من إفكر كلشي كيعاني من النسيان..
     
  14. SuZiTaToh

    SuZiTaToh ❤❤❤❤

    J'aime reçus:
    223
    Points:
    0


    قيمة الحبة متعاب حتى تقاس و تشاف يا ولهان
    شكون قلك حنا في عصر النسيان و لا الجاهلية يا تلفان
    تبع طريق دوك الناس راه هما إلي عرفوا أسلوب داك لوجع
    عيق و فيق من هد الأوهام راه كلشي مقدر نعمة السرحان
    من إلي كيتووه في بحر لمضوي بضلام الحزن و دمع


     
  15. hakam1

    hakam1 Citoyen

    J'aime reçus:
    23
    Points:
    38
    إيـــهْ يا طريق واشمن طريق ما فيها أمان..

    عوْجا ما فيها خيـر كُلها مَظْلامـة

    نخلّي طريق الإيمان والنور نتبع طريق كلها أشجان..

    وَلِّــي لطريق الله لا تْعــودي فحياتك مضيومة

    عندي بحري نعوم فيه, أُما نولِّي فبحر غيري غرقــان.
     
    1 personne aime cela.
  16. SuZiTaToh

    SuZiTaToh ❤❤❤❤

    J'aime reçus:
    223
    Points:
    0



    أش خليتي ل سما إلي كانت صافية و أرض إلي ولات عافية
    أش خليتي ل طريقك من خرجة أنت ماخليتي حتى حفرة
    ما رقعتها و خضرتها بضلام الحزن و الأحزان, حتى الوردة
    إلي كان عندها التيقة الكاملة في مصيرك ما بقت فيها روح ولا ريحان
    شمن بحر و شمن وديان عندك, على خليتي شي بلاصه و لا شي مكان
    ما صبغتيهو مش و ما جيرتهومش بالألوان المحقودة

     
  17. hakam1

    hakam1 Citoyen

    J'aime reçus:
    23
    Points:
    38
    ياسيدتي... نحن أمة ممزقة لا طعم لنا..

    ولا رائحة ولا لون ولا فينا هيجان..

    كل العصافير اللتي كانت تغرد ههنا..

    قطعنا أجنحتها وكسرنا حناجرها وسلبناها كل الألحان

    كل الأعراف التي نحتها أجدادُنا في ذاكرتِنا

    ذوَّبناها وسخِرنا منها فصارت في خبر كان..

    يا سيدتي... قد هبّت عاصفة الجاهلية فدمرت أخلاقنا

    وكسّرت كِبرِياءنا..

    حتى صِرنا لا نفرق بين ذكر ولا أنثى ولا معنى حيوان

    فلا وردة يا سيدتي..تفتّحت في حدائقِنا

    ولا شمسا أشرقت ولا روح ولا ريحان
     
Statut de la discussion:
N'est pas ouverte pour d'autres réponses.

Partager cette page