wassafate sari3a man9ouline li3younkom wb & bb

Discussion dans 'Cuisine' créé par orchidée, 11 Mai 2011.

  1. orchidée

    orchidée لا اله الا الله

    J'aime reçus:
    148
    Points:
    63
    jma3t likom chi wassafate sari3ine machi ana li dayrahom ghir man9ouline ntmanna y3ajboukom

    انا جبت ليكم وصفة رائعة للكبار والصغار
    كناخد بصلة صغيرة نشلضها ونقليها فمقيلة ونزيد عليها صدر الدجاج مقطع مربعات مع شوية الزبدة والزيت وندير مليحة وبزار ونخلي الصدر يتقلى مزيان ونضيف علبة ديال الكريم فريش ونخليها تغلى ونحيدها ونحك عليها الزعتر
    والله ما تشبعو منها انا متاكدة


    كندير بعض المرات هذه الاكل وكتجي رائعة وسريعة
    اولا كنقطع البطاط دوائر وكنملحو وكنقليه
    كنشحر بصلة محكوكة مع 1 ثومة محكوكة في الزيت مع الملحة والكمون والبزار والحرقوم حتي يتشحر مزيان مزيان
    كنضرب 4الى 5 او اي عدد ديال البيضات مع الملحة ونخلطوا مع البصلة مشحرة مزيان
    كنستف البطاط المقلية في لاطا ديال الزاج ديال الفرن وكنكب فوقهم البيض ثم كندخلها الى الفرن كتجي رائعة ومذاق رائعععععععع وكتعجب وليداتي وحتى بباهوم
    اوا جربوها وردو عليا الخبار


    بعد لمرات كنكون مزروبة كتنفعني هده الاكلة كتجي لديدةةةةةةةةةةةة
    كناحد الكفتة والبصلة والملح ابزارو سكنجبير والزيت البلدية والرومية والربيع احتياري
    في كوكوت ناخد بصلة نقطها رقيقة ونشحرها مع زويتة ونضيف الكفتة كوريات والتوابل والزيت ونخليو الكفتة تشحر مزيان باش ماتحلش في الطياب ونزيدو كاس صغير ديال الماء تقريبا في نصف كيلو كفتة ونسد الكوكوت واحد 10 الدقايق و
    وهاهي مريقة واجدة


    الدجاج مقطع كبير شوية او الفخاض متلا تشلضي عليه بصلة و تومة والمعدنوس ربيطة او تزيدي عليه الملح الابزار سكين جبير الزعفران نص كاس زيت تقليه شوية تم تغطيه بالما حتى يطيب حيدي الدجاج دهنيه بالزبدة او دخليه للفران اتحمر فهاد الوقت ديري الروز فديك المريقة ديال الدجاج حتى يطيب ويشرب المرقة كلها طريقة التقديم نحطو الروز او فوق منو الدجاج


    كراتان ساهل ماهل و سريع التحضير 3 بطاطا مقطعة دواءر 3خيزو مقطع دواءر نديرهم ايتسلقو تم نسقطروهم فمول نستفو البطاطا تم خيزو او نحلو حك ديال الطون بصلصة الطماطم نديرو فوقها تم 3بيضات مطربين مع الملح او الابزار و يزين الوجه بالفرماج


    حبة كبيرة بطاطا او 2متوسطين حكيها فالحكاكة الجهة اللي عينيها واسعين عصريها شوية من الما ديالها او فقصي فوقها قياسك ديال البيض مع مليحة او ابزار خلطيها بيديك خودي مقلة ماكاتلصقش سخني فيها شوية ديال الزيت مزيان كاناكد الزيت لازم تكون سخونة مزيان كبي فيها ديك البطاطا هبطيها بيديك شوية بحال الا كاتقرصيها غير باش التقاد غطي المقلة منين تحسي بالبطاطا شدات راسها وتحمرات ملتحت قلبيها تحمر من الوجه لاخور


    عندي لكم واحد الوصفة خديتها من كتاب شميشة وجربتها مرارا وتكرارا كتجي رائعة
    المقرونية الفيس تسلق مع الملح 10 دقائق ونوجدو لصوص بمطيشة محكوكة ومطيشة الحك وووراق سيدنا موسى والبزار والملح الزيت وتخلطيها مع الطون وكبيها في المول الفرماج الاحمر وتدخل الفرن حتى يدوب الفرماج كتجي رائعة

    A suivre...

     
  2. kechia

    kechia Accro

    J'aime reçus:
    211
    Points:
    63
    hadik lwasfa lakhrania katji zwina hia li kandir pas mal de fois fla3cha sahla mahla o ldida

    merci orchidée :)
     
  3. milouky

    milouky ¤~.oOo.~¤

    J'aime reçus:
    256
    Points:
    83
    had l wasafat limodat 2 asabi3 tel9ay rassek zayda 5kg :rolleyes:
     
  4. sda3

    sda3 Matkhafch khouuk ana ri lwaqt li m....

    J'aime reçus:
    120
    Points:
    63
    ikhalik lili [20h]
     
  5. ذات النقاب

    ذات النقاب أختكم في الله

    J'aime reçus:
    102
    Points:
    48
    tbarkallah 3lik ana sara7a ch7al min 7aja t3alamtha minak:p
     
  6. hima7

    hima7 oummo Ilias

    J'aime reçus:
    62
    Points:
    48
    chokrane 3la had lwassaft
    rah isla7ou 7ta lwlidate sghar
     

Partager cette page