MEJIHAD : NOUKATE SUITE A TA DEMANDE

Discussion dans 'Noukat gentilles' créé par MIMALION, 14 Janvier 2010.

  1. MIMALION

    MIMALION Visiteur

    J'aime reçus:
    439
    Points:
    0
    hani tani [36h] ya latif matkhalli 7ad yakhoud ta9a3oude 3la kha6ro [33h]






    د قال لصاحبو: بغيت ندير مفاجأة لمرتي بمناسبة عشر سنين د الجواج
    قال ليه: واشنو غادي تدير ليها؟
    قال ليه: غادي نديها للشينوا.
    قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
    قال ليه: غادي نمشي نجيبها من تما.

    ----------------------------------------------------------------------------

    هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
    رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي
    -------------------------------------------------------------------------

    واحد هبيل صايم واتصل ببرنامج الإهداءات قال ليهم: بغيت مقطع من أذان المغرب
    ----------------------------------------------------------------
    واحد قال لمرتو: أنا اليوم بغيت الرومانسية ف الدار.
    المرا مشات سولات ماماها: مي، أشنا هي الرومانسية؟
    قالت ليها ماماها: ما عرفتش أبنتي، ولكن احتياطا رقدي الحمص.

    ------------------------------------------------------------------
    هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟

    ---------------------------------------------------------------
    واحد الدجاجة انتحرت و كتبات ف الوصية ديالها: إيوا شبعوا بضامة البنة

    ---------------------------------------------------------
    واحد مشى عند صاحبو للمدينة ودار ليه صاحبو الفريت ومايونيز. قال ليه: بطاطا واخا، ولكن الزبدة علاش؟

    ---------------------------------------------------------
    هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
    رد عليه صاحبو قال ليه: حيت ما قرا والو ف الصيف

    ----------------------------------------------------------
    هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها

    -------------------------------------------------------
    هادا واحد مكلخ طاح ف الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن ف الدروج

    -------------------------------------------------------
    هادا واحد مشى للفرماسيان وقال ليهم: بغيت الحليب ديال الدراري الصغار
    قال ليه مول الفرماسيان: أشنو سميتو؟
    قال ليه: مروان

    --------------------------------------------------
    هادو تلاتة د المراوات كيعيقوا على بعضياتهم.
    وحدة قالت ليهم: أنا راجلي غادي يشري المعاريف كله
    وهي تقول التانية: أنا راجلي غيشري التور إيفيل
    وهي تنقز التالتة قالت ليهم: وشكون قال ليكم راجلي باغي يبيع؟

    ------------------------------------------------
    قاليك هدا واحد كيسمع الخارج راه فيه الفلوس غير مشتين وكلشي لاباس عليه، وهو يبيع دارو والبهايم ومشى سافر. غير وصل نزل من الطيارة وهو يلقى 20 أورو طايحة و هو يدفعها برجليه و قال: تفو على فال كيف داير، شلا باش بديت

    -----------------------------------------------
    هادا واحد ديما كيهز شي حاجة من دارهم. واحد النهار شفر بورطابل ديال خوه. ناضوا تاصلو بيه
    من الدار قالو ليه رد البورطابل. وقال ليهم: نتوما أي حاجة تمشي لصقوها فيا!

    ----------------------------------------------
    هادا واحد ناشط مشى عند مول الحانوت قال ليه: عندك قنبولة ديال 180 ريال؟ بغيت نضحك مع مالين الدار.
    قال ليه مول الحانوت: زيد درهم و شري بوطة صغيرة و هجرو ليهم.

    -------------------------------------------
    هادي قنية مريضة بزاف و ضارها راسها، قال ليها الفكرون: ما تخممش، أنا نمشي نجيب ليك الدوا.
    القنية جلسات تسنى ساعة، ساعتين، حتى داها النعاس. الغد ليه فاقت و الفكرون باقي ما رجع. ناضت طلت من الشرجم لقاته قدام الباب. قالت ليه: طلق راسك، أنا اللي مكلخة معولة عليك.
    قال ليها الفكرون: غادي تحترمي راسك أولا ما بقيتش غادي

    ---------------------------------------------
    واحد المعلم ضرب واحد الولد كيقرى عنده و قال ليه: راه غير عزيز عليا، داكشي علاش كنضربك إيلا ما درتيش التمارين
    قال ليه الولد: كون غير قدرت نبادلك نفس الشعور

    --------------------------------------------
    دبانة طاحت فكاس ديال الشراب. خرجات منه كتقول: حييييدوا من طريق النسر

    -----------------------------------------------
    هادا واحد مكلخ، تجمعوا عليه سبعة ديال الشياطين، واحد كيوسوس ليه و ستة كيفهموه

    ------------------------------------------------
    هادا واحد ناضت ليه السوسة ف واحد الضرسة، و هو يمشي عند الطبيب ديال السنان قال ليه :حيد هاد السنان كاملين، خليها بوحدها كي الكلبة

    ---------------------------------------------
    هادا اللغز ديال واحد مبوق: إيلا كانت الطوموبيل كتمشي ب ستين كيلومتر ف الساعة ، شحال من حمامة طايرة ف السما إيلا كانت بيبسي ب عشرة د الدراهم؟

    ----------------------------------------
    هادا واحد مول الطاكسي مبوق مزيان غادي ف المدينة و هي تشير عليه واحد المرا. وقف و طل عليها من الشرجم و قال ليها: فين غادية أ لالة؟
    قالت ليه: السوق أ سيدي
    هو يقول ليها: يالله سيري و متعطليش

    ---------------------------------------------
    هادا واحد الأستاد نوض واحد الكسول للسبورة، و كتب ليه صفر و سولو: أشنو هادا؟
    جاوبو الكسول: صفر
    زاد ليه الأستاد تلاتة ديال الأصفار, و عاود سولو: و دابا؟
    جاوبو الكسول: صفرالاف و صفرمية و صفرة و صفرين

    ----------------------------------------------
    واحد الدري مودة هادي ماشاف واحد صاحبو قال والله حتا نمشي نسول عليه
    مشا لدار دياهم دق دق خرجات مو سولها قالت ليه اولدي من داك النهار سخرناه يجيب اللحم مارجاعش
    قال ليها و شنو درتو؟؟ قالت ليه الدجاج

    -----------------------------------------
    -هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.

    -------------------------------------------
    -قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
    -الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
    -الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
    -المغربيةقالت: أنا النهار الأول قلت ما كتعرف نطيب و لا نصبن..النهار
    الثاني ماشفت والو..النهار الثالث..وليت كنشوف شويا بالعين اليمنية

    -------------------------------------------------
    قالك هدا واحد لعروبي مشى لبحر اول مرة سول واحد لمدني قال ليه بشحال كتبيعوا لسطل(سحاب راسو كالس في الحمام) قال ليه 20درهم لسطل
    باع ليه جوج سطول لعروبي كبهم عليه ونعاس من فاق في العشية لق البحر هرب هو يقول بايعين وشارين هد الناس.

    -------------------------------------------
    هدا واحد الاستاد سول التلاميذ شنو هي النجمة بالفرنسية واحد التلميذ عرفها ولكن هو حشومي قالها لصاحبو الكسول داك الكسول قال للاستاذ " ليطوال " الاستاذ تعجب او قاليه ركبها في جملة جاوب الكسول اللي طوال ارجعو اللور و اللي قصار ايزيدو لقدام

    -------------------------------------------
    هدا واحد السارح كان كيسرح الغنم في الغابة واحد ليلة هو يتعطل في الغابة هو ماشي ف الطريق هو كيضرب الحمار ديالوا ارا الحمار ازيد الحمار هو الحمار قاله صافي راه معطلين بلا غوات هو يسمع الحمار كيتكلم وهو يهرب منين جا يرتاح في واحد شجرة جاعندوا الكلب ديالو قالوا خلعنا ولد الحرام


     
  2. Pe|i

    Pe|i Green heart ^.^

    J'aime reçus:
    501
    Points:
    113
    Re : MEJIHAD : NOUKATE SUITE A TA DEMANDE

    kolhom DP sans exception :mad:

    hal 3ar la ma b9itich tdouri b had section. ou nb9a nd3i m3ak chak jour :mad:
     
  3. MIMALION

    MIMALION Visiteur

    J'aime reçus:
    439
    Points:
    0
    Re : MEJIHAD : NOUKATE SUITE A TA DEMANDE

    kaynine chi wa7dine DP
     
  4. MIMALION

    MIMALION Visiteur

    J'aime reçus:
    439
    Points:
    0
    Re : MEJIHAD : NOUKATE SUITE A TA DEMANDE

    wach anta smitak JIHAD ????!!!


    en plus houwa lli bgha ana mali [33h]
     
  5. Pe|i

    Pe|i Green heart ^.^

    J'aime reçus:
    501
    Points:
    113
    Re : MEJIHAD : NOUKATE SUITE A TA DEMANDE

    kolhom DP. bghitini njib lik preuve [03c]
     
  6. MIMALION

    MIMALION Visiteur

    J'aime reçus:
    439
    Points:
    0
    Re : MEJIHAD : NOUKATE SUITE A TA DEMANDE

    jibhoum kamline
    yalla bali, ana namchi ntrini o mnine nji incha allah bi lile khasni nal9a les liens kaaaaaaaamline<p
     
  7. ID^^

    ID^^ Accro

    J'aime reçus:
    375
    Points:
    83
    Re : MEJIHAD : NOUKATE SUITE A TA DEMANDE

    la 3éme awal mrra nsma3ha wa3ra <D
     
  8. Fatou

    Fatou Accro

    J'aime reçus:
    508
    Points:
    113
    Re : MEJIHAD : NOUKATE SUITE A TA DEMANDE

    MIMA:(
    ha l3ar ana mzawga fik bli 3ziz 3lik:-(
    ana bghhitek finma htity idek isahel lik sidi repi[03c][03c][03c]
    3ndi talab wa7ed [41h]
    ma tb9aych dori f had séction[03c][03c][03c]
    ana ra t3a9adt [03c][03c][03c]
     

Partager cette page