Silsilat machahid mina l7ayat : RABI3

Discussion dans 'Discussion générale' créé par Sultan Rachidovic, 26 Juillet 2005.

  1. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Machahid mina l7ayat : Rabi3

    Rabi3, 20 ans, Sidi Bernossi – Casablanca, Ibn Battota !!

    Rabi3.. 7arrag !

    Rabi3 howa sora dial alaf dial chabab lmgharba.. 3ounwane daya3, ou fo9dane l’2amal f’had lwatane.. ramz lfachal dial moujtama3 3la gueddo.. dalil 3la tkhallouf ou n3idam lwa3y dial omma kollha ! Rabi3 da7iya men da7aya lmoujtama3..


    Rabi3 casawi pur, typique.. stounate ou l3ya9a b7al tous les jeunes casawis
    Grand Footballeur de nature, Rajawi comme la plupart de wlad lbernossi..
    Grand Drageur ! lbe99 ma yzhe9 !!!
    Grand parleur.. lhedra moujouda ya wile lli yjebdou !
    Et.. grand rêveur, comme toute une génération de jeunes marocains.. li kant l’a7lam bnnisba lihom wasila bach yherbo men lbo2s ou sou2 l7edd li ketteb 3lihom allah…

    Kanou tigoulou : mossibtna mossibtine (2 mossibate) :
    1 - tzedna f’lmaghrib
    2 – tzedna f’1984.. !! (ajiw tchoufou l7ala après 20 ans)

    Rabi3.. zayed ou kaber f’Casablanca, plus prècisemment f’Sidi Bernoussi.. il n’a jamais quitté ce quartier plus de 20 jours ! tellement wella sidi lbernoussi howa lwatane b’nnisba lih !

    Rabi3 dowez 7ta howa lmedrassa.. ou nje7 !
    Ou 6le3 l’collège ou nje7 beeeeeeeeeeezzez !!
    Ou zad 7ta wsel lycée.. ou dik sa3a trownate 3endou l9adiya .. c’est pas facile d’être adolescent, lycéen, et wled lbernossi à la fois !!

    F’dak l’age dial l’adolescence, ou f’dik lblassa b’dat.. s3ib 3lik tb9a b3id 3la « ttselguit » !!
    S3ib 3lik t9ra mzyane ou tnje7 !!
    S3ib 3lik tb9a weld darkom ou driyef…
    S3ib tb9a bla blya !!!!

    Rabi3 makanch istitna2 “exception” kan un jeune 3adi.. donc 7ta howa ma 9rach mzyane.. dobl 3 snine homa yjriw 3lih men lycée..
    Ttbla b’lgarro, ou jwanate marra marra.. ou chi bwirrate f’lmounasabate…
    T3ellem y’dragui.. ou ytbe3 lbant.. ou ytfella 3lihom ..
    Finn’ma bant lih chi bent t9elleb ytsa7eb m3aha wakha ghir pour flirter quelque fois ou safi..

    Rabi3 ndamej mzyaaaaaaaaaaaaaane m3a l7ayat dial Sidi Lbernossi !
    7ta howa dkhel m3a wlad dderb.. les chômeurs.. nhar kaml ou homa 3asrine 3la 9ahwa séparée dans un vieux café du coin.. 3amra b’dkhakhen dial l’garro.. ou mmaline golfazeer (golf azur)..
    7ta howa t3ellem yeb9a 3aser f’rass dderb 7tal 1h du matin…
    7ta howa wella tichouf.. b3iiiiiiiiiiiiiiiiiiiiiiiiiiiiiiiiiiiiiiiiiide !

    F’Sidi Lbernoussi maymkench tel9a chi 3a2ila ma 3endhach chi weld aw bent f’lkharij !!!
    Lwlad c’est généralement f’talyane, ssbanyoule, frança.. pour les plus chanceux f’ztazen « mirikane » ou Canada..
    Amma les filles.. dayrat 7ala f’l’Imarate, Qatar, Sa3oudia, Kuwait… ou 7ta ttalyane..

    F’l9ahwa.. on ne parle que de ça !

    - f’khbarek Mjid?
    - Ina Mjid?
    - khou Tofé9 weld zen9a 32 ?
    - malou?
    - Wa rah slek l’ssbanyoule
    - Awwah! Weld ddine lkelb..
    - 7na li wald ddine lkelb li ba9ine 3aychine f’had lmeghrib.. tfou !!
    - ou chkoune li sellkou?
    - Kat3ref  Boujem3a? chifor dial dak lkamiou dial ma6icha…
    - Bbat Samira?
    - Haaaaaaaaaaadak! 36ah 2 brikate (2 millions) ou khchah m3a snade9 dial ma6icha li mseddrine l’europe ou sellkou..

    Une année plus tard..

    - fkhbarek Mjid ?
    - ina Mjid ?
    - watta khou Tofé9 a sa7bi li 7reg l’ssbanyoule dak l3am!
    - Aaaah ! malou ?
    - Rah dkhel ! soweb lwora9.. ou jab m3ah waaaaaaaaaaaaaaaaaaaaaaaa7d 250 (Mercedes) A allah yster!!
    - Awwwwah! F’3am debber 3la rasso?
    - Ou nzidek! Rah chra l’darhom partma (appartement) f’i9amat Do7a !
    - Weld dine lkeeeeeeeeeeeeeeeeelb
    - Weld dine lkelb howa ana ila ba9i zedt nhar f’had lblad

    Kolla marra c’est les mêmes refrains
    Kolla marra nefs l9issa tatt3awed
    Kolla marra kizidou chabab yt3e99dou.. ou yfe9dou l’2amal men had lblad li ma 9edrou ydirou fiha walou…

    Rabi3 bda tikhemmem serieusement f’l7rig!

    Wella tefkirou kollo fih !

    3zem bach y7reg b’ay wajhine kane..

    ou 7it familtou men taba9a l7azi9a, makanch sahel y6leb mennhom flouss bach y7reg..
    fekker f’tari9a khra…

    le lendemain dans le vieux café de rass dderb ..

    - Rabi3 : drari.. ana ghedda ghadi l’tanja
    - Hey hey hey.. debberti 3l l3a9a a l9erd? Ghadi ddowez kounji?
    - Achmen kounji din’mmek b9a liya ghir howa.. ghanmchi n7reg!!
    - Wwwaaaha ahha hhhaha ha ha h ha h h ah ah haaa (les éclats de rire) wallah ila gallik baghi y7reg!! Aji ? yakma chfert l’bbak dik t9er9iba li rba7 f’tirci??
    - Jme3 k… baraka men ttfelya.. ghadi nmchi temma n3ser f’lmersa 7ta tbane liya chi ghefla ou nslet f’chi bâteau…
    - Lghefla?? Tta malek ghadi l’sswi9a? Zzmer li ghadi tl9a machi lghefla.. wallah ou chddouk l3essasa 7ta y….
    - Ana wallah la zedt nhar mazal.. allah yn3el bou chi blad oula chi… ga3
    - A fekker a l3awd.. fekker mzyane.. its7ablik l9adiya sahla? Rak sme3ti Mounér weld moul ssaka chno 6ra lih dak l3am?
    - Allahoma roukane (Requein) oula lmarokane
    - Tta node men lhadra dial l… sir tkemmech f’darkom.. ra ga3 ma7amlinch dinn’mha had l3icha walakine lghaleb allah

    Walakine Rabi3 3zem y7reg...
    Ou bla ma ygoulha l’walidih..
    Khrej men ddar.. bla frank bla jouj.. serwal Jean, pull, spadrille Nike mderr7a, ou mouss pour se défendre !!!
    Khrej men darhom… mcha lma7a6a dial l’kirane..
    Mcha ti9elleb 3la lkirane dial Tanja 7ta l9ahom…
    B9a y9elleb 7ta l9a wa7ed lkar dial les années 40.. mcha 3end chiffor (72 ans)

    - ana mzaweg fik a bba l7aj.. wesselni l’tanja
    - 60 dhs a weldi
    - wallah a bba l7aj ma 3endi frank f’jib haaaaaaaaanta 9ellebni ga3 a bba l7aj
    - ou lach ghadi ila ma 3endek flouss??
    - 3la douk lflouss 3lach baghi nmchi.. baghi n9elleb tana 3la terf d’lkhoubz
    - yakma baghi t7reg ???
    - allah ya wddi a bba l7aj ana rani m7roug f’had lblad ou 3ad nzid n7reg ? (kdeb !)
    - yallah 6le3… Bou3azzaaaaaaaaaaa ! gellsou llor… ya b’smellah rouuuuuuuuuuuuuuul !

    mcha Rabi3.. ghadi f’tri9o l’Tanja..
    ou bdaw déjà 3endou les rêves…
    bda y7lem b’rasso slek l’ssbanyoule (l’Espagne)
    7lem b’rassou tout le monde tibtassem lih..
    7lem b’rassou kheddam khedma zwina.. kheddam serbay (serveur) dans un café !
    7lem b’rassou dans les bras d’une jeune espagnole, bent Madrid, li 3jebha fih roujoula dialou ou lfou7oula dialou ou llwiyen dialou !
    7lem b’rassou sayeg tomobile SEAT Cobra..
    7lem b’lflouss… b’ddar.. b’lgawriya..
    7lem b’rassou raje3 lmaghrib.. sayeg l7dida ou jenbou lgawriya… 7lem b’rassou wella 7sen men Mjid.. ou b9a ki7lem

    - a fi9 a lbri9 !!
    - ah! Chnou? Chkoune?
    - Lgrissone hada!! Ma3reftinich? Nog tgue33ed l’r..k! rakeb fabor ou zayedha b’n3ass? Nooode!!
    - Bla ma tkhesser lhedra
    - Wallah ou manzelti 7ta nchtef 3la 6asilt mmok…yallah nzel 9…

    Nzel Rabi3.. be3da ma sala le film dial les rêves.. ou be3d ma sme3 klam « zwine » men 3end lgrissoune !! ça commence déjà mal !

    Mcha tidour f’Tanja… y9elleb fine ydouez had nhar..
    7altou 7ala.. ba9a fih doukha dial lkar
    rial ma 3endou f’jibou…

    mcha kisowel 3la lmerssa fine jat
    - allah yr7em bbak fine jat lmersa ?
    - ch’nni?
    - Lmersa.. le port !
    - Ah ! sir nichane.. 7tal fine wa9ef dak l3ayel.. ou dour 3la yeddek limen ou 3awed sir nichan 7ta tl9a bab lmerssa..

    Mcha 7ta wsel lmerssa..
    Bgha ydkhel

    - aji ntina !!
    - n3am ?
    - fayn ghadi?
    - Bghit ndkhel lmersa?
    - Dine d’immak dakhel tel3eb partida m3a l7out? Mchi ou n3iye6 l’immak 3la lbouliss

    Rabi3 khaf la yjbed sda3 ou ysde9 f’machakil m3a lbouliss
    3ref l9adiya s3iba ou machi sahel ydkhel 7ta lmerssa..
    walakine israro kan kbir.. ou machi un simple agent de sécurité li ghadi ykhellih yetnazel 3la l7oulm dialou..

    Rje3 Rabi3 lwest lmdina.. mcha y9elleb 3la ma yakoul… 7ta tla9a m3a wa7ed moul saucisse f’zen9a…

    - allah yr7em walidik.. tfober 3liya b’chi nsiyess rani ghanmout b’jou3
    - w’ana chkoune ytfober 3liya? Chkoune y36ini 2 dl’mnyoune (2 millions) bach nghber men had lblad lka7la?
    - 7ta nta?
    - Hiya 7ta nta?
    - Rah mchite ndkhel lmersa ila jab allah chi bâteau fach nslek sa3a ma khallawnich ndkhel
    - Ana jerrebt dik l9adiya dial lmarssa.. ghadi tmoute b’lberd ou lkhnez ou 3emmrek ma tl9a chi bâteau.. ghir sir debber lik 3la chi flouss ou sir 3end chi moul lpatéra 7sen lik… hak be3da 9essi m3a rassek.. nta weld casa yak ?
    - Ah ana weld Casa men lbernoussi.. walakine ma3endi flouss ou ddar 7ta homa maf7alhomch.. ila guelt l’bba y36ini 2 mlioune ghadi yjerri 3liya men dar !
    - Wa khouya ! ach ghadi ngoullik.. allah ysawb.. ana rani weld lmdia l9dima f’casa.. rani 6 ch’hor wana talef hnaya.. walakine debbert 3la had lkririssa.. ou chi baraka dial lflouss ou bdit nbi3 ssositt (saucisses) 7ta nkemmel dik 2 millions ou dik sa3a wallah 7ta n7reg wakha n3ref rassi ghanmoute!
    - Allah ysawb lina ou lik a khouya..

    Kla Rabi3.. ou 36ah moul saucisse 50 Dhs.. gallih 3awn biha
    Rabi3 chaddatou lbekya… awwel marra y36ef 3lih chi wa7ed !!!!
    3ref anna denya mazal fiha wlad lkhir wakha wlad l7ram houma lktar..

    a minuit.. rje3 Rabi3 l’merssa.. ou tsell b’chiwya.. bla ma y3i9 bih 7edd..
    ou b9a ghadi 7ta wsel l’blast les bâteaux.. howa ysme3 !

    - ha wa7ed yallah wsel !

    tleffet Rabi3 morah howa yl9a seff dial drari.. des jeunes! Wa9fine.. mkhebbine f’ddlam.. mkemmchine b’lberd
    - salamo 3alikom a lkhout.. chnou taddirou hna?
    - Nta li chnou taddir hna? 7na rah l9dime fina hadi 3 ch’hor ou howa 3asser hnaya !
    - 3 ch’hour?
    - Ayyeh assi.. ts7ablik l’bâtoyat titsennaw fik ghir nta? Wa douz chedd seff m3a khoutek

    Ou hakda l9a Rabi3 drari b7alou…
    3endom nefs dorof dialou.. wakha homa jaw men ga3 lblayess f’lmaghrib.. walakine l9asim lmouchtarak dialhom howa : lfa9r, chômage…

    sme3 Rabi3 l9issass dialhom… t2ellem lihom bezzaf.. l9a fihom drari 3endhom 14 3am.. ou 7ta homa baghine y7ergou… galou lih b’lli les mineur ila 7ergou l’Europe interdir treddhom l’maghrib.. katkellf bihom f’des maisons ou kat3ellemhom chi 7erfa.. logés, nourris, assurés  ou katsoweb lihom lwra9 ila bghaw.. ou kat’dmejhom f’lmoujtama3 !

    koun kan lmaghrib tidir la moitié dial hadchi pour les jeunes 3emmer chi wa7ed ma yfekker yhajer bladou !

    ou hakda.. dowez Rabi3 modda f’wa7ed lblassa mkhebbya f’lmarssa.. tin3ess f’l2ard, tiferrech lkartone (carton).. tiyakoul chya6a li tijibha kolla nhar wa7ed fihom men lmdina ..

    tjertel, tkerfess, twessekh, che3ro 6wale, dfaro k7alou, d3af, cheddatou lkou7ba… wellat 7altou katbeki mskine…

    7ta wa7ed nnhar… ja wa7ed men hadouk drari

    - lkhoute! Wada3an al maghrib!
    - Malek?
    - Bateau dial l7out guedd sekh6, sme3thom tigoulou ghadi l’ssbanya lyoum m3a l3echra dial llile!
    - Awwwwah! Nodo nodo.. 3fa 3lina allah
    - La! Machi daba.. ghadi ntsellou lih m3a 6 dial l3chiya mli ybda y6i7 ddlam.. wa7ed b’wa7ed… lbab llorani dialou msdoud bla 9fel..

    Weslat 6 dial l3chiya.. Rabi3 jme3 rasso b7al lkhrine.. 3ellmouh les techniques bach ytsell ou ydkhel.. 3ellmouch chiwya dial ssbalyouniya bach yhder biha ila d3at darora..

    Twad3ou binathoum ou galou “ntla9aw f’jannat Madrid”  b7al les kamikazes ! (l’inti7ariyine)

    Bdat l3amaliya !

    Kolla wa7ed jat noubtou ye6le3 l’bateau
    Rabi3 7ta howa 6le3.. dkhel l’bateau… silence de morts.. dlam..
    7ess b’lkhawf… 7ess b’nadam.. ou 7ess b’lberd !!!!

    bda titmecha b7al l3ma.. wa7ed men 9odama2 l7erraga wessahom bach ma yche3louch l’pile oula lo9id (les allumettes) 7it kaynine des appareils de detection d’incendie.. ila che3lou chi 7aja ghadi ybdaw douk les appareils yghowtou ou dik sa3a ttfrech l9adiya !

    ou hakda kane… b9a Rabi3 ghadi 7ta tsa6e7 m3a chi 7aja…

    - ééééw ! chouf goddamek
    - sme7 liya a l3awd.. rah ma kanchouf walou
    - chkoune? Rabi3??
    - Ah! Chkoune nta?
    - Nabil
    - Bba Nabil!! Jabek allah…

    L9a Rabi3 wa7ed men l7erraga dial lmersa li t3erref 3lih 9bel…
    Ou bdat ri7lat l’2amal.. ri7lat lkhalass.. ri7lat l7ayat !

    TOOOOOOOOOOOOOOOOOOOOOOOOOOOOOOOOOOOOOOOOOOOOOT
    T7errek l’bateau.. ou t7errek m3ak 9elb Rabi3 ! 7ess b’rrehba.. 7ess b’lkhawf.. lkhawf men lli jay.. lkhawf men had lmosta9bal.. ou men had tri9 li 9errer yeslek… walakine la volonté dialou bach y6elle9 lfe9r ou ybda 7ayat jdida f’spanya je3lou ynsa kolchi ou yfekker b’tafa2oul…

    Men be3d 1 heure de voyage… bda lberd kay9tel f’l7erraga… weslta darajat l7arara (-4°) 4 darajat te7t ssifr!! L7erraga bdaw ti9ef9fo…
    Rabi3 mskine tjemmed fblastou… ma b9ach ti7ess b’rejlih oula yeddih! Ses lèvres tjemmdou.. ma3emmrou 7ess b’b7al had lberd !

    - Rabi3 : ghadi nmoute..
    - Nabil : sber a khouya.. rah dowezt w3er men had lberd.. l3am li fate b9it 12 sa3a mlyou7 f’lb7er… ou men be3d b9it 6 ch’hor kan’ddawa men merd rriya
    - Ach ddani l’chi 7rig..
    - Safi a l3iyane? Hada howa jehdek?

    F’dik la7da li Rabi3 kimout b’lberd.. rejje3 dikrayat dialou f’Sidi Lbernoussi..

    Tfekker ayam tofola dialou.. m3a wlad dderb..
    Tfekker les matchs de foot chaque week end f’tirane d’l7emri..
    Tfekker ses moments avec Soumiya sa dernière petite amie..
    Tfekker mli kan tidkhle l’ddar yamat lberd ou chta.. ou til9a ddar skhouna.. ou tichreb l7rira skhouna.. ou yakel khoubz skhoune.. ou ychreb atay skhoune.. ou tin3ess f’frach skhoune !!

    Twa7ech dif2 dial dar.. dif2 dial l3a2ila.. dif2 dial sada9a… ou l7ay.. ou jirane..
    Tmenna loukane yne99ez men dak l’bâteau ou y3oum 3ouma we7da men Tanja l’Casa…
    Walakine… fate lfoute…
    - drari !!! wééééééééééééééééééééééééé.. tibane liya ddaw dial Tarifa !

    kolhom nadou ti6ellou men wa7ed che99a… ban lihom ddwaw dial le port de Tarifa..
    bdaw tihenniw be3dhom.. ou ytsalmou.. b7al ila reb7ou  chi ma3raka kbira..

    - choufo ! ma tnezlou 7ta ngoulha likom.. rha l’Guardia Civile dima mwejjdine lina !

    ou hakda b9aw galsine 3 heures khrine 7ta kherjou l’équipe dial l’bâteau…
    bdaw tikherjou wa7ed b’wa7ed…

    jat noubt Rabi3.. khrej ! chaf limen ou lisser.. 7ess b’lfer7a ! akhiran wselt !! akhiran ghadi ndir labass.. ghadi nwelli mle33e9 (rich).. l3am jjay Mercedes oula blach!!

    - Policía ! alto !!
    - …………(Rabi3 w9ef f’blastou)
    - De dónde vienen?
    - Marueccos
    - Moros..
    - qué ?
    - Se va a matarles.. perros… vaya.. Avance.. suciedad.. Terroristas (On va vous tuer.. chiens… Allez.. Avancez.. saleté.. terroristes)

    Ddawh le commissariat.. b’ddfi3 ou l3sa ou ttserfi9… khlaw dar boh b’l3sa.. ou la7ouh f’céllule m3a des africains, des cubains, des algériens.. ga3 lgnouss li jaw baghine ydekhlou l’spagna..

    f’l7ebs tla9a Rabi3 m3a wa7d men l7arraga li jaw m3ah

    - cheddouk 7ta nta?
    - Ana 7mar.. b9it wa9ef f’blasti 7ta jaw cheddouni
    - Kichtti koun hrebti ghadi yzeglouk?
    - Kifach?
    - Nabil weld khribga…allah yre7mou!
    - LAAAAAAAAAAAAAAAAAAAAAAAAAAA!! Ach katkherbe9?? Yallah kan m3aya
    - 9etlouh ssbalyoun wlad l9.. mli jaw ycheddouh hreb lihom homa ytiriw fih 2 9ortasat.. we7da jatou f’rjel.. ou b9a tijerri howa yderboh b’ttanya f’rasso
    - …………… bda ybki Rabi3… la ilah illa Allah.. inna lillah wa inna ilayhi raji3oun
    - Bachir 3reftih 7ta howa ?
    - Hadak l3rej mskine ?
    - L9awh mmiyet f’lbâteau allah yre7mou…. Mat mjemmed
    - Allah ya rbbi allah…la 7awla wa la 9owata illa billah

    Lghedd ja 3endou l’cellule wa7ed lpolicier

    - Se cree en tu madre? Cabrón ! ¡Despierta! (Tu te crois chez ta mère, salaud? Réveille-toi !)
    - Que es lo que hay? (Qu’est ce qu’il y a ?)
    - Van a encarcelar les para inmigración clandestina, y a continuación van a repatriar les hacia su pobre país.. (Vous allez être emprisonné pour immigration clandestine, et ensuite Vous allez être rapatrié vers votre pauvre pays..)

    ou hakda.. men ba3d ma zeglatou lmoute f’lbâteau.. ou zeglou 9ortass dial ssbalyoune…

    hahowa Rabi3 rje3 mehzoum l’maghrib..  re77louh l’Tanja… ou men be3d ma chbe3 3sa men 3end lbouliss dial Tanja 3awtani, jaboh goddam bab l’commisariat dial Tanja bach yetsenna l’Fourgonnette dial police li ghadi trejj3o l’casa..

    tbekhrat amalou f’7ayat jdida… f9ed l’amal f’had l3alam… walla kitmenna lmoute oula yrje3 khawi lwifad l’darhom…  tkhiyel lmaw9if dialou goddaw wlad dderb ! chnou ghadi ygoul lihom ? ou chnou ghadi ygoulou 3lih ?? sûrement ghadi ygoulou 3lih : 3iyane ! fnyane ! mcha 7ta wsel lspanya ou reddoh.. ma rajel ma tta le3ba….

    Chaf 7ta chaf !
    Fekker 7ta fekker !
    Dar limen ou lisser.. la voie est libre !

    Rabi3 tar b7al lber9… teb3ouh lbouliss.. ma 9edrouch yweslou 3lih !!
    7laf ma yrje3 !
    allahomma lmoute oula lfa9r ou chômage
    mcha Rabi3.. hreb … hreb b3iiiiiiiiiiiiiiiiiide..

    ou 9errer y3awd lmoghamara… moghamarat l7rig.. walaw ymoute.. walaw y9etlou lberd… walaw yaklou l7out… walaw y9etlouh ssbalyoune… walaw yferchkouh lbouliss d’lmgharba… lmohim ghadi y3awd ou y3awed ou y3awed.. 7ta Y7REG !

    ya chabab lmaghrib : walakine machi kolla marra tslem l’jerra !
    ya lms2ouline f’lmaghrib : allah yakhed fikom l7e9








    copyright Rachid N.A. (dido) Juillet 2005.
     
  2. purmaricain

    purmaricain encien combata

    J'aime reçus:
    0
    Points:
    0
    Re : Silsilat machahid mina l7ayat : RABI3

    @dido: [35h] [35h] [35h] [02c] [02c] [02c] [02c] [02c] [02c] [02c] [02c] [02c]

    c'etais vraiment trés emouvent cette histoire,et trés triste aussi pcq il y avais deux mort :-( ,mais malheureusement c la vérité,douloureuse mais c comme ca et c vraiment domage :(

    en espérent que cette histoire rendras conscience a ceux qui ne voient que la fausse image du soit disant eldorado.

    en core bravo Mr dido [06c] ;-)
     
  3. sadpiano

    sadpiano Visiteur

    J'aime reçus:
    9
    Points:
    0
    Re : Silsilat machahid mina l7ayat : RABI3

    a9al shi yemken yetgal a dido , Momtaaaaaz   fe3lan tare9a raaaaaa2e3a jidaan, kalemat mekhtara men jawaher lmojtama3, syaa9 mdeheb w ra9e , zaa3ma tbarkalh 3lik w khlass, chakhssiyan kanshouf fik scenariste w ecrivain mo7tarif kbiir bkel ma9ayess naja7 , 9laal bzaf amtalo, kat9en fan l 7ewar w lwassf w edhar l7a9e9a b abssat tare9a kadouz l9alb directement, bravo braaavo , ysharafna anak tkon m3ana , w katshaterna had l faan w had ro2ya lejmila, Excelent!! [35h]  [02c]
     
  4. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    @sadpiano : rebbi ykhellik merci bcp bcp.. wallah ça me va droit au coeur! choufi ila welliti inchallah réalisatrice matensaynich ok?

    @purmaricain : allah y7efdek khouya! l7rig howa hadak! lmoute howa lmassir dialou.. ila mamatch b'lberd, oula bl'ghara9.. ghadi ymoute b'lfe9sa mli y7reg ou mayl9ach lkhedma li ja y9elleb 3liha. allah y3fou 3la had lblad
     
  5. sadpiano

    sadpiano Visiteur

    J'aime reçus:
    9
    Points:
    0
    Re : Silsilat machahid mina l7ayat : RABI3

    dido : la matkhafsh ran9elleb 3lik finma kent wntleb menek tekhdem m3aya , naari lwkan had shi yeterjem mossalssal waa khataaaaaar , rah deja metrassi f rassi baz 3lik encore
    3la fekra mabrouk l avatar
     
  6. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    @sad : allah ybar fik!!
     
  7. santakrouz

    santakrouz Touriste

    J'aime reçus:
    0
    Points:
    16
    Re : Silsilat machahid mina l7ayat : RABI3

    nhdro ta l3am jay, bach ngolo lik bravo! omankfiwkch h9ek.
    gales kan9raha 20min bach nkmlha matz3z3t matmlmlt, omandemtch, tbarkllah 3lik, mazglti walo, kolchi howa hadak, makanjamlch, ollah ila jbti kolchi howa hadk.
    [​IMG] [35h] [02c]
     
  8. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    rebbi ykhellik khouya santakruz.. je ne vais pas inchallah m'arrêter tant qu'on appécie ce que j'écris.. et merci beaucoup pour tes encouragements.
    allah yjibna f'swab!
     
  9. fassi

    fassi Citoyen

    J'aime reçus:
    15
    Points:
    38
    Re : Silsilat machahid mina l7ayat : RABI3

    bravo dido!!!!!!!!!! [02c]

    c t vraiment genial!!!!

    le style avec lequel tu ecris est epoustouflant!! c comme si on y etait!!!!

    tbarkellah 3lik w safi!!!!!

    tu as choisi un tres bon sujet, qui touche une grande part de la jeunesse marocaine, et tu as su le traduire une histoire tres touchante!!!!

    bravo encore une fois [02c]

    wa lazina f ntidar lmazid inchallah [06c]
     
  10. ZIKAS

    ZIKAS Accro Membre du personnel

    J'aime reçus:
    117
    Points:
    63
    Re : Silsilat machahid mina l7ayat : RABI3

    c un tou ptit peu de la malheureuz vérité de nos jeunes
     
  11. aghanja

    aghanja Citoyen

    J'aime reçus:
    16
    Points:
    38
    Re : Silsilat machahid mina l7ayat : RABI3

    dido tbarekella8 3lik ..... et merci de nous faire vivre RABI3 ...
    j'estime bezzaf ton allure f-la redaction " allure weld chche3b ".
    merci bla 9yas .... wlla8 izeyyen Ssen3a.
     
  12. LeRouge

    LeRouge Citoyen

    J'aime reçus:
    62
    Points:
    28
    Re : Silsilat machahid mina l7ayat : RABI3

    Dido : nta 3ayyane koune kab7alak b8ad al maw8iba koune wallite katibe kbire
    Sir publier 8ad chi ana ba3da awale wa7ad ichri mannak
     
  13. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    merci bcp Aghanja.. allah y7efdek

    baba LeRouge.. rani vraiment kanfekker f'hadchi.. l9it wa7ed la personne t9der t3awenni. yj3el allah khir!
    nhar n'publié hadchi inchallah ghadi nbi3 lik l'exemplaire nta lwoel ! ou ndir m3ak kridi ga3 yallah [05c]
     
  14. santakrouz

    santakrouz Touriste

    J'aime reçus:
    0
    Points:
    16
    Re : Silsilat machahid mina l7ayat : RABI3

    ya akhi dido ra zidna mazal mn kitabatek, htta n9ddo njm3o chi kotayeb, omatsal mnni ra nchof wahed lmtba3a kant3amlo m3aha tnsekh lik nosakh, omantasalo mnk ra lah irhem lwaledin, hta hiya ila makantch llah isameh. bchart ikono bhad sira, ya3ni bdarija omktoba bhad tarika bach kanktbo, ohtta lkotayeb raykon bhad sira, bach tkon sabi9a khrjat mn wladbladi
    saraha hadchi momtaz.
    twkel 3llah.
     
  15. markos

    markos Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    je peut sulement dire tres bien ta refleter la veriter du maroc c"est pas la tv ou les media qui disent la veriter c"est cs la veriter mais esperons que cette situation ce change malgre si ca et tres difficile comme le reve de rabi3 mais vous avez quoi moi je suis optimisste il faut etre optimiste si on deviet optimiste ou on se suiside merci bien merci
    wnta rak 3andk mawhiba sir pebluer hadchi wlahila rah pour moi tres bien
     
  16. dodi

    dodi °Oo TiTiiiZa oO° Membre du personnel

    J'aime reçus:
    42
    Points:
    48
    Re : Silsilat machahid mina l7ayat : RABI3

    khay dido tbarkellah 3lik rien a dire c fort 9isas raaaa2i3a lyouma 9rit lé trois 1 heure wana planté goult m3a rassi an9ra 1 w namchi n3as sa3a tar 3lia n3as
    tres bon choix dial lmawadi3  ; la façon bach katwsselhom haaaaa2ila ; l7iwar manhadrouch 3lih . wzid w zid wakha nbghi nwsaf j'arrive pa c excelent ! genial!!!
    tbarkellah 3lik encore  [35h]
    [02c] [02c] [02c] [02c] [02c] [02c] [02c]
     
  17. santakrouz

    santakrouz Touriste

    J'aime reçus:
    0
    Points:
    16
    Re : Silsilat machahid mina l7ayat : RABI3

    ollah makent 3aref wach 3ndek 3 dyal l9isass htta galtha dodi f répnd dyalha, 3ad mchit kan9leb, ol9ithom, karim; khalid et rabi3.
    makntch 3aref hit mlli postitihom mazal makntch 7ader f site.
    tbark llah 3lik akhoya dido rak m3llem.

    [​IMG] [​IMG] [​IMG] [​IMG] [​IMG]
     
  18. sarrita

    sarrita Visiteur

    J'aime reçus:
    0
    Points:
    0
    j'ai tardé à poster mon commentaire mais c juste par manque de temps..
    comme prév,la nouvelle episode de la série machahid mina lhayat ne manque pas de perfection.. un style signé dido.. très attirant,très cohérent,très marocain!!
    coté sujet : un vrai fleau,dans tous les sens du mot!!! une tragédie sur scène,mais rares sont ceux qui en tire la moralité!!
    tbarkellah 3lik!!!

    PS : il y a des fautes au niveau du largot tangérois , fallait demander un coup d'aide,j'aurai aidé avec plaisir ;-)
     
  19. Sultan Rachidovic

    Sultan Rachidovic Visiteur

    J'aime reçus:
    0
    Points:
    0
    Re : Silsilat machahid mina l7ayat : RABI3

    @santakrouz : wallah c trop gentile de ta part khouya.. je ne sais comment te remercier, je pense vraiment f'had l9adiya dial l'édition. lmohim 7na en contact.. je te passe mes coordonnées. et merci encore [06c]

    @dodi : rebbi ykhellik.. si jamais 3endek chi mowdo3 interessant ou bghiti nkteb 3lih chi histoire ana moujoud [06c]

    @sarrita : merci bcp bcp.. 3awnini bach n'corrigi les fautes de l'argot tangerois! [06c]
     
  20. LeRouge

    LeRouge Citoyen

    J'aime reçus:
    62
    Points:
    28
    Re : Silsilat machahid mina l7ayat : RABI3

    Sarrita : wa syabi li8 chi PPita ra8 wa9ila fi8 jou3 [06c]
     

Partager cette page