The best Recipes withe Redeye.

Discussion dans 'Cuisine' créé par dul2, 22 Novembre 2013.

  1. dul2

    dul2 salam alikom

    Inscrit:
    2 Octobre 2010
    Messages:
    3486
    J'aime reçus:
    5699
    Localité:
    casablanca
    Salam alikom WB ^^
    Bikol fakhr wa3tizaz w kanstsm7 man lakh Redeye , bianani ndir un petit rappel gourmand des recettes dyal chef dylna lkbir Redeye , des recettes de cuisine lihoma faciles et rapides à réaliser , ntmna y3jabkom:)



    Gwimila btata w zitoune:p
    [​IMG]
    lma9adiir :
    1/2 bassla m9at3a traf sghar
    1/2 kilo dial btata m9at3a traf moyen
    flifla khadra m9at3a traf sghar
    mel7a
    ibzar
    za3frane colorant
    zitoune khdar bla 3dam
    w 9ozbor w ma3dnouss madgougine
    shwya dial 9arfa
    1/2 yetro dial lma
    1 7eba dial maticha m9at3a traf sghaar ta hia
    w zite b tabi3at l7ale


    atta7diir :
    kan7amro shwya lbassla f zite f gwimila, w men ba3d shwya kanzidou 3liha lflefla wel maticha w lebtata wel mel7a w libzar wel 9arfa (1/4 tal 1/2 m3al9a sghiira 3la 7assab daw9), w za3frane colorant, kankhalto wenzido lma wenghattiw lgwimila wa7ed nass sa3a

    men ba3d kan7alouha wenzidou wa7ed m3al9a tal m3al9a w nass dial 9ozbor w ma3dnouss w shwya dial zitooune, w kansedou 3liha tani w netssenaw ta yen9oss shwya dak lma w tmerra9 mezyane l9adia..w après on sert et on mange miam miaaam:p

    ***************************************************************
    Dinde à la Redeye:p
    [​IMG]
    lma9adiir : (7assab sh7al men wa7ed ghayakoul)
    1/4 tal 1/2 kilo dial la dine m9att3a traf sghar (mashi bezzaf)
    1/2 tal 1 7ebba bassla m9att3a traf sghar
    1 tal 2 7ebbat maticha m9at3a moraba3at sghar
    1 felfla kehdra
    1 flefla 7amra
    ibzar
    mel7a
    ziite
    9ozbor w ma3dnouss madgougine
    zitoune khdar m9etta3
    1 tal 2 bidate
    1/2 m3al9a sghira dial ta7mira
    1/4 m3al9a sghira dial skinjbir


    tarii9at ta7diir :
    kanshwiw lfelfla w kandirouha f shi mika wensoud 3liha wa7ed 2 minutes, bash tesshal t9eshar men ba3d, w kan9ashrouha w kan9at3o traf metwasstine f toule w metssawyine
    f ma9la kandirou 3 dial m3ale9 kbar dial ziite, w kan7amro fiha lbassla m3a lmal7a, ghiir katebda t7emar wtla9 rii7a zakiya dialha, kanzidou maticha, w men ba3d la dinde, w kanzidou shwya dial lmel7a 7assab daw9, libzar, ta7mira, skinjbir, w kan7arkou shwya dakshi yetkhelat, w kankhelliwh ytib shwya...
    après kanzidou l9ozbor wel ma3dnouss, w dik lefla..
    kanshoud lbayd, f shi zlafa kandarbouh wenssalkhou tassilto mezyaaane loool, w kankabouh fou9 men lma9la 3la la diine, w kankhalliwh ytiib..
    kan7attoh w kanzyanou b shwya dial zitouuune

    shahiya tayiibaa:p

    **********************************************************
    l7am w looubya khadra:p
    [​IMG]
    lma9adiir :
    1/2 kilo l7am bagri habra m9eta3 traf sghar (mashi bezzaf)
    1 bassla sghiira m9att3a traf sghaaaaar
    z3afrane l7or
    1/2 m3al9a sghira dial khar9oum
    1/2 nass m3al9a sghira dial ta7mira
    mel7a
    ibzare
    3/4 litre dial lma
    m3al9a w nass kbiira dial zwiita beldiya
    9ozbor w ma3dnouss madgougiine
    1/4 kilo dial loubya khadra

    tarii9at a7diir :
    katshed tanjra dir fiha l7am, wtzid lbassla, mel7a ibzar, ta7mira, khar9oum, ziite, shwiya dial ma3dnouss w 9ozbor, w z3frane l7orr, t7errakhoum shwya yetkhalto w tkhellihoum yetra9do m3a ba23diyathoum wa7ed 5 d9aye9.. w après dir tanjra fou9 l3afia yet7amr l7am..
    ghir yban lik l7am t7emmar khwi lma, w sed tanjra w khelli dakshi ytiib...

    katshed loubya kat9eta3ha men traf, wet7eyad liha douk lkhyouta (elli fjnab) w teghssalha, w tghalli shwya dial lma, w tdir fih mel7a, ghir yban lik kayghli, dir fih loubya tessla9 wa7ed 15 d9ii9a, après tfi 3liha w seffiha men lma..

    melli tiib tanjra dial l7am, khwi shwya dial mrii9a 3la looubya, w 7attha m3a l7am w bsse7a w ra7a:p

    ***********************************************
    Calamar + riz + salade aux aubergines:p
    [​IMG]
    lma9adiir :
    - zlafa sghiira dial roze
    - 1/2 kilo dial calamar maghssoul w m9etta3 dwawer
    - zite
    - m3al9a sghiira dial zebda
    - zlafa dial jelbana masslou9a
    - salade :
    1 tal 2 7ebat dial boudenjale, maghssoula, w m9ashra w ma9tou3a moraba3ate sghar
    3 tal 4 7ebat maticha m9at3a traf sghar
    1/2 flefla khadra m9at3a traf sghar
    1/2 flefla 7amra m9at3a traf sghar
    1/2 flefla safra m9at3a traf sghar
    3 fssouss touma mafroumine
    1 w nass m3al9a kbiira dial 3assir l7amed
    9ozbor w ma3dnouss madgougine
    mel7a
    1/2 m3al9a sghiira dial ta7mira
    1/2 m3al9a sghiira dial lkamoune


    tarii9at ta7diire :
    - kanghalliwe jouj zlayef dial lma f cassrouna, w kanzidou lih mel7a, ghir kayghli, kanssel9ou fih rroze, w après katssafiwh men lma dialo w tkhelliwh yebrad shwya.
    - f casrouna tania, kandirou lma yaghli ta howa, w kanzidou fih shwyya dial mli7a, w après kandirou fih lcalamar ytessla9 wa7ed shwya, wa7ed 15 min, w après kansaffiwh wenkhelliwh yebrad shwya..(had l'étape optionelle, yemken likoum tdouzou l9alyane dial calamar direct)
    - f wa7ed zlafa sghiira, kandirou m3al9a kbiira dial zite, shwya dial lkamoune, shwya dial ibzar, shwya dial mel7a, shwya dial ta7miira, w shwya dial 9ozbor w ma3dnouss, w kankhalto dakshii, w kanra9do fih lcalamar, w kankhelliwh yetra9ad shwya wa7ed 5 à 10 minutes.
    - après kandirou zebda kandewbouha f ma9la w kanzidou shwya dial zite, w kanlou7ou dak lcaramal fiha w kanghattiwha shwya ytiib.

    - pour la salade, kanshedou cassrouna, awla marmite sghiiira, w kandirou fiha boudenjale, w kan7atouha fou9 l3afia, w kan7arkou shwya, ytib boudenjale, w kanzidou après, lmaticha, wel flefla bi jami3 alwaniha, w kanzidou mel7a, w 3assir l7amed, w kamooune, w ta7miira, w touma, w kankhalto mezyaaane, w kanghattiwha nkhelliwha tiiibe, melli katiib kanderdrou fou9 menha shwya dial 9ozbor w ma3ndouss madgougine

    - melli kaybrad shwya dak rouze, kandirouh f m9iila fiha shwya dial zite, w kanzidou lih elli b9a men dik sharmouula elli re9ednba fiha lcalamar, w kanzidou lih jelbana, w shwya dial mlii7a, w kantaybouh f ma9la wa7ed 2 à 3 minutes m3a ta7riike..

    w kan9admou le tout, bsse7a w ra7a:p
    ********************************************
    filet l7am mashwi + champignons + khodar amsslou9a:p
    [​IMG]
    lma9adiir :
    1/2 kilo l7am steak
    boite champignons 120g
    nass bassla ma7kouka
    nass bassla m9et3a
    mel7a ibzar
    1 m3al9a kbiira w nass dial zite zitoune
    9ozbor w ma3dnouss madgougine
    1/2 kass sghir dial lma2

    tarii9at ta7diir :
    f shi tabssil ghare9 shwya (dials alade matalane), kansatfou douk les tranches dial l7am, w kandardrou 3lihoum shwya dial mel7a w ibzar, w kanzidou dik nass bassla ma7kouka, w m3al9a kbiira dial rbii3 lmadgoug, w kankhaltoo mezyaaane, w kanghattiw dak tabssil w kandirouh f tellaja sa3a del magana yetre9ad l7am f dik lkhaylouta...

    f ma9la sghiira, kandirou m3al9a w nass dial zite l3oud, w kanzidou lbassla w champignons, w kan7amrouhoum, w kanzidou lmel7a w libzar, w après kankhwiw dak nass kass sghir dial lma bashwya, w kan7arkou w kanghattiw lma9la shwya tiib..

    pour salade dial lkhodra masslou9a, dakshi à votre choix...

    melli kanjabdou dak l7am men tellaja, kaneshwiwh, w kan7attouh m3a dik sauce de champignons..f had la sauce de champignons yemken likoum tzidou m3al9a sghira dial ketchuyp w shwya dial sauce soja, ila bghito, awla t9at3o m3aha maticha w ta9liwha m3aha, w tzidou shwya dial kamoune w nass m3al9a sghiira dial ta7mira..

    bsse7a w ra7a :p
    *********************************************************
    l7am b champignon w sauce soja + kwirate dial btata :p
    [​IMG]

    lma9adire:
    1/2 kilo dial l7am habra m9etta3 traf sghar
    zlafa sghira dial d9ii9
    boite dial champignons parisiens sghiira
    1 m3al9a kbira dial sauce soja
    1,5 m3al9a kbiira dial ketchup
    kass sghir dial lma
    1 bassla m9at3a traf sghar
    1 aw 2 fssouss dial touma 3la 7assab daw9 madgougine
    1 m3al9a sghiira dial zite zitoune (optionnelle)
    mel7a w ibzar
    1 m3al9a kbira dial poudre de curry (optionnelle)
    2 m3ale9 kbar dial zite

    tarii9ate ta7diire:
    - kan7amrou lbassla f ma9la m3a zite
    - kanshedou l7am kanreshouh b mel7a w ibzar w kandewzouh f d9ii9
    - kandirou l7am m3a lbassla, 7etta yet7emar, w kanzidou touma
    - après 2 minutes kanzidou champignons, ketchup, sauce soja, poudre de curry, w zite zitoune ila khtaritou tzidouhoum, w katkhalto mezyaane
    - katzidou kass sghir dial lma, w kat7arkou shwya, w katghatiw lma9la wa7ed 15 minutes, et voilààààààà<D


    kwirate dial btata

    lma9adire:
    1/2 kilo dial btata
    1 bassla sghira ma7kouka
    1 foss dial touma madgoug
    1 m3al9a kbiira dial 9ozbor w ma3dnouss mafroumine
    mel7a w ibzar
    zlafa sghira dial d9ii9
    zlafa sghira dial chapelure
    2 baydate mkhaltine

    tarii9ate ta7dire:
    - kan9ashro lbtata wen9at3ouha traf sghar, wenssal9ouha, awla yemken likoum tssal9ouha 3ad t9at3ouha.
    - melli katessla9 kansafiwha men lma, w kankhaltouha awla ghir b fourshita 7etta katwell purée 3jina..
    - kanzidou lmel7a, libzar, touma, w kankhalto koulshii
    - kansaybou kwari kbar shwya men lkhalit dial btata, w kandirouhoum f d9i9 w men ba3d fel bayd, w après f la chapelure
    - kansakhnou zite, w kandirou fihoum douk lakwirate 7etta yet7amro mzyane men ga3 jwayeh


    bsse7a w ra7aaaa:p
    ****************************************************
    poulpe avec sauce tomate (rougeail)
    [​IMG]
    lma9adiire w tarii9at ta7diir :
    shoufou hna had lwassfa
    ziyadata 3la dik lma9adir elli f le lien, ana zedt : 1 m3al9a kbiira dial zite ziitoune, w m3al9a sghiira dial poudre de curry (moujouda f acima)

    bash tna9iw la poulpe, w tkhalliwha tji ratba melli tiib mashi 9ass7a w b7al kawatshou, shoufou hna w hna
    howa a7ssan 7aja ila shritou la poulpe, l7owate goulou lih yseyabha likoum, wakha ghadi te7tajou après tgfhasslouha f dar w tn&a9iwha shwya (7it ghadi ydir likoum khadma dial zerba), w t9at3ouha traf sghar...w khadma washmen khedma hia bash tne9a, jerratbha yalatif, 3la bount kent ghadi nlpou7 dakshi w mantayboush...wila kentou sensible l rawa2ii7, dirou shi masque 3la lawjah, sinon ghadi tssad9o t9eyaw fou9 la poulpe wentouma katna9iw fiha...

    fi ma yakhouss toro9 bash tertab likoum (l'attendrir), ana jerabt une double méthode : congelation puis tessla9, khallitha f lefrigo 24h, w après kherajtha décongela, w men ba3d melli na9iteha w 9eta3tha, ghallit lma, w zedt fih shwya dial mel7a w ibzar, w dertha tessla9 fih moudat 40 d9ii9a ta9riibane..


    bsse7a w ra7aaaa:p
    **************************************************
    Kefta + salade aux aubergines:p
    [​IMG]
    lma9adiir :
    - 1/4 kg dial kefta
    - salade :
    1 7eba dial boudenjale, maghssoula, w m9ashra w ma9tou3a moraba3ate sghar
    2 7ebat maticha m9at3a traf sghar
    1/2 flefla khadra m9at3a traf sghar
    1/2 bassla m9at3a traf sghar
    1 m3al9a kbiira dial 3assir l7amed
    9ozbor w ma3dnouss madgougine
    mel7a
    1/2 m3al9a sghiira dial ta7mira
    1/2 m3al9a sghiira dial lkamoune
    1 m3al9a kbiira dial ziite

    tarii9at ta7diire :
    - kanshedou cassrouna, awla marmite sghiiira, w kandirou fiha boudenjale, w kan7atouha fou9 l3afia, w kan7arkou shwya, ytib boudenjale, w kanzidou après, lmaticha, wel flefla wel bassla, w kanzidou mel7a, w 3assir l7amed, w kamooune, w ta7miira, w ziite, w kankhalto mezyaaane, w kanghattiwha nkhelliwha tiiibe, melli katiib kandirouha f wasst tabssil, w kanzew9ouha bel 9ozbor w ma3ndouss.

    - kane9liw lkefta, w kan7attouha autour de la salade f tabssil..w besse7a w ra7a:p
     
  2. RedEye

    RedEye - أبو عبدالرحمن - Membre du personnel

    Inscrit:
    10 Décembre 2004
    Messages:
    23802
    J'aime reçus:
    4157
    Sexe:
    Homme
    Localité:
    Casablanca
    shoukrane shoukrne..in chaa allah ghir netresha7 lel barmalane wnebni likoum sbitar w jame3 f dowar :p

    merci pour l'effort, ça aurait ét éplus facile de mettre juste le lien sur la photo w tjik sahla...kif ghadi diri ila rash9at lia w postiti des autres recettes ?? :p :p :p
     
    dul2 apprécie ceci.

Partager cette page

En poursuivant votre navigation sur ce site, vous acceptez l’utilisation de Cookies pour vous proposer des publicités ciblées ainsi que pour nos statistiques de fréquentation.