nokat بالدارجة

Discussion dans 'Noukat gentilles' créé par siham22, 4 Septembre 2010.

  1. siham22

    siham22 Visiteur

    J'aime reçus:
    1
    Points:
    0
    هادو جوج كلاب كايهضرو الأول قال:هو, الثاني قال : هو, فقال الأول: هوهو, فقال له الثاني: بلا ما تبدل الموضوع أصاحبي.

    ----------

    معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقال يللاه للي فيها 2 كيلو تنوض

    ----------

    هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبوالكليان : يمكن مات ليك شي واحد منهم.
    ----------

    هدا واحد خاينا مشا معا صاحبتو لسينيما هو يقول ليها اش بغيتي زريعا ولا شي حاجة باردة هي تقوليه بجوج هو يجيب ليها دلاحة.

    ----------

    هذي واحد البقرة كانت تاتقصي فالربيع فمدينة كتامة واحد شويا نسات راسها هي تقصي الكيف ،، شوية هزات راسها هي تقول .

    باااااااع أعوذ بالله من الشيطان الرجيم موووووووووووه.

    ----------

    قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
    -الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
    -الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
    -المغربيةقالت: أنا النهار الأول قلت ما كتعرف نطيب و لا نصبن..النهار الثاني ماشفت والو..النهار الثالث..وليت كنشوف شويا بالعين اليمنية......

    ----------

    هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك ytzanag.

    ----------

    واحد مشا عند شوافة قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..قال لا..واش كتشرب... لا... واش كتبع دريات... لا... قالت وعلاش بغي تعيش 40 عام
    ----------

    استاد ديما يسول دراري .. باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج ... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات

    ----------

    دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع

    ----------

    هدا واحد البركاني خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة ... البركاني جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع
    ههههههههههههههههه

    مع احتراماتي لناس بركان والجهة الشرقية

    ----------

    عروبي شرا بورطابل.. دارو فجيبو.. واحد الوقت بدا يفيبري... لاحو.. قال ولد الحرام باعو ليا حي ..

    ----------

    قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا
    ----------
    هاد واحد المرا كتشك فزوجها
    واحد اليوم لقات عليه شعرة زعرة قالت ليه شكون هاد الزعرة اللي كنت معاها
    واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها

    ________________________________

    واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى .
    ================
    جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي
    =======================

    ذهب ولد الى متجر و يال صاحبه هل عندك
    سكر اجاب صاحب المتجر نعم تم قال له الولد الله يشافيك

    -------------------

    هدا واحد المغربي بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين..(ونا حشحوش من الأرض)
    ------------------
    واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين

    ------------------

    واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله

    ------------------

    دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت حنا عمارة ديال تروا زيطاج هي هي هي ..جمع يدو وعطاه بتصرفيقة يمكن هذه داخلة في شغلو..وهو لحمق الي تحت قال للفوقاني نزل أصاحبي شوف شكون الي تيدق في الباب يلاه..

    ------------------

    واحد الدري مودة هادي ماشاف واحد صاحبو قال والله حتا نمشي نسول عليه
    مشا لدار دياهم دق دق خرجات مو سولها قالت ليه اولدي من داك النهار سخرناه يجيب اللحم مارجاعش
    قال ليها و شنو درتو؟؟ قالت ليه الدجاج

    ------------------

    هذا واحد عروبي اول مرة كيشري لبورتابل هو يسمع برسائل (messages)
    هو يعطي بورطابل ديالو لصاحبو قاليه كتبلي رسالة قالو مالك متكتبو انت قاليه خطك حسن من خطي
    -----------------

    هادا امريكا بغات تصنع صاروخ المهم كلشي شارك معها ها ليجاب البياس و ها ليساعد باليد العاملة و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب )

    ----------------
    - في ثلاث اولاد راحو السينما 1-عمي 2-اصم 3-احول
    قال العمي: انا سمعت الفلم لكن ما شفتة
    قال الاصم:انا شفت الفلم بس ما سمعتة
    قال الاحول: انا احسن منكم شفت الفيلم مرتين

    ---------------

    هادي واحد الدجاجة دصر عليها واحد الثعلب مشات عند راجلها الفروج قالت ليه ان الثعلب دصر عليها ما عجبوش الحال قالها هاني غادي نفرعو و نوريه الشغال . منين كان راجع شافتو مريش قالتيه مالك الراجل فين الريش ديالك قالها انا جبدت عليه الجاكيتة و هو يهرب

    ---------------

    - قاليك هادا واحد المعلم كتب لواحد الكسول 0 قاليه شناهوا هادا جاوبوا الكسول صفر قاليه مزيان كتب ليه الأستاذ 0000 أو هادا جاوبوا الكسول صفرالاف و صفرميا و صفروصفرين.

    --------------

    -هادا واحد المكلخ سولو الأستاذ عطيني سميات 3 زواحف جاوبو الكسول :بوبريص او موبريص او بريص الصغير.
    --------------


    -هادو واحد مكلخ او مكلخة تبناو شينوي مشاو تيتعلموا الشينوية باش افهمو اش غيقول الى كبر .

    --------------

    -واحد المكلخ تاني مشا لافران دار شي تصاور رجع حطهوم فالتلاجة باش مايدوبش الثلج
     
  2. taliani

    taliani Accro Membre du personnel

    J'aime reçus:
    104
    Points:
    63
    :-( :-( mashakéééééééééééééééééééééééél
     
  3. soumita

    soumita Visiteur

    J'aime reçus:
    3
    Points:
    0
    jolie! merci pour le partage
     
  4. Le_Passager

    Le_Passager Bannis

    J'aime reçus:
    68
    Points:
    0
  5. acha3ir al majhoul

    acha3ir al majhoul Accro

    J'aime reçus:
    184
    Points:
    63
    hhhhhhhhhhhhh

    cheb3a dial dahk o safi walah hta hadchi zaz chhal hada madahkatni chi noukta
     

Partager cette page