Machahid mina l7ayat (Khalid)

Discussion dans 'Discussion générale' créé par Sultan Rachidovic, 7 Juin 2005.

  1. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Machahid mina l7ayat : Khalid 29 ans, agent commerciale, Casablanca.

    Khalid
    Chab maghribi mitali..
    Kheddam agent commerciale f'charika dial import-export.. metzouwej ou ab l'6ifla 3endha 3 snine..

    Son travail consiste à prospecter les marchés, ainsi qu'à chercher des affaires dans le domaine de l'importation et de l'exportation au niveau nationale et internationale par le biais d'Internet et d'autres NTIC (nouvelles technologies d'information et de communication).. un job plutôt bien et très actuel.

    Khalid khirrij madrasa 3oulya f'ttijara ou tadbir (commerce & gestion).. chôma 3 ch'hour b'l7sab.. diplôme dialou kan metloub, ou 7ta howa kant fihe sifat khra li je3latou ykoun metfowe9 f'dirastou ou 7ta f'khdemtou..

    Insan 6amou7, ti7ebb l3amal, créatif, esprit d'équipe.. des atouts li fet7ou f'wejhou abwab choughl..

    Khdem b'un salaire de rêve (pour un marocain) 7500 dhs par mois !
    Kan masdar iftikhar dial l3a2ila dialou koullha.. Khalid !! waw !!

    Nnaja7 dialou f'l3amal fte7 lih chi bibane khrine aussi.. lbibane dial dar khaltou ! blkhosos bent khaltou " Farida " li fl7a9i9a kant daf3a 3lih kbir mli kanou sghar !! 7it hiya zwina tat7emme9.. 3a6ya l'3ine ! ajmal bent fl3a2ila.. walakine mli Khalid wsel lhad lmartaba ban liha fih l'blane (le plan !).. wellat tatchouf fih un éventuel mari (zawj).. waili ? 3la howa ghadi yel9a 7sen mennha ??? zzine.. ou l'2asl.. ou rrzana.. ou... forma tbark allah!!

    Lmohim.. bdat loughat l3ouyoune tatchiyyer bine Khalid ou Farida !
    Chiwya les petits mots..
    La galanterie.. sswab
    Les bips !!
    Les mots doux !
    Les cadeaux..
    Chiwya : imta nji nkhe6bek !?

    Iwa ce n'était pas si difficile !!

    Daz l3erss.. ou wella Khalid mzouwej b'Farida ljamila !!

    A 25 ans.. Khalid 3ayech f'moustawa ti7lemou bih ga3 lmgharba !!!
    Kheddam khedma zwina.. mzowej mra zwina.. saken f'appartement zwina.. 3endou tomobile R19 zwina.. 3ayech f'sa3ada !!! se3datou !!

    Kan koulchi ghadi fi 2amai allah.. devant la famille au moins ! tberguig f'l3a2ila kollo tidour 3la Khalid ou Farida..

    - iwa a lalla, Khalid & Farida 9ellek dowzou dak sebt ou l7edd (week-end) f'fende9 khemsa d'nnjoum f'Agadir.. !!
    - smitou Hôtel Cinq (5) étoiles a mama
    - ychwini f'5 étoiles.. iwa hadouk howa li y9oulou lek 7na mzwjine! machi b7al bbak.. tlatine 3am ou 7na mzowjine..nhar tibghi ysarini tiddini l'moulay 39oub !

    quelque part plus loin...

    - sme3ti lkhbar jdad ?
    - allah ysemme3na khir..
    - gallek a lalla Khalid chra lmratou wa7ed moulati mdemma dial ddheb.. yemken b'chi 2 d'lmenyoun (2 millions)
    - zzher ou lemmen 36ah allah.. chi 36atou ou chi reklatou!

    kolchi bnadem 7a66 3lihom l3ine ! Khalid et Farida surtout men dak nnou3 li tibghi ykoun ta7ta l'2adwa2 !!

    voilà ! ttafasile lmoumilla f'7yat Khalid et Farida wallet ma3roufa 3end ga3 nnass li ti3erfouhoum.. tellement wellaw ay 7aja tidirouha c'est essentiellement pour faire parler les gens !  ldarajat anna 7yathoum mchat f'had ssiya9.. ou hdert'houm ou klamhoum wella kollo mensebb 3la ttafahate.. nchriw hadi ! nmchi l'hna.. nsafrou lhih.. nbeddlou hada.. nbi3ou dak ou nchriw dik.. 7yathoum 6ghat 3liha lmaddiyate!

    Khalid.. f'we9t men l'2aw9at 7ess b'had taghyire li wella f'7yatou.. blkhososs anna mratou wellat 6alabatha ktira bla 9yass. Khalid wella khayef men msayeb tenzel 3lih
    Lkridiyat (les crédits) fatou l9yass !! wella tikemmel ch'her b'160 kchifa !!
    Kter men hadchi.. wellat mratou matat'ddihach fih !! elle le néglige ! mab9atch mehtemma bih.. wakha fel7a9i9a ma3emmerha kant mehtamma bih walakine b'floussou.

    Khalid t2ezzem !! dekhlou chekk ou lweswas.. walakine 3ref b'lli dakchi kollo kha6a2 dialou howa ou mratou.. 7it homa men l'2awwel tla9aw 3la 6me3.. hiya 6em3at f'floussou ou howa 6me3 f'jamalha ou nnasab dialha.

    Li9a2at l7amimiya 9ellat.. ne9sat bezzaf.. n3admat !!!
    Farida bant 3la 7a9i9tha.. c'est le fric qu'il l'intéresse !

    Khalid 7ar f'2amrou! 7ar men had zwaj li t3elle9 fih ! a7lam dialou bach ytzouwej ou y2esses osra ou y3ich f'sa3ada kollha tbekhrat... wach lme3moul !

    Lmochkila.. annaho ma9derch yet7awer m3a mratou f'had lmasa2il.. tellement kant tatban lih b3ida ou ghar9a f'3alam lmaddiyate... ma9derch ytkellem m3aha b'sara7a bach y7ellou had lmouchkil lkha6ir li howa "l'foutour f'l3ala9a zzwjiya"... robbama kan khayef men redd fi3l 3anif dialha... dakchi 3lach 3mel b'lmatal "khelli dak jjmel barek" !!!!

    Khalid wella 3ayech faragh kbir f'7yatou, faragh 3a6ifi surtout... ma b9a til9a m3amen yetkellem... mratou ma b9atch tatsenne6 lih ! ila hder m3aha f'chi affaire oula chi tsafira tehder m3ah... ou ila hder m3aha f'chi 7aja khra de sérieux tatjawbou : khlass 3liya... ch7al 9edd bnadem y3ich... khellina n3ichou 7yatna b7al nass.. ou ntmett3ou b'floussNA !

    Mskine...

    B'7oukm ta3amoul dial Khalid m3a l'internet ou wasa2il l'ittisal loukhra, bda chwiya b'chwiya tihtemm b' "Chat" les discussions par internet.. kan f'7aja lih robbama bach y3owed nne9s dial la communication avec sa femme...

    Ou hakda bda Khalid débutant f'3alam Chat.. wakha expérimenté f'Internet!
    3ejbou Chat bezzaf.. ldarajat l'idmane !! Mirc, Msn, Yahoo, Paltalk, Skype, les forums.. ou zide ou zide. dekhel internet l'ddar.. ou wella tib9a sehrane 7lat 4h à 5h du matin !!!
    t3erref 3la nass men l3alam koullou.. ou wella 3endou 3alam khass bih ! un monde virtuel!!

    Farida mratou ban liha dachi 3adi ! walakine 7ta hiya 7essat b'rajelha Khalid tghiyer..
    Men be3d ma kan tabe3ha, ti7awel yhder m3aha.. dima y7ezzer fiha.. daba wella 3a6iha chber ttisa3.. ma b9ach tihder m3aha.. mo3dam lwa9t li tidouwzou f'dar tidouwzou goddam son PC..
    7ta lmakla ma b9ach yakel m3aha! ou daba hiya li wellat tat9elleb 3lih..

    - 7biba nowejed lik l3cha ?
    - non t3echite berra..
    - iwa hiya nwejjed chi kwiyess d'atay
    - la !
    - chéri yak labass ?
    - 3la mali kijitek ?
    - la walou.. ghir oukane cheftek welliti ghir m9abel had l'ordinateur.. jab liya allah b7al ila nsitini !
    - ou nti be3da fine 3emmrek tfekkertini ???
    - Khalid ? 3emmrek goulti liya b7al had lhedra !!
    - Wach hadchi kdoub?? Yak finnmma nji nehder m3ak tattherrbi menni.. mgabla ghir chri chri chri.. sir lhna.. khrej lhna... ou ana? Blma ou che6aba !!

    Noubt Farida daba bach t3ich f'lwaswas.. ou hiya li kant tatgoul 3la rajelha "khatem f'sbe3ha" !

    Khalid.. khdah Chat l'2ab3ad 7oudoud... wella moudmine... 7ta f'lkhedma dialou... t3erref 3la l'2alaf dial nass.. bnat b'lkhousouss.. wakha kanou titfellaw 3lih.. kan til9a f'dik ttfelya ra7tou.. kan tisme3 klam jmile.. klame 7nine.. des mots doux li mratou ma kantch tatgoulhoum lih..

    Wa7ed nhar.. tla9a Khalid f'Chat m3a wa7ed lbent :

    - Khalid75 : salut!
    - Dounya18 : Slt !
    - Khalid75 : Ça va?
    - Dounya18 : Oui ça va et toi?
    - Khalid75 : Cool !!!
    - Khalid75 : asv svp ?
    - Dounya18 : pourquoi faire ?
    - Khalid75 : :-D pour se connaître..
    - Dounya18 : pourquoi tu vx me connaître ?
    - Khalid75 : ben.. qu'est ce que tu fais là alors ?
    - Dounya18 : je suis déprimée.. je suis venu oublier un peu
    - Khalid75 : qu'est ce qui se passe ? 3awdili !!

    Iwa bdat Dounya tat3awed l'Khalid 9isstha : 22 ans, m6el9a déjà.. tzouwjat sghira 3la 18 3am.. un mariage arrangé.. fred 3liha bbaha tetzouwej b'rajel 3endou 60 ans.. men be3d 3 snine dial zwaj.. 6elle9ha dak rajel ou la7ha l'zen9a bla nafa9a bla soukna, ou daba 3aycha me7goura f'darhoum, herbana men nadarat nass li tichoufou lm6ell9a b'3ine na9sa.. ila akhirih..

    Khalid t2etter b'9isset Dounya.. ou 7awel ykheffef men l2alame dialha.. ou hakda nech2at 3ala9a binhoum.. 3ala9at sada9a ? oula 3ala9at wa7ed tichfe9 3la we7da ?? allaho a3lam ?

    Lmohim.. tbadlou l'adresse e-mail dialhoum.. bach yeb9aw 3la ittisal...
    Ou hakda.. yawmiyan!! Khalid wella 3la ittisal b'Dounya...
    Maymkench ydouz 3lih nhar bla ma ysowel fiha...

    Fl7a9i9a t3elle9 biha bezzaf... ou had ta3allou9 ja 3la 7sab mratou, bentou ou khdemtou...

    T3elle9 biha.. 7it l9a fiha bezzaf dial l7wayej li ma l9ach f'mratou.. l9a fiha insana 7anouna, r9i9a.. kathtemm bih walaw men b3ide.. tatsowel 3la se77tou, 3la khdemtou, 3la nharou kif daz.. tatsowlou 3la machakilou ou tatsa3dou bach y7ellhom.. l9a m3aha ra7a.. ou sa3ada..

    ma b9ach Khalid titsewwer l7ayat bla Dounya !!!!!!!!!!!!!!

    ou hakda 6leb mennha bach yetla9aw.. en réalité !
    Dounya tredd'dat f'lowel.. walakine men be3d waf9at, wakha kant 3arfa b'lli Khalid mzouwej.. 7awlat tel3eb 3lih dik lle3ba dial " non je peux pas!" .. walakine 7ta hiya kant bagha tchoufou robbama ykoun men nasibha ! walaw ykoun had nnasib mouchtarak !!

    Ou hakda tla9aw.. f'mdinet Berrechid, 9riba men Casablanca walakine b3ida 3la 3youn nass li ti3erfouhoum!

    Tla9a m3aha, 3ejbatou Dounya bezzaf.. insana bsi6a.. mou7tajiba.. bayna 3liha imarat l7ichma ou lwa9ar.. l3aks dial Farida mratou!
    Khalid b9a femmou me7loul !  ndem 3lach ma tla9ach m3a Dounya 9bel ma yetzouwej!!

    Dowzou 4 d'swaye3 b7al 2 d9aye9.. Dwaw f'jmi3 l2omor..
    Fl7a9i9a.. Dounya kant katl3eb 3la lwatar l7assass dial Khalid.. kant tatstaghel nou9a6 ddo3f dialou  bach teste7wed 3lih...

    Khellatou yfhem belli hiya insane ma3nawiya.. lmadiyat b'nnisba liha matswa walou.. lflouss wsekh ddenya... je3latou ye9tane3 belli hiya kat9eddess l7ayat zwajiya... ou  msta3edda tetkhella 3la 7o9o9ha f'sabil is3ad zawjha... mesta3edda tkoune zawja, ou sadi9a, ou omm.. ou kolchi... ou rajelha ykoun howa 3iniha... bel3arbiya ddarija "klat lih lmoukh!"

    Khalid dakh ! ma b9ach 3aref wach had l'2insana li galas goddamou wach bnadem oula malak!!??  Existe-t-il encore des femmes sur terre comme ça?
    Wella tigoul belli Dounya malak sifthalou allah bach tkherrjou men 7yatou lowla..
    Wella tigoul belli Allah chaf men 7alou ou la9ah m3a Dounya bach tne9dou men lja7im li kan 3ayech fih !!!

    Telfou lih l'mmwara!!

    Ou hakda zad tchebbet b'Dounya... wella tifekker fiha lile ou nhar... maymkench ydouz 3lih nhar bla ma ychoufha ou yetla9a m3aha...

    ou 7ta hiya tchebbtat bih! Jab liha allah rajel.. kamel mekmoul.. khass ghir men ygoul lih klima zwina ou chwiya d'charme ou tt7elwine!!

    Ou men ketret li9a2athoum.. tsaraw ga3 l9hawi dial Casa et Berrechid ! wella khass'houm ychoufou chi blassa khra.. calme.. fine ykounou à l'aise ! mkhebyine 3la 3youne nnass!
    Ou jat fikra l'Khalid ou 9tar7ha 3la Dounya..

    - 3omri.. khassna nbdaw ntla9aw f'chi blass khra.. nnass wellaw ghir m9ablinna! machi b3ide chi nhar netsa6e7 m3a chi wa7ed li ti3refni ou ymchi ywessl lkhbar l'Farida
    - tatkhaf mennha ?
    - NOOOOOOOOOOOON ! walakine bghit ntta9i cherrha.. 3a2iltha kbira, les grosses têtes.. ou 3endhoum lm3aref.. ou ila 3erfou 3liya b7al hadchi ghadi y2adiwni ana wiyak..
    - Ana m3ak ma 3endi mennach nkhaf
    - Oui 7biba je sais.. walakine had l9adiya dial l9hawi et resots ma b9atch kheddama..
    - Iwa chnou lme3moul a 7bibi ?
    - Sem3ini mzyane! debbert 3la wa7ed l'appartement.. 9riba men lkhedma.. ttafe9t m3a moulaha bach nekriha 3endou mferrcha.. 7ta nchoufou ki ghadi ndirou..
    - Wili.. ou nass chnou ghadi ygoulou 3lina? La.. ana yallah 3reftek.. chnou ghadi ndirou bou7da f'dik dar ?
    - Rani kanbghik a Dounya.. ou rah goult lik 9esdi chrif m3ak.. walakine en attendant nfoukk jerrti m3a dik Farida bghit nb9a nchoufek dima..
    - Man3ref..
    - Safi ma kayn bo man3ref.. ghedda inchallah ntla9aw m3a 6h15 f'zen9et Moudibou KEITA 7da rond point l'kbira.. men temma ghadi nddik tchoufiha
    - Ghadi nchouf..

    Ou hakda kif ma ttaf9o.. mchaw l'dak l'appartement.. rajel ou mra ma binathoum 7ta chi 3ala9a char3iya, walakine kan binathoum 7aja we7da dik sa3a : Chay6ane Rrajime !

    Ou 6a7ou f'l7ram! darou 3ala9a jinsiya ghayr char3iya..
    Dounya mettlat mzyane dawr dda7iya..

    - yak a lgheddar.. hado homa f3aylek ? hadchi 3lach jebtini lhna?? Bach tetkerfess 3liya..
    - allah yehdik a 7biba.. mazal ma bghiti tti9i biya ?? ra wallah ila gharadi chrif... ou kan7ebbek.. raki 3arfa ma n9derch n3ich bla bik..
    - chouf ngoulik.. ana ma nerdach b'hadchi... wakha ana m6el9a.. rani bent 3a2ila (!!!)
    - tanwa3dek.. ghadi nel9a chi 7ell bach ntzoouwej bik f'a9rab we9t...

    ou tkerr'rat li9a2at binathoum.... ou f'koll marra nefs refrain tit3awed... nefs l7iwar titkerrer.. ou nefs lkha6a2 ou lkha6i2a tirtakbouha...

    ou b9a Khalid ou Dounya 3la had lminwale... ghadine f'6ri9 l7ram.. ou Farida mratou f'dar ghefloune.. ou 7ta hiya walaw annaha 7essat belli Khalid rajelha tbeddel  3liha.. ma 7awlatch te3ref 3lach... wa 7awlatch t'enquêti 3lih.. te3ref fine timchi ou tidowez nhar ou lille... madam Khalid mazal tisref 3liha lflouss donc kolchi mzyane!!

    Walakine 7ta 7aja ma tatkhebba...

    Wa7ed nnhar.. f'dar Khalid, sona téléphone!

    - allo ?
    - ssalamo 3alikom
    - wa 3alikom ssalam
    - Madame nti hiya mrat Khalid S... ?
    - Ayyeh malou??? Ach w9e3 goule!!!!! Yak la bass ??
    - Walou bass a lalla.. ghir bghit ngoulik chi 7aja ou safi
    - Chkoune nta be3da ?
    - Ana a lalla fa3il khir.. tan3erfek ou tan3erfou! ou  marditch nb9a saket 3la dakchi li cheftou..
    - Ach chefti ???
    - Rajlek a lalla fate7 dar khra.. m3a mra khra
    - A wili ach tatgoule ?? ou fine ? chkoune galha lik ? ou chkoune had bent l7ram ??
    - Lmohim.. ila 3endek wer9a ou stylo khoudi l3onwane ou siri choufi b'3inik.. rah ghadi tel9ayhoum mora 6h  dial l3chiya..
    - Ou chkoune nta be3da ou chnou mesla7tek f'had chi ??
    - Allah y3awnek.. ou kheddmi 39lek a lalla mattserr3ich.. bsslama !

    Nadou jnoune f'Farida ! che3lat fiha nnare !! kherjat menhha lkchakech !! b6a 3liha imta towsel setta d'l3chiya bach tmchi tchtef 3la rajelha ou sa7ebtou..


    Mchat be3da l'darhom.. galtha lihom.. bbaha (son père) ex-capitaine dans l'armée.. ghir sme3 lkhbar ou howa y3iye6 3la chef d'lbouliss dial Maarif ou divisionnaire.. f'derf 15 minutes kherjat koufa (bataillon) dial lbouliss bach ymchiw ycheddou Khalid ou Dounya moutalabbisine!

    Weslat 6h30.. lbouliss wakhdine mawa9i3 hojomiya b7al ila baghine ycheddou Pablo ESCOBAR ! Farida, son père, le chef de la police et le divisionnaire galsine f'tomobile mtab3ine le film "laylat l9abd 3ala Khalid" !!  F'dik lla7da Farida bdat tatrejje3 ssinta dial 7yatha m3a khalide.. ch7al khser 3liha.. ch7al dar m3aha ou 3liha.. ch7al sber 3la hbalha ou 3la takabbor dialha.. bdat tatbki.. 7essat b'ta2nib ddamir.. 3erfat belli hadchi kat7emmel fih mes2ouliya kbira.. robbama hiya sabab fih..

    Dar 3endha bbaha :

    - malek a benti ? 3lach tatbki daba ? wellah 7ta ntkerfess 3la mmo kif mma tkerfes 3lik.. wallah 7ta nkherrjou men 3ine lbra... BENTI ANA !! BENT L'CAPITAINE DRISS YJI MGUERRED B7AL HADAK OU YDIR FIK HADCHI?? Wallah tansiftou l'ttelt lkhali
    - la a baba 3afak... ghadi nsme7 lou.. 3afak
    - kifach tsem7i lou ?? derbek allah oula malek ? ghadi tref3i 3lih da3wa f'lma7kama b'tte6li9 ou nnafa9a.. ou  sekktina daba.. galak nsme7 lou !!

    ferg3ou lbouliss lbab ou dekhlou 3la Khalid ou Dounya.. cheddohom.. kettfohom b'les menottes.. ou kherrjouhoum..

    dazt l'affaire f'lme7kama.. ou t7ekmat b'sor3a 9iyasiya !!! après une semaine tesder l7oukm ! b'fdel tadakhoulat ou lm3aref dial l'Capitaine Driss.. le père de Farida..

    7akamt lma7kama 7odoriyan bima yali :

    - ta6li9 lmad3ou Khalid S. men sseyda Farida M.
    - moutaba3at lmad3ou Khalid bi ttoham ttaliya : al khiyana zzwjiya ; al fasad ; atta7rid 3ala lfasad ; ihmal al osra ; ihmal zzwja ou 3adam tamti3iha bi 7o9o9iha char3iya..
    - kadalik 9arrarat lma7kama moutaba3at lmad3ouwa Dounya H. bi ttouham ttaliya : al fasad, atta7rid 3ala lfasad ; zzina wa i9amat 3ala9a ghayr char3iya..

    roufi3at ljalsa !

    hadi hiya 9isset Khalid..
    li kan a7sen nass ou sde9 asfal safiline!
    ou chkoune li da3??
    Bent sghira zwina.. f'3merha 3 snins.. smitha Safa2... chnou denbha mskina? T7ermat men woujoud l'2ab.
    .
    Chnou ghadi tjawebha mamaha nhra tsowelha : fine baba?
    Chnou ghadi tjawebha nhar tsowelha : 3lach baba ma b9ach tiji lddar?
    Chnou ghadi tjawebha nhar tkber ou tsowelha : chkoune li kan sbabna f'had chi??
    ou chkoune li kan ssbab??


    ©Copyright (dido) Rachid N.A. Juin 2005
    www.wladbladi.com
     
  2. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    no comment, koi k'on dise, les mots may9adroush ywassfou....
     
  3. Casawia

    Casawia A & S Forever

    J'aime reçus:
    145
    Points:
    0
    ma9adrach n3aber 3la lmacha3ir dyali na7wa had l9issa daba
    yamken min be3d

    en tout cas, 2a7ssanta ya dido, tbark llah 3lik
     
  4. fhidou

    fhidou Citoyen

    J'aime reçus:
    1
    Points:
    38
    A khoya dido vrmt jbti lia l bkia [03c]
     
  5. nournat

    nournat Wld l3iyachiya

    J'aime reçus:
    344
    Points:
    83
    waaaaaaaaaaaaaw
    dido ç'est du top ça !
    wllah a khouya ila tbarkallah ! kat3ayyachna m3ak f la pure realitée !
    bravo comme toujours
    kantsanna lmach8ad ttalit !
     
  6. Diamonita

    Diamonita Visiteur

    J'aime reçus:
    15
    Points:
    0
    dido chghangoulik a khouya
    Tbarkellah 3lik wkhlass kat9rbna mn l7a9i9a lmorra dialna !!
    barakllahou fik a khouya hadchi mou3tabar ma3ndi mansalek
     
  7. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    dido, hadshi kayfekarni b s7aybek "... ya momo"
    walakin nta l3adama 3liih, ila derti nta rokn dialek f shi journal neshri babah [17h]
     
  8. Diamonita

    Diamonita Visiteur

    J'aime reçus:
    15
    Points:
    0
    achtiiiiiiii daba tana9od a Red !!!
    3lach nass kaychriw journal 3la gedou 3la 9bel 3amoud ??? nsiti hadi !!!
     
  9. sadpiano

    sadpiano Visiteur

    J'aime reçus:
    9
    Points:
    0
    [02c] DIDO , exceeeeeeeeelent z3ma rien a dire , top dial top tbarklah alik wkhlass, shouf aji dir senariste wana l ikhraj w ndirou labass wlah j ss serieuse [40h]
     
  10. nournat

    nournat Wld l3iyachiya

    J'aime reçus:
    344
    Points:
    83
    l2ousloub dyal l2akh dido : 2ousloub sard wa9i3i kay3tamed 3la ibraz trajidya lwa9i3 bi trajidya ssard !
    2oussloub ninni ; kay3tamed 3la ibraz trajidya lwa9i3 bi ssoukhriyat ssard
     
  11. tuita16

    tuita16 Touriste

    J'aime reçus:
    0
    Points:
    16
    ssi dido tbarkellah 3lik...

    ida jina nchoufo na7ya dinia mzyan fih o f dounya lmra wakha maddya o koulchi msskina makhantouch maykhounhach tahowa kan yhmelha walakin machi b hadik tari9a...  [34h]
     
  12. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    sem7i lia al akh dido mashi b7al "...ya momo", kayen far9 f lahja w fel 7iiwar w fel ousloub, ash jab taz " ya momo" l dido "lhamdou lillah" ?? [17h] [22h]
     
  13. nournat

    nournat Wld l3iyachiya

    J'aime reçus:
    344
    Points:
    83
    w ana achnou ndir , ana nhaz dik llou7a ou ngoul lmach8ad 17 rraaaaaaaaaaa9 ???? :(
     
  14. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    w ana nssewar kamiraman [22h]
     
  15. nournat

    nournat Wld l3iyachiya

    J'aime reçus:
    344
    Points:
    83
    [21h] nta f 3ar llah a khouya redeye , a rassi m3ana ;)))))))))
     
  16. Diamonita

    Diamonita Visiteur

    J'aime reçus:
    15
    Points:
    0
    hzek lma khbtek dou ou krb3ek ri7 a baba nour [03c]
    Red tal camera ohooooo dirlihom mo3a.... ysd9ou bla didi la 7eb lmlouk
     
  17. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    @nournat : rani mrassi, fash galt kayfekarni, mashi 9ssadt anahou f nafss lmosstawa, ghir tfekart ana dak "ya momo" kaye7ki trajidiya ta howa....
    w f tania akedt 3la ana lmostawa mashi f7al f7al w anna dido arfa3 mostawa men "ya momo" [22h]

    @diams : matklhafishe gahdi nshed lkamira elli khassra makatssewarsh [22h]
     
  18. Diamonita

    Diamonita Visiteur

    J'aime reçus:
    15
    Points:
    0
    Red khassek psy ! wow
    wlliti makat9dch tdkr nini katgoul ghi "ya momo"
     
  19. nournat

    nournat Wld l3iyachiya

    J'aime reçus:
    344
    Points:
    83
    ma 7chemtich a bba red , nta fik bouteftaf ou baghi thazz l camera ??? walakin i9adrou y3tiwk tsawwar lmach8ad fach ghaydakhlou 3lihoum lbouliss ou ghayfar3ou lobab ;)))))) les effets specieaux fabor tr3ida jaya mn l cameraman !!! ;)
     
  20. RedEye

    RedEye - أبو عبدالرحمن - Membre du personnel

    J'aime reçus:
    4153
    Points:
    113
    @diams : laaaaa, 3assabtini daba, ash bghiti 3andi b dak "ya momo" ??
    @nournat : nta ghadi w jar m3ak dajina wa dawa2a al akhdar, koul ma shedditi dik lou7a trta9ha katerta9jha 3la sab3ak [22h]
    mash8ad mina l7ayate--la9ta sba3taaaaa-aaaaiie sab3iiii....msha sba3 lekbiir dial rjal lyemniya (déja mshaw dial lyeddin [22h] )
     

Partager cette page