Noukate fi 3oujala - Sorry lakanou m3awdin :)

Discussion dans 'Noukat gentilles' créé par Psy, 23 Février 2010.

  1. Psy

    Psy Visiteur

    J'aime reçus:
    71
    Points:
    0
    هادي واحد المرا طيبات لراجلها النهار اللول ملوخية
    النهار التاني طيبات ليه خبيزة
    النهار التالت طيبات ليه السبانخ
    النهار الرابع سولات راجلها: أشنو نطيب ليك اليوم؟
    قال ليها: أبلا ما تعدبي راسك، غادي نمشي نسرح بوحدي

    واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
    هاد الحاجة غريبة لدرجة أنك ما غاديش تيقيني وغادي تقولي عليا كداب
    ولكن أنا راه ماشي كداب، ونتي اللي كدابة، وطاسيلتك كلها اللي كدابة يا
    قليلة الترابي
    وسيري راكي طالق كاع

    واحد مبوق كيبكي ف السبيطار. سولوه ماله. قال ليهم: لا والو، غير الوالد مات شوية

    واحد مبوق طاح من فوق العمارة وتجمعات عليه الجوقة
    سولوه الناس: أشنو وقع؟
    قال ليهم: ما عرفتش، أنا يالله جيت

    واحد قال لصاحبو: بغيت ندير مفاجأة لمرتي بمناسبة عشر سنين د الجواج
    قال ليه: واشنو غادي تدير ليها؟
    قال ليه: غادي نديها للشينوا.
    قال ليه صاحبو: الله ياودي! إيلا ف عشر سنين ديال الجواج ديتيها للشينوا،
    أشنو غادي تدير ليها ف العيد الخمسين د الجواج ديالكم؟
    قال ليه: غادي نمشي نجيبها من تما

    هادا واحد سمع الغوات عند الجيران ف نصاصات الليل ومشى يشوف أشنو واقع،
    قالو ليه الما د الروبيني فيه التسمم.
    رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي.
    شربي ليك شي كاس ديال الما ونعسي

    هادا واحد مشى للفرماسيان وقال ليهم: بغيت الحليب ديال الدراري الصغار
    قال ليه مول الفرماسيان: أشنو سميتو؟
    قال ليه: مروان


    هادا واحد ناشط مشى عند مول الحانوت قال ليه: عندك قنبولة ديال 180 ريال؟
    بغيت نضحك مع مالين الدار.
    قال ليه مول الحانوت: زيد درهم و شري بوطة صغيرة و هجرو ليهم

    هادي قنية مريضة بزاف و ضارها راسها، قال ليها الفكرون: ما تخممش، أنا
    نمشي نجيب ليك الدوا.
    القنية جلسات تسنى ساعة، ساعتين، حتى داها النعاس. الغد ليه فاقت و
    الفكرون باقي ما رجع. ناضت طلت من الشرجم لقاته قدام الباب. قالت ليه:
    طلق راسك، أنا اللي مكلخة معولة عليك.
    قال ليها الفكرون: غادي تحترمي راسك أولا ما بقيتش غادي

    هادا اللغز ديال واحد مبوق: إيلا كانت الطوموبيل كتمشي ب ستين كيلومتر ف
    الساعة ، شحال من حمامة طايرة ف السما إيلا كانت بيبسي ب عشرة د الدراهم؟

    هادا واحد مول الطاكسي مبوق! مزيان غادي ف المدينة و هي تشير عليه واحد
    المرا. وقف و طل عليها من الشرجم و قال ليها: فين غادية أ لالة؟
    قالت ليه: السوق أ سيدي
    هو يقول ليها: يالله سيري و متعطليش

     
    1 personne aime cela.

Partager cette page