s7ayta wa 2amtalou8

Discussion dans 'Discussion générale' créé par rosée du matin, 15 Août 2008.

  1. rosée du matin

    rosée du matin Accro

    J'aime reçus:
    95
    Points:
    48
    Salam;

    s7ayta wa7ed errajel kbir ma kbir ghallah, charef o 8aref, o ma b9a fi8 je8d l s3aya, kaydour f mdinet Tmara labess jellaba kib7al derbala o mdayer 9oubbou 3la 3ini8, melli ye3ya kaygless fe 9nate drouba o melli yji8 jje8d ynoud yetserkel tani o ygoul klam ma mef8oumch.

    S7ayta mousalim, ma kayedreb ma kay3ad ma kay3ayr, daaaa5el sou9 rassou!


    Ba55a (ra7ima8 allah) kan f settat. Ch7al 5el3ouna bi8 walidina, a8ya w ddir 8adi rah yjik ba55a o ra7met Allah. Kan dima mdarbal o mousse5 o mcha3kek, jouyouch diyal legmel sar7a fouq rassou o der3i8, o rejli8 dima bel7fa, 3ammrou 3raf chnou 8ouwa sebba6. kaybeddel l7a66a men derb l derb, o finemma yerssa 3la chi mkan kayjbed rouzza lkbira lli 8azz foq da8rou, o ydir tlata del 7ajrat 3la chkel kanoun, o yssaweb chi 5ali6 wa jali6 men mou5allafat kayjme38a men lberkassa o yebda yttayyeb o yakoul.. amir zmanou. Bel7aq ila dezti 7dah o goulti ba5a 9faret 3lik, ychedek ycheddek, wila ma fekkouk rjal s7a7 yeqdar y9oujjek tay5erjou 3inik!

    Bougrayn kan dima m3a mmo..tahouma f Settat. Hiyya mra mskina, kates3a men 3ibad allah, btala8a allah b weld 3a9lo 3la 9eddo, msall3a lou rassou o m5elli grayyen f west gountou (kan bekri kayddar f jnb lqalqoula o kayetsemma lg6ob). Matet lmskina o 5ellat bougrayn 8ayem 3la wej8o, dayer f znaqi kayghawet: matet lmmima weklou bougrayn! Ma3raft ach wqa3 lou daba oula fina mdina 7a66 r7alou, bel7aq ba9a 3aqla 3la jellaba lmgaffda o lgrayen lmelwi sfenja o dfar liddin ttwal o mouskhine. O hada, kan kayderb bel7jar.

    Lbibiyya...Mskina had lbent..d7ak 3li8a chi wa7ed owa3ed8a b zwaj o 8rab 3li8a 8iya o tamarate l7aram lli f kerch8a..o dda m3a8 39al8a..5ellaha talfa bin drouba, katmaki wje8a o telbess chi alwan ghariba, o koul ferda d sendala men ji8a o te5rouj l znaqi, rajjel lli daz men 7da8a ted7ak li8.. o nass dayzine, chi ygoul llah yester, o chi yebda yed7ak, o chi yestaghell8a abcha3 stighlal, o chi y7arrech drari sghar yteb3ou8a o yghawtou 3liha:waa lbibiyyaaa.. o hiya kif l7am9a...lla, hiya fi3lan 7am9a, kathez le7jar o tebda tedroub, o chwiya tebda tendeb 7nak8a o tentef che3ar8a o tghawett: anaa machi bibiya, ana fatima!!!!! o che7al men marra sme3na lbibiya m8arssa f sbi6ar, 8aress8a 5ou8a, 7it ma rdach bi8a tdour f znaqi o ma rdach b7oum98a, o che7al men marra chefna8a o t2assefna l7al8a o d3ina 3la lli kan sbab!


    zghaybate nilou..ta8ouwa chaaaref o 8aref, tssa6ytou jayya 3la bnate lycée. Kan kayw9af f 6ri9 lli kateddi l lycée Razi o ben3ebbad, o lbent lli dazet yji yekmech8a men ch3ar8a oula yetbe3a yjerri 3li8a oula y7awel ychedd8a b 2ay 6ari9a.. semmawh zghaybate nilou 3la weddach rassou fih ghir chi hc3ayrate me7ssoubine o koull8om baydine...yemken ykouen mate daba, 7intach men 8adi che7aaaal ma sme3t 3lih chi 7aja.

    5ou jocker...8ada 9esstou 9essaaaa ta8ouwa. be3da jocker asslan msa6i llah yester, bel7a99 se6a8 ghir le7chich, o kaybi3 détail qoddam lycée, o kaytbessel 3la lebnate, o baghi ghir yeddareb m3a lli kan. O 8ad 5ou8 kan men adka ttlamed dial lycée Razi, science math, kaydreb nou9a6 lewla o kayeddi dima ljawa2iz..7tal nn8ar lli 3ay6ou lou bach yeqra f l'ERA..l'Ecole Royale de l'Air. o ja 8ouwa lewel f ga3 les épreuves, o jate mmou o ma 5ellatouch yemchi yeqra, o 7ebssatou f dar b sarout, 7it kanet 5ayfa 3lih men 6ayarane o 5ayfa la yeddiw8 lel 3asker o bqate 7abssa8 7etta fatou wqate lmti7anate o rattrapageate, o n8ar 7allat 3lih dar 5rej kayghawet f znaqi o baqi tal daba mfenfen fi 3aqlo...

    Moulate rryal...mra f l2arba3inate men 3mor8a, samra o dima 8azza mikka 3la d8arha o dayra dezzara foq jellabt8a o kaddour f qisariyet settat 3la lbeya3a o cheraya o katgoullihom: 3andek rryal? 3ttini rryal.. ila 3tawha derhem troddha, ila 3ttawha 3achra troddha wila 3ttawha joujderyal tgoullihom ana bagha ghir rryaal o tsodd f wje8a o temchi....Moulate Ryal.

    bezzaf dial achkal s7ayta kaynine fel maghrib, li koul wa7ed 7ikaytou, o koul wa7ed o kifach kay3ich tssa6ytou....Allah yel6of bina.

    8ada machi sujet dial dda7k, o lli 3ando chi histoire 8akda yji y3awd8a mar7ba, bel 7aq ana bghit ghir ngoul belli machi ayy wa7ed msatti rah 5laq hakdak... nnaqsha dialt l3oqqal 3la bounte katferfer o ywelli lwa7ed me3doud men l7omma9...Iwa allah yester!
     
    1 personne aime cela.

Partager cette page