zajal

Discussion dans 'toutes les poésies...' créé par vanlee, 31 Décembre 2006.

  1. vanlee

    vanlee Abou Mouataz

    J'aime reçus:
    118
    Points:
    0
    طريقي طويلة و ناسها مخلطة
    حمير غادية و تابعاهم السمطة
    كيف المكتاب على الظهور الزبطة
    بالحمر دامية و بالزرق مشرطة

    طريقي فواحشها باينة منظورة
    ما عرفت ناسها فايقة وْلا مسحورة
    حاسبين بِلا دنوبهم كلها مغفورة
    ايّام مجرورة بايّام حتى لقبورة


    طريقي مظلمة و ضوها باهت
    الناس الزينة فيها تلفت و تاهت
    كلب ورا كلبة يجري لاهت
    و الهضرة فيها خسرت و سفاهت

    طريقي تصفر خاوية مهجورة
    من النسا و الرجال المنصورة
    عيالات فيها للدرهم منشورة
    و كلمة الرجال ولات معبورة

    طريقي مسكين تابع مسكين
    لا كلمة زينة و لا قلب حنين
    اليد مبسوطة و الدمعة فالعين
    الجهل و العيا مطبوع فالجبين

    طريقي النفس فيها مقبوضة
    كلمة الحق ولات مرفوضة
    يا ربي فكها من هاذ الفوضة
    و دير شي تاويل ينوضها نوضة

    طريقي بغيتها تْولّي طريقك
    ليلها ضاوي كنهار طريقك
    ناسها صافية كعباد طريقك
    رحمني يا مولاي بطريق لطريقك
     
  2. liveislife03

    liveislife03 Visiteur

    J'aime reçus:
    16
    Points:
    0
    waaaaaaw! très bon sujet!!

    ky3jabni bzaf zajal!!

    merci :)
     
  3. vanlee

    vanlee Abou Mouataz

    J'aime reçus:
    118
    Points:
    0
    celle elle est funy



    الإبتدائي هدا
    ادوات, ستيلو, طباشير ومسطرة
    فالقسم انظابطو والمعلم نسمعو ونخافو الهراوة
    شويا قرايا وبزاف ضحك لعب وحْيَالة
    صحاب كتار نظاف و حلاوة
    نتعلمو حوايج كتيرة منها الشطارة
    و نتمناو نكبرو ونبدلو المستوى

    الكوليج هدا
    الصحاب تبدلو وصعابت القرايا
    البنات ظهرو والتحرميات وهنا بدات المراهقة
    و بدا السليت و الكدوب ومشات البراءة
    كلشي حاير حتى الموجه والموجهة
    و فالنورماليزي الكل يتسنى النقطة
    ونتمناو نكبرو ونبدلو المستوى

    الليسي هدا
    اللي وصلو قلال و اللي دازو قليل للي ختار ما بغى
    بدينا نكبرو و ولينا رجال و نسا
    اللي مع الحب عندو قصة
    واللي تالف مع الرياضة
    واللي همو الوحيد التيلاوة
    واللي من كلشي شوية
    نفكرو فالمستقبل و فاليام الجاية
    فأشمن اتجاه الواحد فينا يتلهى
    و انخافو نكبرو و ما نبدلوش المستوى

    السيب سبي هدا
    الفرحة و البزوطاج والضحك نجمعوه ضغية
    الدٌييسات و الكولات والليالي البيضة
    الدمير والحرف و تا حاجة ما مضمونة
    صاحبك يولي عدوك وجارك يتمنى ليك شي طيحة
    المستقبل ملعوب بين الزهر والتطياح والنية
    و نتمناو الله يعفو علينا من هاد الكية

    هادي المدرسة العليا
    تفرقو الجمام شي فالمغرب و شي برا
    ولكن خوت جداد فالدمة
    بروجيات صطاجات ومواد متعددة
    اساتذة اكفاء يهضرو بنغمة مبدلة
    كبرنا وبدينا نقدرو مكانتنا
    و جا اليوم اللي كاملين نتسناو بلهفة
    الوالدين الحباب الصحاب كملات الكلسة
    تصفيقات وتعناق راه الدبلوم هدا
    و ما بقيناش نتمناو حتى حاجة

    كلشي تشتت وتلف فالدنيا
    اللي داتو الخدمة و اللي مشى مع المرا
    واللي مزال مضارب مع القرايا
    لكن تجمعنا الجمعية
    والتحية النضالية
    نتلاقاو فبلوكات لشخصيات ما لها نهاية
    نتحاكاو قصص ليلة
    والغد ندٌُرو الصفحة

    المهم الحاصول هدا
    غدا لي معاكم جدٌة
    ونتمناو ديما نتلاقاو وتدوم محبة
    [42h]
     
  4. vanlee

    vanlee Abou Mouataz

    J'aime reçus:
    118
    Points:
    0
    merci a khti
    mais tu aime essaye de participer [35h]
     
  5. vanlee

    vanlee Abou Mouataz

    J'aime reçus:
    118
    Points:
    0
    كنبغيك يا سيدي...

    كنبغيك ولو تْـزيد فْ تعذيبي...

    كنبغيك يا حبيبي

    وف الغرام انت حظي ونصيبي...

    كنبغيك يا سيدي

    يا حبيب العمر

    يا أجمل من القمر

    يا اللي علمني السهر

    يا اللي دوب ف قلبي الجمر...

    أنا كنبغيك... صدقني...

    وقلبي متيم بيك ومَّحَّـني...

    قلت له نساه قال لي محال

    بحبه بنيت قصور وآمال

    على شطه نسيت أحزان وآلام

    حتى العقل صار بيك هايم

    نسى العالم وولى بيك فايق نايم...

    حبيتك وحبك صار عندي الحياة

    غرقت ف بحار عينيك

    عشقت ولا بحثت عن طوق النجاة...

    بحر غرامك فيه الغرق لذيذ

    نغرق فيه كل يوم ونطلب المزيد...

    قالوا مسكينة ويا ربي تبرا

    من هاد الحب اللي رجع أيامها مرة...

    قلت علاش.... شكون قال لكم من حبي عييت؟

    حرام... أنا كنبغيه، ومن غرامه أبدا ما مليت...

    يا ناس... يا ناس نساوني هيمانة...

    يا ناس خليوني ف غرامي غرقانة...

    يا ناس راني كنبغيه

    ومن بعد ضمة صدره

    حتى الموت مرحبا بيه...
     
  6. liveislife03

    liveislife03 Visiteur

    J'aime reçus:
    16
    Points:
    0
    wach hadchi dialek a vanlee?!!

    si c'est le cas, bravo!! c'est très beau!!
     
  7. vanlee

    vanlee Abou Mouataz

    J'aime reçus:
    118
    Points:
    0
    non c'pas a moi c'a d'autre marocain qui j'ai trouver sur le net et j'voulu partager avec vous tous [:Z]
     
  8. liveislife03

    liveislife03 Visiteur

    J'aime reçus:
    16
    Points:
    0
    ewa chokran jazilane 3la le partage!!
     
  9. vanlee

    vanlee Abou Mouataz

    J'aime reçus:
    118
    Points:
    0
    la chokra 3ala wajib nous somme une famile a wladbladi.com
    [:Z]
     
  10. inspiration08

    inspiration08 allahoma ghfir denoubana

    J'aime reçus:
    229
    Points:
    0
    Re : zajal

    8ad chi zouin [45h]
     

Partager cette page