klks blagues

Discussion dans 'Noukat gentilles' créé par karamelita, 10 Février 2009.

  1. karamelita

    karamelita Gnawyaaaaa Ghiwanyaa

    J'aime reçus:
    330
    Points:
    83
    هذا واحد لبخيل دا ولدوا معاه المرجان(سوبر ماركت)دخل الولد وجمع فشكلاط والحلوة وشبس وهو يقولوا باه ا شهاد شي قالوا ولدوا كنبغيهم ابابا كنبغيهم وهو يقولو وبوسهم ورجعهم لبلاستهم .

    -----------------------

    هدا واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة
    ---------------------------------------
    -واحد جوج مبوقين كيتفرجو فالأخبار نقز واحد فيهم وهو يقول واناري اصاحبي ليوما شحال طولو فالأخبار وهو يقول ليه لاخر سكوت اصاحبي را وقيلة الحلقة الأخيرة

    ***

    واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... يا بسم الله

    الأستاذ:ما معنى سبيل؟؟
    التلميذ المجتهد:طريق .
    الأستاذ:أحسنت و ما معنى سلسبيل؟؟
    التلميذ الكسول:طرطريق !!!!!
    ----------------------------
    -هدو جوج مكلخين غاديين فالاوطوروت ..اللي سايق بغا يدوبل واحد السيارة و هو يقول لصاحبو شوف عفاك واش السينيال خدام !! لاخر على نيتو و مع مكلخ قال ليه خدام مخدامش خدام مخدامش ..........( كيشعل و يطفا السينيال )

    حمق سولو صاحبو خوتك اشسميتهم.. قال ليهم كلهم سميتهم محمد الا فيصل سميتو خالد


    صومالي مات.. كفنوه فجعبة


    واحد كينسى بزاف.. واحدنهار غادي وطاح.. مني ناض قال "سمع الله لمن حمده"


    واحد راجع من طليان غيربصاك علا ظهرو.. لوالدة ديالو قالت ليه مالك اوليدي راجع ليا بصاك.. ولد الجيران راجع بطموبيل ولد عمك بكاميو.. قال ليها الواليده هادوك خدامين فالغبرة.. قالت ليه واش فيها خدم فيها ومني ترجع دوش..


    واحد حلم أن 200 درهم توضرات ليه... بقا ناعس 3 ايام حلف ميفيق تيلقاها



    هدا واحد جوج ثلاثة اربعة تحماو على زيرو.. زيرو شاف القضية حامضة.. تحزم.. ولا ثمانية عطاهم لعصا



    جوج فراشات خارجات يدورو شافو سراق الزيت فالحيط قالو يخ اولاد الكاريان جاو



    استاد سول الدراري شحال خمسة فخسمة تاواحد ماجاوب من غير واحد الكسول قال ليه 25 هويقول ليه غوت سمعهم وهو يغوت وعععععععععععكككك



    استاد سول دراري على معنى السيجارة بالفرنسية نقز واحد قال ليه ماركيز


    سبع كيدور فالغابة فالصومال شافو صومالى تخلع سخف ..السبع جا شافو باسو وحطو فالجنب..حساب ليه خبز كارم


    واحد شرا سلوقي يصيد بيه ولكن كيسمع صوت البارود كيخاف ويهرب السيد قال نديه لموسم التبوريدة يولف على صوت البارود مشا ربطو حدا شي مراوات واحد الوقت داه معاه يصيد غير السيد ضرب حجلة والكلب سمع الصوت هو يطلق تزغريدة


    واحد معكس ديما شاد الضد قالو ليه صحابو حيد ديك السنة لمسوسة هتسوس ليك السنان مشا عند الطبيب وبدا يقول ليه حيد ليا هادي وحيد هادي وحيد هادي خلا غير السنة لمسوسة وقال ليها بقيتي بوحدك وشوفي اش هتسوسي دابا



    غليظ بزاف تبارك الله مشا يتعبر وقف فالميزان خرجات ليه مكتوب فيها خوتي واحد واحد الله يخليكم


    قزم مشا يتصور صورة يدير لكارط ناسيونال هو يخرج فيها كامل



    طويل بزااااف شرب كاس لحليب ومات جاو شوفوا لقاو لحليب مجا يوصل للمعدة حتا انتهت مدة الصلاحية



    واحد مشا عند صاحبو للمدينة وعرض عليه للفريت و لمايونيز وقال ليه لفريت اه ولكن الزبدة علاش

     
  2. coucou07

    coucou07 Visiteur

    J'aime reçus:
    62
    Points:
    0
    merci karamelita pour le partage, zwinine bazzaaaaaaaf

    haki hadi 3la lmajhoudat[20h][23h]
     
  3. karamelita

    karamelita Gnawyaaaaa Ghiwanyaa

    J'aime reçus:
    330
    Points:
    83
    mercii hbiba pr se zooli com

    [23h]
     
  4. freesoul

    freesoul FreeSoul

    J'aime reçus:
    146
    Points:
    63
    واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة
    [24h] hadi wa3ra man3arf lach fakratni fik a karamelita
     

Partager cette page